অনবৰতে চকু বিষাই থাকে নেকি, এয়া কি ৰোগৰ লক্ষণ? জানক…

বহু লোকে চকুৰ অবিৰত বিষ বা গধুৰতা অনুভৱ কৰে। এই বিষ কেতিয়াবা মৃদু, কেতিয়াবা গুৰুতৰ হ’ব পাৰে আৰু মূৰ বা কপাললৈকে বিকিৰণ হ’ব পাৰে। দীৰ্ঘসময় ধৰি লেপটপ-ফোন চাই থকা, টোপনিৰ অভাৱ, চকুত জোৰ দিয়া বা চকু শুকান আদি ইয়াৰ সাধাৰণ কাৰণ। অৱশ্যে বিষটো অধিক দিনলৈ থাকিলে সহজভাৱে ল’ব নালাগে। স্থায়ী বিষ চকুৰ আভ্যন্তৰীণ সমস্যা বা সংক্ৰমণৰ লক্ষণ হ’ব পাৰে। জানো আহক।

চকুৰ বিষৰ লগত স্থায়ীভাৱে হোৱা আন লক্ষণো দেখা দিব পাৰে যিয়ে সমস্যাৰ ভয়াৱহতাক সূচায়। ইয়াৰ ভিতৰত জ্বলা-পোৰা, শুকান, চকু পানী ওলোৱা, পোহৰত নেদেখা বা দৃষ্টিশক্তি ম্লান হোৱা আদি। কিছুমান মানুহৰ মূৰৰ বিষ, বমি বা চকুৰ চাৰিওফালে চাপ আদিও অনুভৱ কৰিব পাৰে। যদি বিষৰ লগত দৃষ্টিশক্তি ম্লান হোৱা বা ৰঙা পৰা আৰু ফুলা যেন অনুভৱ হয় তেন্তে ই সংক্ৰমণৰ লক্ষণ হ’ব পাৰে। এই লক্ষণসমূহক আওকাণ কৰিলে আপোনাৰ দৃষ্টিশক্তিত প্ৰভাৱ পৰিব পাৰে, গতিকে ইয়াক আওকাণ নকৰিব।

স্থায়ী চকুৰ বিষে কি কি ৰোগৰ ইংগিত দিয়ে?

ছাৰ গংগা ৰাম হাস্পতালৰ চকু বিভাগৰ প্ৰাক্তন এইচ অ’ ডি ডাঃ এ কে গ্ৰ’ভাৰে কৈছে যে স্থায়ী চকুৰ বিষ কেইবাটাও ৰোগ বা অৱস্থাৰ সৈতে জড়িত হ’ব পাৰে। প্ৰথমতে, ড্ৰাই আই চিণ্ড্ৰমৰ ফলত চকুত আৰ্দ্ৰতা নথকাৰ বাবে বিষ আৰু বিৰক্তিৰ সৃষ্টি হয়। ইযাৰ উপৰিও চকুৰ সংক্ৰমণ কনজাংটিভাইটিছও বিষ আৰু ৰঙা পৰাৰ সাধাৰণ কাৰণ।

লগতে চাইনাছৰ সংক্ৰমণে চকুৰ চাৰিওফালে চাপ বৃদ্ধিৰ বাবে বিষৰ সৃষ্টি কৰিব পাৰে। গ্ল’ক’মা বা ইউভেইটিছৰ দৰে ৰোগেও চকুৰ গভীৰ বিষৰ সৃষ্টি কৰিব পাৰে, যাৰ ফলত দৃষ্টিশক্তি প্ৰভাৱিত হয়। কেতিয়াবা স্ক্ৰীণৰ সময়, টোপনিৰ অভাৱ, বা ৰক্তচাপৰ বিকাৰ আদিও চকুৰ বিষৰ সৈতে জড়িত। গতিকে সঘনাই বা অবিৰত বিষ হ’লে ভালদৰে পৰীক্ষা কৰাৰ প্ৰয়োজন হয়।

এইবোৰ কথা মনত ৰাখিব:

• চকুক দৈনিক জিৰণি দিয়ক আৰু স্ক্ৰীণৰ পৰা সঘনাই বিৰতি লওক।
• মোবাইল আৰু লেপটপৰ উজ্জ্বলতা কম ৰাখক।
• চকুৰ পৰিষ্কাৰ-পৰিচ্ছন্নতাৰ যত্ন লওক।
• যদি আপুনি শুকান অনুভৱ কৰে তেন্তে চিকিৎসকৰ পৰামৰ্শ লওক আৰু আইড্ৰপ ব্যৱহাৰ কৰক।
• পৰ্যাপ্ত টোপনি যাওক আৰু প্ৰচুৰ পৰিমাণে পানী খাওক।
• যদি আপুনি চকুৰ বিষ বা ৰঙা পৰা অনুভৱ কৰে তেন্তে লগে লগে চকুৰ চিকিৎসকৰ পৰামৰ্শ লওক।
• ৰ’দত ওলাই যাওঁতে ছানগ্লাছ পিন্ধিব।

লগতে পঢ়ক: সুস্থ লিভাৰ বিচাৰেনে? গঢ়ি তোলক এই ৫টা অভ্যাস…