বৌয়েকৰ সৈতে বিবাহ! কবৰস্থানৰ পৰা টানি আনি ভাতৃৰ সৈতে ভয়ংকৰ কাণ্ড…

উত্তৰ প্ৰদেশৰ বাঘপাট চহৰত সংঘটিত হৈছে এক ভয়ংকৰ ঘটনা।  মাতৃৰ মৃত্যুৰ পিছত তেওঁৰ অন্ত্যেষ্টিক্ৰিয়াত অংশগ্ৰহণ কৰিবলৈ অহা পুত্ৰক কবৰস্থানৰ পৰা টানি আনি ইটাৰে প্ৰহাৰ কৰি হত্যা। এই ঘটনাই অঞ্চলটোত উত্তেজনাৰ সৃষ্টি কৰে। ইয়াৰে এজন অভিযুক্তক গ্ৰেপ্তাৰ কৰিছে আৰক্ষীয়ে।

ইদগাহ স্থানীয় ঝংকাৰ গালিত বাস কৰিছিল উমৰদিনৰ পৰিয়ালে। ওচৰ-চুবুৰীয়াই জনোৱা মতে, প্ৰায় ছবছৰ পূৰ্বে উমৰদিনৰ  সৰু পুত্ৰ নাফিছে সম্বন্ধীয় বৌয়েকক পলুৱাই নিছিল। পিছত দুয়োৰে বিবাহ হৈ ছাহাৰনপুৰত থাকিবলৈ আৰম্ভ কৰে। এই ঘটনাই দুয়োটা পৰিয়ালৰ মাজত কাজিয়া আৰু গভীৰ কৰি তুলিলে।

বুধবাৰে পুৱা নফিছৰ মাতৃ মকছুদীয়ে শেষ নিশ্বাস ত্যাগ কৰে। এই খবৰ শুনি নাফিছে ছাহাৰানপুৰৰ পৰা বাঘপাটলৈ যাত্ৰা কৰি তেওঁৰ অন্ত্যেষ্টিক্ৰিয়াত অংশগ্ৰহণ কৰে। সেইদিনা বিয়লি যেতিয়া অন্ত্যেষ্টিক্ৰিয়াৰ শোভাযাত্ৰা কবৰস্থানলৈ লৈ যোৱা হৈছিল, তেতিয়া তেওঁলোকৰ লগত নাফিছ আছিল। অন্ত্যেষ্টিক্ৰিয়াৰ প্ৰাৰ্থনা কৰাৰ পিছত ভিৰৰ পৰা পৃথক হৈ শ্মশানৰ দুৱাৰৰ ফালে আগবাঢ়ি যোৱাৰ সময়ত সম্বন্ধীয় ভাতৃ, তেওঁলোকৰ পুত্ৰ আৰু জোঁৱাইয়ে তেওঁক ঘেৰি ধৰিলে।

অভিযোগ অনুসৰি তেওঁলোকে নফিছক কবৰস্থানৰ পৰা টানি আনি ৰাস্তালৈ লৈ যায় আৰু কেইবাৰো মূৰত ইটাৰে আঘাত কৰে। নাফিছৰ থিতাতে মৃত্যু হোৱালৈকে আক্ৰমণকাৰীয়ে তেওঁক প্ৰহাৰ কৰে। ওচৰৰ লোকসকলে প্ৰতিক্ৰিয়া প্ৰকাশ কৰাৰ পূৰ্বেই আক্ৰমণকাৰী পলায়ন কৰে।

তথ্য লাভ কৰাৰ লগে লগে আৰক্ষীয়ে সেই স্থানত উপস্থিত হৈ তেজেৰে তিতি থকা নাফিছক কমিউনিটি হেল্থ চেণ্টাৰ (চি এইচ চি)লৈ লৈ যায় । তাত চিকিৎসকে তেওঁক মৃত বুলি ঘোষণা কৰে। হত্যাকাণ্ডৰ খবৰ বিয়পি পৰাৰ লগে লগে শ শ লোকে চিকিৎসালয়ত সমবেত হৈ অভিযুক্তক গ্ৰেপ্তাৰ কৰাৰ দাবী জনায়। পৰিস্থিতি নিয়ন্ত্ৰণৰ বাহিৰলৈ যোৱাত আৰক্ষীয়ে পিছফালৰ দুৱাৰেদি মৃতদেহটো মৰণোত্তৰ পৰীক্ষাৰ বাবে পঠিয়াবলৈ সক্ষম হয়।

১১জন লোকৰ বিৰুদ্ধে গোচৰ ৰুজু

মৃতকৰ পুত্ৰ অৰমানে ১১জন লোকৰ বিৰুদ্ধে থানাত এজাহাৰ দাখিল কৰে। আৰক্ষীয়ে গ্ৰেপ্তাৰ কৰিছে মূল অভিযুক্ত মহছিনক। বাঘপাটৰ আৰক্ষী অধীক্ষক সুৰজ কুমাৰ ৰায়ে কয় যে, হত্যাৰ গোচৰ ৰুজু কৰা হৈছে, আৰু নাম উল্লেখ কৰা আন অভিযুক্তকো শীঘ্ৰে গ্ৰেপ্তাৰ কৰা হ’ব।

খবৰ অনুসৰি, পত্নীৰ সৈতে পলায়ন কৰাৰ পিছৰে পৰা নাফিছে তেওঁৰ খুড়াকৰ পুত্ৰ থকা সম্বন্ধীয় ভাতৃৰ পৰা মৃত্যুৰ ভাবুকি পাইছিল। মাকৰ মৃত্যুৰ বাবে ছবছৰৰ মূৰত যেতিয়া নাফিছে বাঘপাটলৈ উভতি আহিছিল, তেতিয়া সেই ভাবুকিবোৰ বাস্তৱত পৰিণত হৈছিল।

মুজাফ্ফৰনগৰ জিলাৰ কুকৰা গাঁৱৰ বাসিন্দা নাফিছৰ প্ৰথম পত্নী ইয়াছমিনৰ মৃত্যু হৈছিল। ইয়াছমিনৰ লগত তেওঁৰ তিনিটা সন্তান আছিল। মৃত্যুৰ পিছত নাফিছে তেওঁৰ সম্বন্ধীয় ভাতৃ শৌকিনৰ পত্নীৰ প্ৰেমত পৰে, যিগৰাকী চাৰিটা সন্তানৰ মাতৃ আছিল। কিছু সময়ৰ পাছত ঘৰ এৰি ছাহাৰনপুৰলৈ গুচি আহি বিয়া পাতে।