কুকুৰে কামোৰাৰ পিছত নকৰিব এই ভুল, ঘৰুৱা চিকিৎসাই ল’ব পাৰে জীৱন…

কুকুৰে কামোৰাৰ পিছত নকৰিব এই ভুল

Dog bite treatment delay: কুকুৰে কামোৰাৰ পিছত নাৰ্ভাছ হোৱাটো স্বাভাৱিক যদিও কেতিয়াবা অত্যধিক হৈ পৰে। এনে পৰিস্থিতিত মানুহে সঠিক চিকিৎসা লাভ কৰাৰ পৰিৱৰ্তে ঘৰুৱা উপায় গ্ৰহণ কৰিবলৈ আৰম্ভ কৰে। যিবোৰে কুকুৰৰ কামোৰ নিৰাময় কৰিব পাৰে বুলি কোনো কঠিন প্ৰমাণ নাই। আনহাতে বাস্তৱতা হ’ল এই ঘৰুৱা উপায়বোৰ কেতিয়াবা মাৰাত্মক হিচাপে প্ৰমাণিত হ’ব পাৰে। বহুতে ভাবে যে যদি কুকুৰে কামুৰাৰ পিছত আঁচোৰ বা তেজ নাথাকিলে কোনো বিপদ নাই, কিন্তু এই অৱহেলা জীৱনলৈ ডাঙৰ ভাবুকি হ’ব পাৰে।

কুকুৰে কামোৰাৰ পিছত আটাইতকৈ ভয়াৱহ ৰোগ হ’ল ৰেবিজ, যাৰ চিকিৎসা তৎক্ষণাত কৰিব লাগে নহ’লে ইয়াৰ ফলত মৃত্যু হ’ব পাৰে। ইয়াৰ বাহিৰেও কুকুৰৰ মুখত এনে বহুতো বেক্টেৰিয়া থাকে যিয়ে শৰীৰত সংক্ৰমণ বিয়পাব পাৰে – যেনে টেনেছমাছ বা ছালৰ গুৰুতৰ সংক্ৰমণ। কেতিয়াবা ঘাঁৰ ভিতৰত বেক্টেৰিয়া বিয়পিলেও তেজৰ সংক্ৰমণ (চেপ্চিছ) হ’ব পাৰে। এনে পৰিস্থিতিত ৰোগীৰ জীৱন বচাবলৈ মূল গুৰুত্ব হ’ব লাগে আৰু কোনো ঘৰুৱা উপায়েৰে চিকিৎসা নকৰিব লাগে।

ৰেবিজ ভাইৰাছৰ বিপদ

ৰেবিজ ভাইৰাছ শৰীৰত প্ৰৱেশ কৰাৰ পিছত পেশী আৰু স্নায়ুৰ যোগেদি মগজুলৈ যায়। প্ৰাৰম্ভিক লক্ষণসমূহ হ’ল জ্বৰ, মূৰৰ বিষ, দুৰ্বলতা, স্নায়বিক অৱস্থা আৰু অস্থিৰতা, কিন্তু বৃদ্ধি হ’লে ইয়াৰ ফলত পক্ষাঘাত, বিভ্ৰান্তি, আক্ৰমণ আৰু ক’মা হয়। মানুহৰ ওপৰত ইয়াৰ প্ৰভাৱ গুৰুতৰ আৰু সংক্ৰমিত হোৱাৰ পিছত মৃত্যুৰ সম্ভাৱনা অতি বেছি।

প্ৰথম ভুল – ঘৰুৱা প্ৰতিকাৰ গ্ৰহণ নকৰিব

আটাইতকৈ ডাঙৰ ভুলটো হ’ল সঠিক সময়ত চিকিৎসকৰ ওচৰলৈ নগৈ ঘৰুৱা উপায়ৰ ওপৰত নিৰ্ভৰ কৰা যেনে ঘাঁত নেমুৰ ৰস লগোৱা,  জলকীয়া লগোৱা, কোনোবাই হালধি আৰু সৰিয়হৰ তেল লগায়, আনহাতে কোনোবাই ছাই লগায় আৰু ভাবে যে সংক্ৰমণ ৰোধ হ’ব।  এনে কৰিলে কুকুৰে কামোৰাৰ ফলত হোৱা বেক্টেৰিয়া নাইকিয়া হয় বুলি ধাৰণা আছে। কিন্তু এইটো অতি বিপদজনক হ’ব পাৰে। আচলতে এই পদ্ধতিৰ দ্বাৰা ঘা ভাল হোৱাৰ পৰিৱৰ্তে বৃদ্ধি কৰিব পাৰি। যাৰ ফলত বেক্টেৰিয়া বিয়পিবলৈ সহজ হয়।

দ্বিতীয়টো ডাঙৰ ভুল – চিকিৎসাৰ পলম

দুৰ্ঘটনা যিয়েই নহওক কিয়, চিকিৎসাত পলম হ’লে বিশেষকৈ কুকুৰে কামোৰাৰ ক্ষেত্ৰত ভয়াৱহ পৰিণতি হ’ব পাৰে। কাৰণ ইয়াৰ বাবেই জলাতংক ৰোগ বিয়পি পৰাৰ আশংকা থাকে, যাৰ ফলত ৰোগীৰ মৃত্যু হ’ব পাৰে। উল্লেখ্য যে জলাতংক ৰোগৰ ক্ষেত্ৰত কামোৰাৰ ২৪ৰ পৰা ৩৬ ঘণ্টাৰ ভিতৰত প্ৰথম ভেকচিন গ্ৰহণ কৰাটো অতি প্ৰয়োজনীয়। সময়মতে ভেকচিন গ্ৰহণ নকৰিলে শৰীৰত জলাতংক ৰোগ বিয়পি পৰাৰ আশংকা থাকে।

এইমছ আৰু ডব্লিউ এইচ অ’ৰ নিৰ্দেশনা অনুসৰি

• কুকুৰে কামোৰাৰ লগে লগে ঘাঁ হোৱা ঠাইখিনি ১০ৰ পৰা ১৫ মিনিট সময় চাবোন আৰু পৰিষ্কাৰ পানীৰে ভালদৰে ধুব লাগে ।
• ঘাঁ পৰিষ্কাৰ কৰাৰ পিছত এন্টিচেপ্টিক প্ৰয়োগ কৰিব লাগে।
• ঘাঁ পৰিষ্কাৰ কৰিও যদি ৰক্তক্ষৰণ বন্ধ নহয় তেন্তে বেণ্ডেজেৰে ৰক্তক্ষৰণ বন্ধ কৰক।
• ওচৰৰ চিকিৎসালয় বা চিকিৎসকৰ ওচৰলৈ গৈ ৰেবিজৰ ভেকচিন লওক।
• প্ৰয়োজন হ’লে ইমিউন’গ্ল’বিউলিনৰ বেজী দিব লাগে।
• এই পদক্ষেপসমূহ যিমানেই সোনকালে লোৱা হ’ব সিমানেই বিপদ কম হ’ব।

মনত ৰাখিব, কুকুৰে কামোৰাটো কেৱল সামান্য আঘাত নহয়। ভুল চিকিৎসা, ঘৰুৱা উপায় আৰু চিকিৎসাত পলম হোৱাটোৱে একেলগে আপোনাৰ জীৱন কাঢ়ি নিব পাৰে। সঠিক সময়ত সঠিক চিকিৎসাই এই বিপদৰ পৰা হাত সাৰিবলৈ আটাইতকৈ ফলপ্ৰসূ উপায়।

লগতে পঢ়ক: আগতে কাটি থোৱা পিঁয়াজেৰে খাদ্য ৰান্ধে নেকি, ইয়াৰ ফলত কি হ’ব পাৰে? বিশেষজ্ঞৰ পৰা জানক…