Reduce Heart Attack Risk : হাৰ্ট এটেকৰ সম্ভাৱনা হ্ৰাস কৰিবলৈ গঢ়ি তোলক এই অভ্যাস…
যুৱ প্ৰজন্মৰ মাজত উচ্চ ৰক্তচাপৰ দৰে স্বাস্থ্য সম্পৰ্কীয় সমস্যাবোৰ অতি সাধাৰণ হৈ পৰিছে । লগতে নিয়মীয়াকৈ স্বাস্থ্য পৰীক্ষা নকৰাৰ বাবে এই সমস্যা মৃত্যুৰ কাৰণ হ'বলৈ আৰম্ভ কৰিছে। হাৰ্ট এটেকৰ সম্ভাৱনা হ্ৰাস কৰিবলৈ কেনেদৰে ল'ব স্বাস্থ্য়ৰ যত্ন ?
হাৰ্ট এটেকৰ সম্ভাৱনা হ্ৰাস কৰিবলৈ কি কৰিব ?
কিছুদিনৰ পৰা দেশত বৃদ্ধি পাবলৈ ধৰিছে হাৰ্ট এটেকত মৃত্যুৰ সংখ্যা । শেহতীয়াকৈ ইন্দোৰত এগৰাকী যুৱতীয়ে নৃত্য প্ৰদৰ্শন কৰি থকাৰ সময়তে অচেতন হৈ পৰা এটা ভিডিঅ’ ছ’চিয়েল মিডিয়াত ভাইৰেল হৈ পৰিছে । যুৱতীগৰাকীক তেওঁৰ পৰিয়ালৰ লোকে চিকিৎসালয়লৈ লৈ যায় যদিও চিকিৎসকে মৃত বুলি ঘোষণা কৰিছিল । লগতে যুৱতীগৰাকী হাৰ্ট এটেকত মৃত্যু হোৱা বুলিও কয় চিকিৎসকে ।
গতিকে হৃদৰোগৰ পৰা নিজকে ৰক্ষা কৰিবলৈ আপোনাৰ স্বাস্থ্যৰ যত্ন লোৱাটো অতি প্ৰয়োজন। অস্বাস্থ্য়কৰ জীৱনশৈলীৰ বাবে এই ধৰণৰ সমস্যা বৰ্তমান সময়ত বৃদ্ধি পাবলৈ ধৰিছে । বিশেষজ্ঞৰ মতে, যুৱ প্ৰজন্মৰ মাজত উচ্চ ৰক্তচাপৰ দৰে স্বাস্থ্য সম্পৰ্কীয় সমস্যাবোৰ অতি সাধাৰণ হৈ পৰিছে । লগতে নিয়মীয়াকৈ স্বাস্থ্য পৰীক্ষা নকৰাৰ বাবে এই সমস্যা মৃত্যুৰ কাৰণ হ’বলৈ আৰম্ভ কৰিছে।
হৃদৰোগৰ সম্ভাৱনা হ্ৰাস কৰিবলৈ কেনেদৰে ল’ব স্বাস্থ্য়ৰ যত্ন ?
- ৩০ বছৰ বয়সৰ পাছৰ প্ৰতিজন লোকে নিয়মীয়াকৈ স্বাস্থ্য পৰীক্ষা কৰাব লাগে। ইয়াৰ জৰিয়তে হৃদযন্ত্ৰ সম্পৰ্কীয় বা যিকোনো ধৰণৰ ৰোগ সময়মতে ধৰা পেলাব পাৰি, যাৰ চিকিৎসা সময়মতে আৰম্ভ কৰিব পাৰি।
- ৩০ বছৰ বয়সৰ পাছত ৰক্তচাপ, উচ্চ কলেষ্টেৰল আৰু ডায়েবেটিছ আদি ৰোগৰ সম্ভাৱনা বৃদ্ধি পায়। এই ৰোগে হৃদযন্ত্ৰৰ ক্ষতি কৰিব পাৰে।
- হৃদযন্ত্ৰ সুস্থ কৰি ৰাখিবলৈ সঠিক জীৱনশৈলী গ্ৰহণ কৰাটো অতি প্ৰয়োজনীয়। গতিকে খাদ্যাভ্যাসৰ প্ৰতি বিশেষ যত্ন ল’ব লাগিব আৰু ভজা, টেঙা আৰু মিঠা বস্তু সেৱন কৰাৰ পৰা দূৰত্ব বজাই ৰাখিব ।
- অত্যাধিক ভজা, টেঙা আৰু মিঠা খাদ্য়ই উচ্চ কলেষ্টেৰল, ডায়েবেটিছ বা উচ্চ ৰক্তচাপৰ সম্ভাৱনা বৃদ্ধি কৰিব পাৰে। ইয়াৰ পৰিৱৰ্তে খাদ্যত সতেজ ফল-মূল, শাক-পাচলি আৰু দাইল অন্তৰ্ভুক্ত কৰক।
- দৈনিক ৮ ঘণ্টা টোপনি যাবলৈ চেষ্টা কৰক । বয়স আৰু স্বাস্থ্যৰ অৱস্থাৰ অনুসৰি ব্যায়াম বা যোগাসন কৰক।
- মানসিক চাপ কম কৰক কাৰণ মানসিক চাপে স্বাস্থ্যৰ ওপৰতো বেয়া প্ৰভাৱ পেলায়। সেয়ে ইয়াক কমাবলৈ প্ৰাণায়াম বা ধ্যান কৰিব পাৰে।