ৰাতি পেট ফুলি উঠা যেন লাগে নেকি? কিয় এনে হয়, প্ৰতিকাৰৰ উপায় জানক…

পাচনৰ সময়ত গেছ উৎপাদন অতি সাধাৰণ। নেচনেল ইনষ্টিটিউট অৱ ডায়েবেটিছ এণ্ড ডাইজেষ্টিভ এণ্ড কিডনী ডিজিজৰ তথ্য অনুসৰি মানুহে প্ৰতিদিনে ৮ৰ পৰা ১৪বাৰৰ ভিতৰত গেছ পাছ কৰে। যদিও গেছ উৎপাদন স্বাভাৱিক, অত্যধিক গেছে পাচনতন্ত্ৰৰ সমস্যাৰ ইংগিত দিব পাৰে। ৰাতি কিয় গেছৰ প্ৰাদুৰ্ভাৱ বেছি আৰু ইয়াক কেনেকৈ প্ৰতিৰোধ কৰিব পাৰি সেই বিষয়ে অন্বেষণ কৰোঁ আহক।

নিশা কিয় অধিক গেছ গঠন হয়?

গভীৰ নিশা আহাৰ খোৱা: ৰাতি বিশেষকৈ দ্ৰুত গতিত গধুৰ আহাৰ খোৱাৰ ফলত গেছৰ সম্ভাৱনা বৃদ্ধি পায়। যিমানেই খৰকৈ খাব সিমানেই বেছি বায়ু ভিতৰলৈ সোমাই, যাৰ ফলত গেছৰ সৃষ্টি হয়।

ছ’ডিক ড্ৰিংকছ: এইবোৰত কাৰ্বন ডাই অক্সাইড থাকে, আৰু এইবোৰ পান কৰিলে গেছৰ সম্ভাৱনা বৃদ্ধি পায়। লগতে সমস্যা আৰু বেছি বেয়া হ’ব পাৰে।

চ্যুইংগামঃ এই অভ্যাসটোৱে গেছ সৃষ্টি কৰিব পাৰে কাৰণ চোবাই চোবাই থাকোঁতে অনবৰতে মুখত বায়ু সোমাই থাকে। এইবোৰ বেছিকৈ খালে আপোনাৰ গেছৰ সমস্যা আৰু বেছি বেয়া হ’ব পাৰে।

নিশাৰ আহাৰত অধিক আঁহ: আমেৰিকান ডায়েটাৰী গাইডলাইনত প্ৰাপ্তবয়স্কই প্ৰতিদিনে ২২ৰ পৰা ৩৪ গ্ৰাম আঁহ গ্ৰহণ কৰাৰ পৰামৰ্শ দিয়া হৈছে যদিও এবাৰতে অত্যধিক আঁহ সেৱন কৰিলে ক্ষতিকাৰক হ’ব পাৰে। ইয়াৰ ফলত গেছ আৰু পেট ফুলাৰ দৰে সমস্যাৰ সৃষ্টি হ’ব পাৰে।

কিম্বনযোগ্য খাদ্য: কিছুমান বিশেষ প্ৰকাৰৰ কাৰ্বহাইড্ৰেট পেটত দ্ৰুতগতিত কিম্বন হৈ অধিক পানী শোষণ কৰে। ইয়াৰ ফলত অত্যধিক গেছ উৎপাদন আৰু ফুলি উঠে। এনে খাদ্যৰ ভিতৰত ঘেঁহু, দাইল, কবি, গাখীৰ আদি।

গোটেই দিনটো সামান্য পৰিমাণে খাই গেছৰ পৰা সকাহ লওক। এটা সময়ত বেছিকৈ খাবলৈ চেষ্টা নকৰিব।
আঁহযুক্ত খাদ্য লাহে লাহে খাব লাগে আৰু প্ৰচুৰ পৰিমাণে পানী খাব লাগে।  বেছি সোনকালে খাবলৈ চেষ্টা নকৰিব। লাহে লাহে খাদ্য চোবাই খাব। গেছ উৎপাদনকাৰী খাদ্যৰ তালিকা এখন বনাওক আৰু কমকৈ খাওক।
আপোনাৰ খাদ্যত প্ৰিবায়টিক আৰু প্ৰ’বায়’টিক খাদ্য অন্তৰ্ভুক্ত কৰক। ইয়াৰ ফলত আন্ত্ৰিক স্বাস্থ্য বজাই ৰাখিব। ৰাতিৰ আহাৰ খোৱাৰ দুঘণ্টাৰ পিছত শুব।

এই লক্ষণ দেখিলে চিকিৎসকৰ ওচৰলৈ যাওক:

• অত্যধিক পেট ফুলা
• পেটৰ বিষ
• বমি হোৱাৰ দৰে অনুভৱ কৰা
• ওজন কমি যোৱা
• ডায়েৰিয়া
• মলদ্বাৰৰ পৰা ৰক্তক্ষৰণ।