গ্ৰীণ টি নে ব্লেক টি খাব ! কোন বিধ চাহ স্বাস্থ্যৰ বাবে বেছি উপকাৰী?

গ্ৰীণ টি আৰু ব্লেক টি প্ৰক্ৰিয়াকৰণ পদ্ধতি মাজত পাৰ্থক্য আছে। বহুতে ৰাতপুৱা সেউজীয়া চাহ খায় আৰু বহুতে ক’লা চাহ খাই বেছি ভাল পায়। যদিও ইয়াৰ সোৱাদ সুকীয়া তথাপি কিন্তু একেজোপা উদ্ভিদৰ পৰা এই দুয়োবিধ চাহ প্ৰস্তুত কৰা হয়। কিন্তু আপুনি জানেনে যে, কোন বিধ চাহ স্বাস্থ্যৰ বাবে অধিক উপকাৰী? জানোঁ আহক।

প্ৰকাশিত প্ৰতিবেদন অনুসৰি, ক’লা চাহত সাধাৰণতে কেফেইনৰ পৰিমাণ বেছি। প্ৰতি কাপ ক’লা চাহত প্ৰায় ৪০–৭০ মিলিগ্ৰাম, সেউজীয়া চাহত ২০–৪৫ মিলিগ্ৰাম কেফেইন থাকে বুলি কোৱা হয়। অৰ্থাৎ ক’লা চাহে দ্ৰুত শক্তি বৃদ্ধি কৰে। বহুতে দৈনন্দিন কামত নিজকে সক্ৰিয় কৰি ৰাখিবলৈ মাজে মাজে ক’লা চাহ খাই থাকে।

গ্ৰীণ টিৰ কেফেইন আৰু এল-থিএনিনৰ সংমিশ্ৰণে মনটো স্থিৰ, স্থায়ী শক্তিক প্ৰসাৰিত কৰে। ই মানসিক স্পষ্টতা বৃদ্ধি কৰে, একাগ্ৰতা বৃদ্ধি কৰে আৰু বিপাকীয় ক্ৰিয়াক সমৰ্থন কৰে।

ক’লা চাহত কেফেইনৰ পৰিমাণ বেছি হোৱাৰ বাবে ই তৎক্ষণাত শক্তি বৃদ্ধি কৰিব পাৰে । ক’লা চাহত থকা টেনিনেও হজম শক্তিক সহায় কৰে আৰু সতেজ হৈ থকাত সহায় কৰে।

সেউজীয়া চাহ কেটেচিনযুক্ত, ই হৃদযন্ত্ৰৰ স্বাস্থ্যৰ উপকাৰী হোৱাৰ উপকাৰী হোৱাৰ লগতে প্ৰদাহ হ্ৰাস কৰে, চৰ্বিৰ বিপাকীয় ক্ৰিয়াত সহায় কৰে।

ক’লা চাহত থিএফলেভিন আৰু থিআৰুবিজিন থাকে, যিয়ে আন্ত্ৰিক স্বাস্থ্য উন্নত কৰে, কলেষ্টেৰল নিয়ন্ত্ৰণ কৰে আৰু ৰক্তচাপ হ্ৰাস কৰিব পাৰে।

সেউজীয়া চাহে শান্ত শক্তিক ইন্ধন যোগায়; ক’লা চাহে তৎক্ষণাত সক্ৰিয় হোৱাত সহায় কৰে। প্ৰশ্নটো হ’ল কোন বিধ চাহ খাব? সেয়া নিৰ্ভৰ কৰে জীৱনশৈলী আৰু কেফেইন সহনশীলতাৰ ওপৰত। স্বাস্থ্যৰ বিশেষ পৰিস্থিতিত কোন বিধ চাহ খাব, সেই ক্ষেত্ৰত চিকিৎসকৰ পৰামৰ্শ গ্ৰহণ কৰক।