কৰিশ্মাই কান্দি আছিল, দুৱাৰৰ বাহিৰত থিয় হৈ চাই আছিল কৰীনাই…একো কৰিব পৰা নাছিল

কৰিশ্মা কাপুৰ, কৰীনা কাপুৰ

জ্যেষ্ঠ কন্যা কৰিশ্মা কাপুৰে ভাঙিছিল কাপুৰ পৰিয়ালৰ এটা ডাঙৰ পৰম্পৰা । এটা সময়লৈকে এই পৰিয়ালটোৰ কোনো কন্যা বা পত্নী অভিনয় বৃত্তিত জড়িত নাছিল। এসময়ত বলীউডত প্ৰতিষ্ঠিত অভিনেত্ৰী হিচাপে পৰিগণিত হোৱা পৰিয়ালটোৰ সকলো পত্নীয়ে কাপুৰ পৰিয়ালত বিবাহপাশত আবদ্ধ হৈ অভিনয় বৃত্তি এৰিছিল। সেইটোৱেই আছিল এই পৰিয়ালটোৰ অলিখিত নিয়ম। কিন্তু পৰিয়ালটোৰ কন্যা কৰিশ্মাই সেই পৰম্পৰা ভংগ কৰিছিল। পৰিয়ালৰ অসন্মতিৰ পিছতো অভিনয়ক পেছা হিচাপে বাছি লোৱা কাপুৰ পৰিয়ালৰ প্ৰথমগৰাকী কন্যা আছিল তেওঁ। অভিনেতা ৰণধীৰ কাপুৰ আৰু অভিনেত্ৰী ববিতা কাপুৰৰ জ্যেষ্ঠ কন্যাৰ অভিনয় কেৰিয়াৰ পথ মসৃণ নাছিল। আৰম্ভণিতে তেওঁ কোনো কাম পোৱা নাছিল। তাৰকা সন্তান হোৱাৰ পিছতো বলীউডতৰ কোণত ৰখা হৈছিল কৰিশ্মাক।

এই সকলোবোৰ প্ৰত্যক্ষ কৰি আছিল কৰিশ্মাৰ কনিষ্ঠ ভগ্নী কৰীনা কাপুৰে। তেতিয়া কৰীনা বহুত সৰু আছিল। কৰীনাই গোটেই নিশা মৰমৰ ভনীয়েকক কান্দি থকা দেখিছিল। কৰিশ্মাই মাতৃ ববিতাৰ ওচৰলৈ গৈ কান্দিছিল। মাতৃৰ আগত কৈছিল যে তেওঁক কোনেও অভিনয়ৰ সুযোগ নিদিয়ে। সকলোৱে তেওঁৰ ইণ্ডাষ্ট্ৰীৰ কোণত ৰাখিবলৈ চেষ্টা কৰিছিল। সৰু হোৱাৰ বাবে কৰীনাই ভনীয়েকৰ কাষত থিয় দিব পৰা নাছিল। তেওঁ দুৱাৰৰ বাহিৰত থিয় হৈ ভনীয়েকৰ কান্দোন শুনিছিল।

পিছলৈ কনিষ্ঠ ভগ্নী কৰীনা হৈ পৰিল কৰিশ্মাৰ ডাঙৰ বন্ধু। কৰিশ্মাৰ বিবাহ বিচ্ছেদ হোৱাৰ পিছত কৰীনাই অলপ সময়ৰ বাবেও ভগ্নীক অকলে এৰি যোৱা নাছিল। কৰীনাই কৰিশ্মাক ওচৰত ৰাখিছিল। কিন্তু কেৰিয়াৰ প্লেনিঙৰ কঠিন সময়ত তেওঁ কেৱল কৰিশ্মাক কান্দি থকা দেখিছিল। কৰীনাই নিজেই কয়, “মই আগতে মোৰ ভগ্নীক কান্দি থকা দেখিছিলো। সেই সময়ত মই একো কৰিব পৰা নাছিলো। মোৰ বৰ বেয়া লাগিছিল।”

কৰিশ্মাক কোণত ৰখাৰ চেষ্টা চলোৱাৰ পিছতো বলীউডে তেওঁক দমন কৰিব নোৱাৰিলে। এটা দশক ধৰি বলীউডত শাসন কৰিছিল কৰিশ্মাই। জনপ্ৰিয়তাৰ শিখৰত উপনীত হ’ল তেওঁ। কৰিশ্মাৰ তালিকাত বহুতো ব্যৱসায়িক ছবি আছে। যেনে ‘ৰাজাবাবু’, ‘জিগাৰ’, ‘কুলি নম্বৰ ৱান’, ‘ৰাজা হিন্দুস্তানী’। শেহতীয়াকৈ জীৱনৰ ৫০ টা বসন্ত অতিক্ৰম কৰিছে কৰিশ্মাই।