৮ ঘণ্টাত শিক্ষা দিয়া হ’ল পাকিস্তানক…কেনেকৈ সফল কৰি তোলা হৈছিল অপাৰেচন সেন্দূৰ

চীফ অৱ ডিফেন্স ষ্টাফ জেনেৰেল অনিল চৌহানে পুনেত ‘Future War and Warfare’ বিষয়ক ভাষণ প্ৰদান কৰি কেবাটাও গুৰুত্বপূৰ্ণ মন্তব্য প্ৰদান কৰিছে । তেওঁ পহলগাম সন্ত্ৰাসবাদী আক্ৰমণ, ভাৰতৰ অপাৰেচন সেন্দূৰ আৰু পাকিস্তানৰ পৃষ্ঠপোষকতাত চলি থকা সন্ত্ৰাসবাদৰ কথা কয় । পাকিস্তানক স্পষ্ট সতৰ্কবাণী দি অনিল চৌহানে কয় যে ভাৰত সন্ত্ৰাসবাদ আৰু পাৰমাণৱিক আক্ৰমণৰ ভাবুকিৰ ছাঁত বাস কৰা দেশ নহয় । পহলগামত চৰম নিষ্ঠুৰতা সংঘটিত হৈছিল ।

তেওঁ কয় যে অপাৰেচন সেন্দূৰৰ আঁৰৰ ধাৰণা আছিল পাকিস্তানৰ পৃষ্ঠপোষকতাত চলি থকা সন্ত্ৰাসবাদ বন্ধ কৰা । তেওঁলোকে ৪৮ ঘণ্টা ধৰি চলিব বুলি ভবা অপাৰেচনটো, ৮ ঘণ্টাত বন্ধ কৰি দিয়া হ’ল । পেছাদাৰী সামৰিক বাহিনীয়ে লোকচানৰ কথা নাভাবে । লোকচানৰ কোনো প্ৰভাৱ নপৰে । যুদ্ধত ফলাফল গুৰুত্বপূৰ্ণ, লোকচান নহয় । পাকিস্তানৰ তুলনাত ভাৰতৰ ড্ৰোন সামৰ্থ্য উন্নত । তেওঁলোকে সন্ত্ৰাসবাদক ৰোধ কৰিব লাগে ।

প্ৰতিৰক্ষা মুৰব্বী জেনেৰেল অনিল চৌহানে কয়, “যুদ্ধ মানৱ সভ্যতাৰ দৰেই পুৰণি । যিকোনো ধৰণৰ যুদ্ধত দুটা গুৰুত্বপূৰ্ণ উপাদান থাকে – হিংসা আৰু হিংসাৰ আঁৰৰ ৰাজনীতি । তৃতীয়টো কথা হ’ল যোগাযোগ, যিটো অবিৰতভাৱে হৈ আছে । ১০ মে’ৰ দিনৰ প্ৰায় ১ বজাত পাকিস্তানৰ লক্ষ্য আছিল ৪৮ ঘন্টাত ভাৰতৰ বিস্তৰ ক্ষতি । সীমান্তৰ সিপাৰৰ পৰা বহু আক্ৰমণ সংঘটিত হয় । পাকিস্তানে এই সংঘাতক তীব্ৰতৰ কৰি তুলিলে । আমি কেৱল সন্ত্ৰাসবাদীৰ আত্মগোপন স্থানক লক্ষ্য কৰি লৈছিলোঁ ।”

অসীম মুনিৰে বিষ উগাৰিছিল
চিডিএছ জেনেৰেল চৌহানে কয়, “ইয়াৰ পিছত পাকিস্তানে ফোন কৰি ক’লে যে তেওঁলোকে কথা পাতিব বিচাৰে । অপাৰেচন সেন্দূৰত যুদ্ধৰ লগতে ৰাজনীতিও খেলা হৈছিল । যুদ্ধ ৰাজনীতিৰ এক অংশ ।” সন্ত্ৰাসবাদৰ প্ৰতি পাকিস্তানৰ প্ৰেম সন্দৰ্ভত তেওঁ কয় যে ইয়াৰ উদ্দেশ্য ভাৰতক আঘাত দিয়া । পহলগামত যি ঘটিছিল তাৰ কেইসপ্তাহমান আগতে পাকিস্তানী সেনা প্ৰধান জেনেৰেল অসীম মুনিৰে ভাৰত আৰু হিন্দুৰ বিৰুদ্ধে বিষ উগাৰিছিল ।

পাকিস্তানে তেজৰ নৈ বোৱাৰ ষড়যন্ত্ৰ কৰিছিল
তেওঁ কয় যে এই সংঘাতৰ আৰম্ভণি আছিল পহলগাম সন্ত্ৰাসবাদী আক্ৰমণ । পাকিস্তানে ভাৰতক হাজাৰ আঘাত দি তেজ বোৱাই দিয়াৰ ষড়যন্ত্ৰ ৰচনা কৰে । ১৯৬৫ চনত জুলফিকাৰ আলী ভুট্টোৱে ৰাষ্ট্ৰসংঘৰ নিৰাপত্তা পৰিষদত ভাষণ দিওঁতে ভাৰতৰ বিৰুদ্ধে হাজাৰ বছৰীয়া যুদ্ধৰ কথা কৈছিল ।

বিফলতাৰ পিছতো মনোবল উচ্চ হৈ থাকিব লাগে
ভাৰত আৰু পাকিস্তানে বিভিন্ন ধৰণৰ সামৰ্থ্য গঢ়ি তুলিছে । আমি জানিছিলোঁ যে আমাৰ ওচৰত এটা ভাল কাউণ্টাৰ ড্ৰ’ন ব্যৱস্থা আছে । পেছাদাৰী সেনাবাহিনী যুদ্ধত বিফলতা বা লোকচানৰ দ্বাৰা প্ৰভাৱিত নহয় । গুৰুত্বপূৰ্ণ কথাটো হ’ল ব্যৰ্থতাৰ মাজতো মনোবল উচ্চ হৈ থাকিব লাগে । কি ভুল হ’ল বুজিব লাগিব, ভুল শুধৰাই পুনৰ আগবাঢ়ি যাব লাগিব । ভয়তে বহি থাকিব নোৱাৰি । সেনা প্ৰধানগৰাকীয়ে কয় ।