Nitish Kumar Takes Oath: দশমবাৰলৈ বিহাৰৰ মুখ্যমন্ত্ৰী হিচাপে শপত ল’লে নীতিশ কুমাৰে

২৫ বছৰৰ ভিতৰত দশমবাৰৰ বাবে বিহাৰৰ মুখ্যমন্ত্ৰী হিচাপে শপত গ্ৰহণ কৰে নীতিশ কুমাৰে। বৃহস্পতিবাৰে পাটনাৰ গান্ধী ময়দানত প্ৰধানমন্ত্ৰী নৰেন্দ্ৰ মোদীৰ উপস্থিতিত শপত গ্ৰহণ কৰে নীতিশে। ৰাজ্যপাল আৰিফ মহম্মদ খানে শপত বাক্য পাঠ কৰাই নীতিশ কুমাৰক। শপত গ্ৰহণ অনুষ্ঠানত গৃহমন্ত্ৰী অমিত শ্বাহ, বিজেপিৰ সভাপতি জে পি নাড্ডাকে ধৰি এন ডি এ শাসিত সকলো ৰাজ্যৰ সকলো মুখ্যমন্ত্ৰী আৰু উপ-মুখ্যমন্ত্ৰী উপস্থিত থাকে।  শপত গ্ৰহণ অনুষ্ঠানত অংশগ্ৰহণ কৰে অসমৰ মুখ্যমন্ত্ৰী হিমন্ত বিশ্ব শৰ্মাই।

বুধবাৰে বিহাৰ বিধানসভাত এন ডি এৰ নেতা হিচাপেও নিৰ্বাচিত হয় নীতিশ। ইয়াৰ পিছতে বিয়লি ৰাজভৱনলৈ গৈ ৰাজ্যপাল আৰিফ মহম্মদ খানক সাক্ষাৎ কৰি পৰৱৰ্তী চৰকাৰ গঠনৰ দাবী জনায়। উল্লেখ্য যে,  দশমবাৰৰ বাবে বিহাৰৰ মুখ্যমন্ত্রীৰ আসনত অধিষ্ঠিত হৈছে নীতিশ কুমাৰে ৷ ইয়াৰ মাজতে কেইমাহমানৰ বাহিৰে ২০০৫ চনৰ পৰা পাটনাৰ সিংহাসনত বহি আছে।কিন্তু ইয়াৰ মাজৰ ২০ বছৰত একাধিক পৰিৱৰ্তন ঘটিছে। তেওঁ একাধিকবাৰ মিত্ৰতা সলনি কৰিছে। তেওঁ একাধিকবাৰ অংশীদাৰ হিচাপে হাত সলনি কৰিছে। এইবাৰ তেওঁ বিজেপিত যোগদান কৰিছে।

মুখ্যমন্ত্ৰীৰ কাৰ্যকালত এটাৰ পিছত আনটো জনমুখী প্ৰকল্প আৰম্ভ কৰিছে নীতিশে। এন ডি এ চৰকাৰে প্ৰতিটো পৰিয়ালক ১২৫ ইউনিট পৰ্যন্ত বিনামূলীয়া বিদ্যুৎ প্ৰদানৰ সিদ্ধান্ত গ্ৰহণ কৰিছে। জ্যেষ্ঠ নাগৰিক, বিধৱা আৰু বিশেষভাৱে সক্ষম নাগৰিকৰ সামাজিক সুৰক্ষা পেঞ্চন ৪০০ টকাৰ পৰা ১১০০ টকালৈ বৃদ্ধি কৰা হৈছে।  ‘মুখ্যমন্ত্ৰী মহিলা ৰোজগাৰ যোজনা’ আৰম্ভ কৰিছে নীতিশ চৰকাৰে।

মুখ্যমন্ত্ৰী নীতিশ কুমাৰৰ উপৰিও আজি আন ২৬জন মন্ত্ৰীয়ে শপত গ্ৰহণ কৰে। উপ-মুখ্যমন্ত্ৰী সম্ৰাট চৌধুৰী আৰু বিজয় সিনহাৰ উপৰিও মন্ত্ৰী হোৱাসকলৰ ভিতৰত বিজয় চৌধুৰী, বিজেন্দ্ৰ যাদৱ, শ্ৰৱণ কুমাৰ, মংগল পাণ্ডে, দিলীপ জয়ছৱাল, অশোক চৌধুৰী, লেছি সিং, মদন সাহনী, নিতিন নবীন, ৰাম কৃপাল, সন্তোষ আদিয়েই আছে সুমন, সুনীল কুমাৰ, জামা খান, সঞ্জয় সিং টাইগাৰ, অৰুণ শংকৰ, সুৰেন্দ্ৰ মেহতা, নাৰায়ণ প্ৰসাদ, ৰামা নিছাদ, লখেন্দ্ৰ কুমাৰ ৰোশন, শ্ৰেয়াসী সিং, প্ৰমোদ কুমাৰ, সঞ্জয় কুমাৰ, সঞ্জয় কুমাৰ সিং আৰু দীপক প্ৰকাশে শপত লয়।