Google Search History of 2025: ভাৰতত এই বৰ্ষত Google ত কি বেছিকে চাৰ্চ কৰিলে জনতাই?
২০২৫ চনত ভাৰতীয়সকলে গোটেই বছৰটো গুগলত বহু বস্তু সন্ধান কৰিছে। তেওঁলোকে চিন্তাৰ পৰা উপশম পাবলৈ, উত্তৰ বিচাৰিবলৈ আৰু মনোৰঞ্জন পাবলৈ বিভিন্ন ধৰণৰ বস্তু বিচাৰিছিল। তেওঁলোকৰ গুগল সন্ধানত দেশখনে কি ভাবিছে, কি অনুভৱ কৰিছে আৰু কি বুজিবলৈ চেষ্টা কৰিছে তাৰ আভাস পোৱা গৈছিল।

২০২৫ চনটোৱে বহুতৰে বাবে নতুন আশা, উৎসাহ, শক্তি কঢ়িয়াই আনিছে। আনহাতে আন কিছুমানৰ বাবে ই প্ৰত্যাহ্বান আৰু সমস্যা লৈ আহিছে। এই বছৰ ব্যক্তিগত আৰু পেছাদাৰী জীৱনত পৰিৱৰ্তন দেখা গ’লেও মানুহৰ ডিজিটেল উপস্থিতিও বৃদ্ধি পাই থাকিল। প্ৰতি বছৰৰ দৰে এইবাৰো মানুহে সকলো ধৰণৰ তথ্যৰ বাবে গুগলৰ ওচৰলৈ গৈছিল। মনোৰঞ্জন সম্পৰ্কীয় তথ্যই হওক, কাৰিকৰী প্ৰশ্নই হওক, স্বাস্থ্যৰ পৰামৰ্শই হওক বা ডাঙৰ ডাঙৰ অনুষ্ঠানৰ তথ্যই হওক, মানুহে গুগলত সন্ধান কৰি থাকিল।
গুগল A to Z লৈ চাৰ্চ ২০২৫
এইবাৰ গুগলে ‘A to Z in Search 2025’ নামৰ এখন তালিকাও প্ৰকাশ কৰিছে , য’ত প্ৰতিটো ইংৰাজী বৰ্ণমালা অনুসৰি ভাৰতৰ আটাইতকৈ ট্ৰেণ্ডিং বিষয়সমূহ সন্নিবিষ্ট কৰা হৈছে।
A- ছাইয়াৰা– অনিল পদ্দা আৰু অহান পাণ্ডে
B– ব্রায়ান জনছন, নিখিল কামত পডকাষ্ট
C – চিজফায়াৰ
D – ধৰ্মেন্দ্ৰ
E – Earthquake near me
F – Final Destination, Floodlighting
G – গুগল জেমিনাই
H – হালধি সম্পৰ্কীয় ট্ৰেণ্ড
I – আই পি এল
J – ক্ৰিকেটাৰ জেমিমাহ ৰড্ৰিগেছ
K – কান্তাৰা
L – লাবুবু
M – মহাকুম্ভ
N – নেনো
O – অপাৰেচন সেন্দূৰ
P & Q – ফু কাক
R – ৰণবীৰ আল্লাবাদিয়া
S – স্কিড গেম, সুনীতা উইলিয়ামছ
T – থেকুৱা
U – উকাদিচে মোডক
V – ক্ৰিকেটাৰ বৈভৱ সূৰ্য্যবংশী
W – মহিলা বিশ্বকাপ, ৱাকফ বিল
X – X ৰ Grok Tool
Y – য়াৰ্কশ্বাৰ পুডিং
Z – জুবিন গাৰ্গ ন্যায়
এই তালিকাখনে স্পষ্টকৈ দেখুৱাইছে যে ভাৰতীয়সকলে ২০২৫ চনত প্ৰযুক্তি, মনোৰঞ্জন, ক্ৰীড়া, সংস্কৃতি, আৰু ঐতিহাসিক অনুষ্ঠানৰ প্ৰতি সমানে আগ্ৰহী। আই পি এল হওক বা মহাকুম্ভ মেলা হওক, ছ’চিয়েল মিডিয়া হওক, মিম হওক, বা নতুন আৱিষ্কাৰ হওক – মানুহে সকলো শিকিবলৈ আৰু বুজিবলৈ গুগলত সন্ধান কৰি থাকে।