WAVES Summit 2025 LIVE: AI ৰ ব্য়ৱহাৰে আমালৈ বিপদ মাতিব নেকি? বৰুণ দাসৰ প্ৰশ্নৰ উত্তৰত কি ক’লে পৰিচালক শেখৰ কাপুৰে?

যদি কোনো চিনেমাৰ AI সংস্কৰণ মুক্তি পায় তেন্তে কপিৰাইটৰ কি হ’ব? অভিনেতাৰ এআই সংস্কৰণ সৃষ্টি হ’লে কি হ’ব? বৰুণ দাসে শেখৰ কাপুৰক প্ৰশ্ন কৰে।

শেখৰে কয় যে বহু অভিনেতা-অভিনেত্ৰীয়ে নিজেই নকল কৰিছে। AI এ এটা চৰিত্ৰ সৃষ্টি কৰিলে কি ক্ষতি? ডিজনীয়ে বহু আগতেই এনিমেচনৰ জৰিয়তে জনপ্ৰিয় চৰিত্ৰ সৃষ্টি কৰি আহিছে। মই অমিতাভ বা শ্বাহৰুখ খান সৃষ্টি কৰিবলৈ কোৱা নাই। এটা নতুন চৰিত্ৰৰ জন্ম হওক। অৱশ্যে ডিপ ফেক এআইৰ অতি জঘন্য ব্যৱহাৰ। যাক মই গৰিহণা দিছোঁ ।

বৰুণ দাসে শেখৰ কাপুৰক প্ৰশ্ন কৰ- যদি এআইক ভয় কৰিব নালাগে তেন্তে হলিউডৰ চিত্ৰনাট্যকাৰসকলে কিয় ধৰ্মঘট কৰিলে?  শেখৰে কয় যে তেওঁলোকে আচলতে ভয় খাইছিল যে এআইয়ে এতিয়ালৈকে নিৰ্দেশনা মতে কাম কৰি আছে, অৰ্থাৎ পৰৱৰ্তী ১০টা খণ্ড লিখিবলৈ ক’লে সেয়া এআইয়ে কৰি দিছে । কামবোৰ দ্ৰুতগতিত হৈ আছে, কিন্তু আমিয়েই এআইক পৰিকল্পনা, ধাৰণা, আৰু মানদণ্ড দিছো ।

শেখৰৰ মতে মানুহৰ মগজুত যি সৃষ্টি হয়, তাৰ যি নিজস্বতা আছে, তাক এআইয়ে পৰাস্ত কৰিব নোৱাৰে । এআইয়ে মাত্ৰ কামটো দ্ৰুত কৰি তুলিছে । আমি Chat GPT ৰ কথা কৈছোঁ । মই অন্ধভাৱে তেওঁক অনুসৰণ কৰো নে নকৰোঁ সেয়া মোৰ ওপৰত নিৰ্ভৰশীল ।

AI-ৰ ফলত মনোৰঞ্জন জগতে নিজৰ পৰিচয় হেৰুৱাইছে নেকি? বৰুণ দাসে শেখৰ কাপুৰক প্ৰশ্ন কৰে । ইয়াৰ উত্তৰত শেখৰ কাপুৰে কয়, এই প্ৰশ্নৰ উত্তৰত মই মাত্ৰ এটা কথা ক’ম, মোৰ ঘৰৰ ৰান্ধনীয়ে চাট জিপিটি ব্যৱহাৰ কৰি মিষ্টাৰ ইণ্ডিয়া ২ ছবিখনৰ চিত্ৰনাট্য লিখিছিল । এই চাট জিপিটি নহ’লে মই গম নাপালোঁহেঁতেন যে মোৰ ৰান্ধনীজনে চিত্ৰনাট্য লিখিব পাৰে । তেওঁৰ ইচ্ছা আছে ।

বৰ্তমান সময়ত AI-ৰ ক্ৰমবৰ্ধমান ব্যৱহাৰে আমাৰ জীৱনত কি প্ৰভাৱ পেলাইছে? এই সন্দৰ্ভত বৰুণ দাসে প্ৰশ্ন কৰে শেখৰ কাপুৰক । সৃষ্টিশীল কামত কৃত্ৰিম বুদ্ধিমত্তাই স্থান লৈছে । এই AI আচলতে আমাৰ নিজৰ নতুন ফ্ৰেংকেনষ্টাইন নেকি? বৰুণ দাসে শেখৰ কাপুৰক প্ৰশ্ন কৰে ।

WAVES মঞ্চত পৰিচালক শেখৰ কাপুৰ আৰু টিভি নেটৱৰ্কৰ এমডি তথা চিইঅ’ বৰুণ দাসৰ এক বিশেষ বাৰ্তালাপ। চিনেমাত এআই প্ৰযুক্তিৰ ব্যৱহাৰৰ বিষয়ে আলোচনা কৰা হৈছে এই বাৰ্তালাপত ।

মুম্বাইত অনুষ্ঠিত হোৱা WAVES সন্মিলনৰ মঞ্চত বিয়লি ৪ বজাৰ পৰা আৰম্ভ হৈছে এই বিশেষ বাৰ্তালাপ ।