শ্বাহৰুখৰ পুত্ৰ বা ঐশ্বৰ্যৰ কন্যাৰ লগত আপোনাৰ সন্তানক পঢ়াব বিচাৰে নেকি? খৰচৰ পৰিমাণ জানি লওক

শ্বাহৰুখ খানৰ কন্যা চুহানা আৰু পুত্ৰ আব্ৰাহামৰ পৰা আৰম্ভ কৰি অভিষেক-ঐশ্বৰ্যৰ কন্যা আৰাধ্যা, ছৈফ-কৰিনাৰ দুই পুত্ৰ, চাহিদ কাপুৰৰ পুত্ৰ-কন্যা সকলোৱে এইখন বিদ্যালয়তে পঢ়ে। অনন্যা পাণ্ডেৰ পৰা আকাশ আম্বানীয়েও এইখন বিদ্যালয়তে পঢ়া-শুনা কৰিছে। এইখন বিদ্যালয়তে বলীউডৰ নতুন প্ৰজন্মক ভৱিষ্যতৰ বাবে সাজু কৰিছে। আপুনি বিচাৰে নেকি আপোনাৰ সন্তানে চেলিব্ৰিটিৰ ল’ৰা-ছোৱালীৰ লগত পঢ়া-শুনা কৰাটো? তাৰ পূৰ্বে কিমান খৰচ হ’ব জানেনে?

বলীউডৰ চেলিব্ৰিটিৰ প্ৰায় সকলোৰে সন্তানে ধীৰুভাই আম্বানী ইণ্টাৰনেশ্যনেল স্কুলত পঢ়ে। শেহতীয়াকৈ বিদ্যালয়খনৰ বাৰ্ষিক দিৱসৰ কেইবাখনো ছবি আৰু ভিডিঅ’ ভাইৰেল হৈ পৰিছে। ইয়াৰ পিছত সাধাৰণ ৰাইজৰ মনত এটা প্ৰশ্ন উত্থাপন হৈছে যে এইখন স্কুল কেৱল চেলিব্ৰিটিৰ ল’ৰা-ছোৱালীৰ বাবে নেকি? স্কুলৰ মাচুল কিমান?

কেৱল চেলিব্ৰিটিৰ সন্তানেই নহয়, দেশৰ বৃহৎ ব্যৱসায়ী আৰু ধনী মানুহৰ বহু ল’ৰা-ছোৱালীয়েও এইখন বিদ্যালয়ত পঢ়ে। সংবাদ মাধ্যমৰ খবৰ অনুসৰি এই বিদ্যালয়খনৰ বাৰ্ষিক মাচুল লাখ লাখ টকা ৷ এল কে জিৰ পৰা সপ্তম শ্ৰেণীলৈকে বাৰ্ষিক মাচুল প্ৰায় ১ লাখ ৭০ হাজাৰ টকা। অষ্টম শ্ৰেণীৰ পৰা দশম শ্ৰেণীলৈকে বাৰ্ষিক মাচুল ৪ লাখ ৪৮ হাজাৰ টকা ৷ একাদশ শ্ৰেণীৰ পৰা দ্বাদশ শ্ৰেণীলৈকে বাৰ্ষিক মাচুল প্ৰায় ৯ লাখ ৬৫ হাজাৰ টকা ৷

ধীৰুভাই আম্বানী ইণ্টাৰনেশ্যনেল স্কুলৰ বিশেষত্ব কি ?​

ধীৰুভাই আম্বানী ইণ্টাৰনেশ্যনেল স্কুলত ICSE, IGCSE, আৰু IBDP ৰ দৰে আন্তঃৰাষ্ট্ৰীয় ব’ৰ্ডৰ সৈতে জড়িত , যিয়ে ইয়াক অনন্য কৰি তুলিছে । বিদ্যালয়খনত আন্তঃৰাষ্ট্ৰীয় আৰু ভাৰতীয় দুয়োটা পাঠ্যক্ৰম যেনে ICSE, IGCSE আৰু IB ডিপ্লমা প্ৰগ্ৰেম ( আইবিডিপি) পঢ়োৱা হয়। ইয়াৰ ফলত ছাত্ৰ-ছাত্ৰীসকলে বিশ্বৰ শীৰ্ষ বিশ্ববিদ্যালয়সমূহত সহজে নামভৰ্তি লাভ কৰিবলৈ সক্ষম হয়। ভাৰতৰ একমাত্ৰ বিদ্যালয়, যিখন IBDPৰ দ্বাৰা স্বীকৃতিপ্ৰাপ্ত ৷

শিক্ষাৰ লগতে বিদ্যালয়খনে সৃষ্টিশীলতা, সমালোচনাত্মক চিন্তাধাৰা, যোগাযোগ আৰু সহযোগিতা দক্ষতাৰ ওপৰত গুৰুত্ব আৰোপ কৰে। বিদ্যালয়খনে সামগ্ৰিক বিকাশ অৰ্থাৎ শিশুৰ শাৰীৰিক, বৌদ্ধিক আৰু সামাজিক বিকাশৰ ওপৰত গুৰুত্ব আৰোপ কৰে। ছাত্ৰ-ছাত্ৰীসকলে মন বিনিময়ৰ বাবেও সুযোগ পায়।