উচ্চতৰ মাধ্যমিকৰ ফলাফলত ছাত্ৰতকৈ ছাত্ৰীৰ উত্তীৰ্ণৰ হাৰ অধিক, যোৱা বৰ্ষতকৈ হ্ৰাস উত্তীৰ্ণৰ হাৰ
উচ্চতৰ মাধ্যমিকৰ চূড়ান্ত পৰীক্ষাৰ ফলাফল ঘোষণা । কলা, বিজ্ঞান আৰু বাণিজ্য আটাইকেইটা শাখাতে দেখা গৈছে ছাত্ৰীৰ আধিপত্য । বিগত বৰ্ষৰ তুলনাত হ্ৰাস পাইছে উত্তীৰ্ণৰ হাৰ । চাওক সবিশেষ-
উচ্চতৰ মাধ্যমিকৰ ফলাফল
ঘোষণা হ’ল উত্তৰ মাধ্যমিকৰ চূড়ান্ত পৰীক্ষাৰ ফলাফল । পুৱা ৯ বজাৰ লগে লগে ৱেবচাইটত ফলাফল ঘোষণা কৰিলে অসম ৰাজ্যিক বিদ্যালয় শিক্ষা পৰিষদে । কলা, বাণিজ্য, বিজ্ঞান আৰু বৃত্তিমুখী শিক্ষা বিভাগৰ ফলাফল ঘোষণা । শিক্ষা বিভাগে ঘোষণা কৰা ৱেবচাইটত উপলব্ধ হৈছে ফলাফলসমূহ ।
কলাশাখাত উত্তীৰ্ণৰ সংখ্যা
এইবাৰ কলা শাখাত মুঠ উত্তীৰ্ণৰ হাৰ ৮১.৩ । বাক্সাত জিলাত উত্তীৰ্ণৰ হাৰ সৰ্বাধিক । জিলাখনত ৯৪.২১ শতাংশ শিক্ষাৰ্থী কলা শাখাত উত্তীৰ্ণ হৈছে । এইবাৰ কলা শাখাত মুঠ ২২৬৭৫৬ গৰাকী পৰীক্ষাৰ্থী অৱতীৰ্ণ হৈছিল পৰীক্ষাত । ইয়াৰ ভিতৰত মুঠ ১৮৩৭৪৫ গৰাকী পৰীক্ষাৰ্থী উত্তীৰ্ণ হৈছে । ইয়াৰ ভিতৰত ছাত্ৰৰ উত্তীৰ্ণৰ সংখ্যা ৭৫৬০৮ আৰু উত্তীৰ্ণৰ হাৰ ৭৮.৪২ । ছাত্ৰীৰ উত্তীৰ্ণৰ সংখ্যা ১০৮১৩৭ আৰু উত্তীৰ্ণৰ হাৰ ৮২.৯৫ । ছাত্ৰতকৈ ছাত্ৰীৰ উত্তীৰ্ণ হাৰ ৪.৫৩ অধিক ।
বাণিজ্য শাখাত উত্তীৰ্ণ সংখ্যা
বাণিজ্য শাখাত মুঠ উত্তীৰ্ণৰ হাৰ ৮২.১৮ । বাণিজ্য শাখাত উত্তীৰ্ণৰ হাৰ সৰ্বাধিক দক্ষিণ শালমৰা জিলাত । জিলাখনত উত্তীৰ্ণৰ হাৰ ১০০ শতাংশ । বাণিজ্য শাখাত মুঠ পৰীক্ষাৰ্থীৰ সংখ্যা আছিল ১৭৭৪৬ গৰাকী । ইয়াৰে উত্তীৰ্ণ হয় ১৪৫৮৪ গৰাকী । ছাত্ৰৰ উত্তীৰ্ণৰ সংখ্যা ১০২২৩ জন আৰু উত্তীৰ্ণৰ হাৰ ৮২.০৮ । ছাত্ৰীৰ মুঠ উত্তীৰ্ণৰ সংখ্যা ৪৩৬১ আৰু উত্তীৰ্ণৰ হাৰ ৮২.৪০ । বাণিজ্য শাখাতো ছাত্ৰতকৈ ছাত্ৰীৰ উত্তীৰ্ণৰ হাৰ ০.৩২১ অধিক ।
বিজ্ঞান শাখাত উত্তীৰ্ণৰ সংখ্যা
বিজ্ঞান শাখাত মুঠ উত্তীৰ্ণৰ হাৰ ৮৪.৮৮ । পশ্চিম কাৰ্বিআংলং জিলাত উত্তীৰ্ণৰ হাৰ সৰ্বাধিক ১০০ শতাংশ । এইবাৰ বিজ্ঞান শাখাত মুঠ পৰীক্ষাৰ্থীৰ সংখ্যা আছিল ৫৬৯০৯ গৰাকী । ইয়াৰ ভিতৰত ছাত্ৰ ৩২৪০১ আৰু ছাত্ৰীৰ সংখ্যা ২৪৫০৮ । ছাত্ৰৰ মুঠ উত্তীৰ্ণৰ সংখ্যা ২৭৩৪৪ আৰু উত্তীৰ্ণৰ হাৰ ৮৪.৩৯ । ছাত্ৰীৰ উত্তীৰ্ণৰ সংখ্যা ২০৯৬৫ আৰু উত্তীৰ্ণৰ হাৰ ৮৫.৫৪ । ছাত্ৰতকৈ ছাত্ৰীৰ উত্তীৰ্ণৰ হাৰ ১.১৫ শতাংশ অধিক ।
বৃত্তিমুখী শাখাত উত্তীৰ্ণৰ সংখ্যা
আনহাতে বৃত্তিমুখী শাখাত উত্তীৰ্ণৰ হাৰ ৬৮.৫৫ । বৃত্তিমুখী শাখাত তিনিখন জিলাত সৰ্বাধিক ১০০ শতাংশ উত্তীৰ্ণ হৈছে । এই তিনিখন জিলা হ’ল- বিশ্বনাথ, লখিমপুৰ আৰু শ্ৰীভূমি । বৃত্তিমুখী শাখাৰ মুঠ পৰীক্ষাৰ্থীৰ সংখ্যা আছিল ১২০২ জন । ইয়াৰে ৭৯২ গৰাকী ছাত্ৰ আৰু ৪১০ গৰাকী ছাত্ৰী । ছাত্ৰৰ মুঠ উত্তীৰ্ণৰ সংখ্যা ৫১৯ আৰু উত্তীৰ্ণৰ হাৰ ৬৫.৫৩ । ছাত্ৰীৰ উত্তীৰ্ণৰ সংখ্যা ৩০৫ আৰু উত্তীৰ্ণৰ হাৰ ৭৪.৩৯ । এই শাখাতো ছাত্ৰীৰ উত্তীৰ্ণৰ হাৰ ছাত্ৰতকৈ ৮.৮৬ শতাংশ অধিক ।
ছাত্ৰতকৈ ছাত্ৰীৰ উত্তীৰ্ণৰ হাৰ অধিক
তিনিওটা শাখাতে উত্তীৰ্ণৰ ক্ষেত্ৰত দেখা গ’ল ছাত্ৰীৰ আধিপত্য । সৰ্বমুঠ ছাত্ৰৰ উত্তীৰ্ণৰ হাৰ ৭৭.০৫ শতাংশ আৰু ছাত্ৰীৰ উত্তীৰ্ণৰ হাৰ ৮১.৪২ শতাংশ । ছাত্ৰতকৈ ছাত্ৰীৰ উত্তীৰ্ণৰ হাৰ ৪.৩৭ শতাংশ অধিক ।
বিগত বৰ্ষতকৈ নিম্নগামী ফলাফল
যদি এই বৰ্ষৰ ফলাফলক তুলনা কৰোঁ তেন্তে যোৱা বৰ্ষতকৈ ফলাফল নিম্নগামী হোৱা দেখা গৈছে । যোৱা বছৰ কলা শাখাত উত্তীৰ্ণৰ হাৰ আছিল ৮৮.৩৬ শতাংশ আৰু এই বৰ্ষত উত্তীৰ্ণৰ হাৰ ৮১.০৩ অৰ্থাৎ প্ৰায় ৭.৩৩ শতাংশ হ্ৰাস পাইছে উত্তীৰ্ণৰ হাৰ ।
একেদৰে বিজ্ঞান শাখাৰ ক্ষেত্ৰতো উত্তীৰ্ণৰ হাৰ নিম্নগামী হোৱা দেখা গৈছে । যোৱা বৰ্ষত উত্তীৰ্ণৰ হাৰ আছিল ৮৯.৮৮ শতাংশ আৰু এই বৰ্ষত উত্তীৰ্ণৰ হাৰ ৮৪.৮৮ শতাংশ । অৰ্থাৎ যোৱা বৰ্ষতকৈ চলিত বৰ্ষত উত্তীৰ্ণৰ হাৰ হ্ৰাস পাইছে ৫ শতাংশ ।
আনহাতে বাণিজ্য শাখাত হ্ৰাস উত্তীৰ্ণৰ হাৰ । যোৱা বৰ্ষত এই শাখাত উত্তীৰ্ণৰ হাৰ আছিল ৮৭.৬৬ আৰু এই বৰ্ষত উত্তীৰ্ণৰ হাৰ ৮২.১৮ । উত্তীৰ্ণৰ হাৰ হ্ৰাস পাইছে ৫.৪৮ শতাংশ । তলত যোৱা দহ বছৰৰ উত্তীৰ্ণৰ হাৰৰ এক পৰিসংখ্যা আগবঢ়োৱা হ’ল ।
| বৰ্ষ | ২০১৬ | ২০১৭ | ২০১৮ | ২০১৯ | ২০২০ | ২০২১ | ২০২২ | ২০২৩ | ২০২৪ | ২০২৫ |
| কলা শাখা | ৭৯.৯২ | ৭৩.১৬ | ৭৪.৬৮ | ৭৫.১৪ | ৭৮.২৩ | ৯৮.৯৩ | ৮৩.৪৮ | ৭০.১২ | ৮৮.৩৬ | ৮১.০৩ |
| বিজ্ঞান শাখা | ৯০.৯৬ | ৮৬.২৪ | ৮৫.৭৪ | ৮৬.৫৯ | ৮৮.০৬ | ৯৯.০৬ | ৯২.১৯ | ৮৪.৯৬ | ৮৯.৮৮ | ৮৪.৮৮ |
| বাণিজ্য শাখা | ৮৬.০১ | ৮২.৭২ | ৮৪.৬৪ | ৮৭.৫৯ | ৮৮.১৮ | ৯৯.৫৭ | ৮৭.২৬ | ৭৯.৫৭ | ৮৭.৬৬ | ৮২.১৮ |
কোন বিভাগত কিমান উত্তীৰ্ণ-
উচ্চতৰ মাধ্যমিকৰ তিনিওটা শাখাত কোন বিভাগত কিমান উত্তীৰ্ণ হ’ল-
কলাশাখা
মুঠ পৰীক্ষাৰ্থী- ২২৬৭৫৬
মুঠ উত্তীৰ্ণ- ১৮৩৭৪৫
প্ৰথম বিভাগ- ৪৯৫৭৭
দ্বিতীয় বিভাগ- ৮০৬৫০
তৃতীয় বিভাগ- ৫৩৫১৮
বাণিজ্য শাখা
মুঠ পৰীক্ষাৰ্থী- ১৭৭৪৬
মুঠ উত্তীৰ্ণ- ১৪৫৮৪
প্ৰথম বিভাগ- ৬৫১৯
দ্বিতীয় বিভাগ-৫৭৬০
তৃতীয় বিভাগ-২৩০৫
বিজ্ঞান শাখা
মুঠ পৰীক্ষাৰ্থী- ৫৬৯০৯
মুঠ উত্তীৰ্ণ- ৪৮৩০৯
প্ৰথম বিভাগ- ২৫৮২৭
দ্বিতীয় বিভাগ- ১৯২৮৬
তৃতীয় বিভাগ- ৩১৯৬
এইসমূহ লিংকত ক্লিক কৰি ফলাফল চাব পাৰিব-