সকলো উকীল অধিবক্তা নহয় ! উকীল, অধিবক্তা আৰু বেৰিষ্টাৰ শব্দৰ মাজৰ পাৰ্থক্য জানেনে?

প্ৰতীকী ফটো

Lawyer, Advocate আৰু Barrister—যদিও এই তিনিটা শব্দৰ অৰ্থ একে বুলি কোৱা হয়, তথাপিও ইয়াৰ মাজত গুৰুত্বপূৰ্ণ পাৰ্থক্য আছে। প্ৰতিটো শব্দৰ অৰ্থ বেলেগ বেলেগ। এই তিনিটাৰ মাজত কি পাৰ্থক্য আছে জানোঁ আহক। প্ৰতিটো শব্দই কি বুজায়?

১) Lawyer– ‘উকীল’ হৈছে আইন অধ্যয়ন কৰা বা আইন বিষয়ত ডিগ্ৰী লাভ কৰা ব্যক্তিক বুজাবলৈ ব্যৱহাৰ কৰা সাধাৰণ শব্দ। যদি কোনোবাই আইন অধ্যয়ন কৰি আইনী জ্ঞান আহৰণ কৰিছে তেন্তে তেওঁ এজন উকীল। কিন্তু কেৱল এই শব্দটো ব্যৱহাৰ কৰাৰ অৰ্থ এইটো নহয় যে, সেই ব্যক্তিজনে আদালতত গোচৰ চলায় বা বিচাৰ প্ৰক্ৰিয়াত অংশগ্ৰহণ কৰে। বহু অধিবক্তাইও কেৱল পৰামৰ্শদাতা হিচাপে কাম কৰে। নিয়মীয়াকৈ আদালতলৈ নাযায়।

২) Advocate – অধিবক্তা হ’ল আইনৰ ডিগ্ৰীধাৰী আৰু বাৰ কাউন্সিলত পঞ্জীয়নভুক্ত আৰু আদালতত গোচৰ চলোৱাৰ অধিকাৰ থকা এজন ব্যক্তি। ভাৰতত কাৰোবাক ‘অধিবক্তা’ বুলি কোৱা হয় যেতিয়া তেওঁ আইন অনুসৰি ন্যায়িক ব্যৱস্থাত প্ৰত্যক্ষভাৱে অংশগ্ৰহণ কৰিব পাৰে।

অৰ্থাৎ সকলো অধিবক্তাই উকীল হ’ব পাৰে, কিন্তু সকলো উকীল অধিবক্তা নহয়। এজন ব্যক্তিয়ে আইন অধ্যয়ন কৰি উকীল হ’লেও যদি তেওঁ বাৰ কাউন্সিলত পঞ্জীয়ন নকৰে তেন্তে তেওঁ অধিবক্তা হ’ব নোৱাৰে।

৩) Barrister – বেৰিষ্টাৰ শব্দটো মূলতঃ ব্ৰিটিছ আইনী ব্যৱস্থাৰ অংশ। যদি কোনোবাই ব্ৰিটেইনলৈ গৈ বিশেষকৈ ইংলেণ্ড আৰু ৱেলছৰ ‘Inns of Court’ ৰ পৰা Barrister-at-Law পাঠ্যক্ৰম সম্পূৰ্ণ কৰে, তেন্তে তেওঁ বেৰিষ্টাৰ হয়। এইটো মূলতঃ এটা সন্মানীয় আৰু পেছাদাৰী উপাধি, যিয়ে দেখুৱাইছে যে তেওঁ আদালতত উচ্চ পৰ্যায়ত অধিবক্তা কৰিবলৈ প্ৰশিক্ষণ লাভ কৰিছে।

ভাৰতত যিসকল অধিবক্তা বহিঃৰাজ্যৰ পৰা উচ্চ আইনী শিক্ষা লৈ উভতি আহি বাৰ কাউন্সিলত যোগদান কৰে, তেওঁলোকৰ বাবে বেৰিষ্টাৰ শব্দটো ব্যৱহাৰ কৰা হয়। এই শব্দটো সাধাৰণতে অভিজাত আৰু অভিজ্ঞ অধিবক্তাক বুজাবলৈও ব্যৱহাৰ কৰা হয়।