এপলে অৱজ্ঞা কৰিলে ড’নাল্ড ট্ৰাম্পৰ সকীয়নিক, বাধা দিয়াৰ পিছতো ভাৰতত কৰিলে বিনিয়োগ

এপলে কৰিলে ভাৰতত বিনিয়োগ

আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সকীয়নিৰ পিছতো টীম কুকে তেওঁৰ কথাত সন্মতি দিয়া নাছিল। ট্ৰাম্পে এপলৰ চিইঅ’ টীম কুকক আবেদন জনাইছিল যে, ভাৰতৰ পৰা আইফোনৰ উৎপাদন হ্ৰাস কৰি আমেৰিকালৈ স্থানান্তৰিত কৰিব লাগে। বৰ্তমান এপলে ভাৰতত অহৰহ বিনিয়োগ কৰি আছে। আইফোন নিৰ্মাতা কোম্পানী ফক্সকনে যোৱা পাঁচ দিনত ১.৪৮ বিলিয়ন ডলাৰ অৰ্থাৎ প্ৰায় ১২,৮০০ কোটি টকা বিনিয়োগ কৰিছে। তাত টাইৱানৰ আইফোন নিৰ্মাতা কোম্পানী হন হাই প্ৰিচিজন ইণ্ডাষ্ট্ৰীয়েও ভাৰতত ১.৫ বিলিয়ন ডলাৰ বিনিয়োগ কৰিছে। Hon Hai Precision এ চীনৰ পৰা উৎপাদন হ্ৰাস কৰি ভাৰতলৈ স্থানান্তৰিত কৰিবলৈ বিচাৰিছে।

এই দুয়োটা কোম্পানীয়ে শ্বেয়াৰ বজাৰত ফাইলিঙত এই বিষয়ে তথ্য দিছে। ফক্সকনে ছিংগাপুৰস্থিত নিজৰ গোটৰ জৰিয়তে তামিলনাডুৰ ইউনিট যুজন টেকন’লজি (ইণ্ডিয়া) প্ৰাইভেট লিমিটেডত বিনিয়োগ কৰিছে। এই বিনিয়োগ ১৪ মে’ৰ পৰা ১৯ মে’ৰ ভিতৰত কৰা হৈছে। ভাৰতত আইফোন উৎপাদন বৃদ্ধিৰ বাবে এপলৰ পৰিকল্পনাৰ মাজতে এই বিনিয়োগ কৰিছে। একে সময়তে হন হাই প্ৰিচিচনে টাইৱানত ভাৰতীয় ইউনিটত বিনিয়োগ কৰাৰ কথাও কৈছে।

আইফোনৰ হাব হৈ পৰিব ভাৰত

কৰ শুল্কক লৈ অনিশ্চয়তাৰ মাজতে এপলৰ চিইঅ’ টীম কুকে ঘোষণা কৰিছে যে জুন ত্ৰৈমাসিকত আমেৰিকাত বিক্ৰী হোৱা আইফোনৰ অধিকাংশ এপলে ভাৰতৰ পৰা ক্ৰয় কৰিব। আনহাতে চীনে অধিকাংশ ফোন অন্য বজাৰৰ বাবে উৎপাদন কৰিব। ফক্সকন, টাটা ইলেক্ট্ৰনিক্স আৰু পেগাট্ৰন ইণ্ডিয়াই আইফোন নিৰ্মাণৰ কামত নিয়োজিত হৈ আছে। ইয়াকে লৈ আমেৰিকাৰ ৰাষ্ট্ৰপতিয়ে টিমক ভাৰতৰ পৰিৱৰ্তে আমেৰিকাত আইফোন উৎপাদন কৰিবলৈ কৈছিল। কিন্তু, এপলে এই কথা মানিবলৈ অবাধ্য হৈছে।

ভাৰতত নিৰ্মিত বেছিভাগ আইফোন(iPhones) দক্ষিণ ভাৰতৰ হন হাইৰ কাৰখানাত একত্ৰিত কৰা হয়। টাটা গ্ৰুপৰ ইলেক্ট্ৰনিকছ নিৰ্মাণ ইউনিটে এই কাম কৰে। টাটাৰ ইউনিটে উইষ্ট্ৰন কৰ্পৰ স্থানীয় ব্যৱসায় ক্ৰয় কৰি ভাৰতত পেগাট্ৰন কৰ্পৰ কাৰ্যকলাপ পৰিচালনা কৰে। দেশত আইফোন উৎপাদনৰ সংখ্যা বৃদ্ধি পাইছে। এপলে নিজেই ভাৰতত অধিক উৎপাদন কৰিব বিচাৰে কাৰণ ইয়াত খৰচ আমেৰিকাতকৈ বহু কম।