ৰাহুল গান্ধীৰ এদিনীয়া অসম ভ্ৰমণৰ ধ্বংসাত্মক পৰিণাম পাইকান কাণ্ড, প্ৰয়োজনত তদন্তৰ আওতালৈ অনা হ’বঃ মুখ্যমন্ত্ৰী

ৰাহুল গান্ধীৰ এদিনীয়া অসম ভ্ৰমণৰ ধ্বংসাত্মক পৰিণাম পাইকান কাণ্ড-এই মন্তব্য মুখ্যমন্ত্ৰী হিমন্ত বিশ্ব শৰ্মা। যোৱা ১৬ জুলাইত অসম ভ্ৰমণ কৰিছিল কংগ্ৰেছ অধ্যক্ষ মালিকাৰ্জুন খাৰ্গে আৰু সাংসদ ৰাহুল গান্ধীয়ে। ছয়গাঁৱত বিশাল জনসভা সম্বোধন কৰি মুখ্যমন্ত্ৰীক সমালোচনা কৰাৰ লগতে ৰাজ্যত চলি থকা উচ্ছেদৰ বিৰোধিতা কৰিছিল। তাৰ এদিন পাছতে কৃষ্ণাইৰ পাইকানত উচ্ছেদিত আৰু আৰক্ষী-বনৰক্ষীৰ মাজত হতাহতি হয়। যত এজনৰ মৃত্যু হোৱাৰ লগতে কেইবাজন আহত হয়। গতিকে ইয়াৰ কাৰণ ৰাহুল গান্ধীৰ মন্তব্য বুলি শৰ্মাই কয়।

সামাজিক মাধ্যমত মুখ্যমন্ত্ৰীয়ে লিখে যে- “ৰাহুল গান্ধী কালি অসমলৈ আহিছিল আৰু মুকলিকৈ বেদখলকাৰীক বনভূমি দখল কৰিবলৈ উৎসাহিত কৰি গ’ল। তেওঁৰ অযুক্তিকৰ কথাৰ দ্বাৰা উৎসাহিত হৈ আজি পাইকান সংৰক্ষিত বনাঞ্চলত পুনৰ বলপূৰ্বক বেদখল কৰিবলৈ চেষ্টা চলাই থকা সময়ত হিংসাত্মক পন্থা অৱলম্বন কৰি এচামে আমাৰ আৰক্ষী আৰু বনকৰ্মীসকলক আক্ৰমণ কৰে।

গৌৰৱ গগৈয় কটাক্ষ কৰি শৰ্মাই কয় যে, “কংগ্ৰেছৰ গাত অসমীয়া তেজ নাইয়ে। যি দলৰ সভাপতি পাকিস্তানী, অসমীয়া নহয়।পৰিয়ালত ব্ৰিটিছ পাচপোৰ্ট দি থৈছে। আমাৰ মানুহ বোৰে এইবোৰ চিন্তাই নকৰে। অসমীয়া সাৰ পাব হ’ল। সদায় হিমন্ত বিশ্ব নাথাকে। তেওঁ অসমীয়া বিৰুদ্ধে গৈ মিঞাপ্ৰেমী হৈছে”।