গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ একতা সভাৰ নিৰ্বাচনৰ ফলাফল ঘোষণা, ABVP ৰ দখলত সভাপতি-সাধাৰণ সম্পাদকৰ পদ

এই বৰ্ষৰ গুৱাহাটী বিশ্ববিদ্যালয়ৰ ছাত্ৰ একতা সভাৰ সাধাৰণ নিৰ্বাচনত আছু সমৰ্থিত প্ৰাৰ্থীয়ে মুঠ ৮ খন আসন লাভ কৰাৰ বিপৰীতে ABVP সমৰ্থিত প্ৰাৰ্থীয়ে ৫ খন, অসম ছাত্ৰ পৰিষদে ২ খন আৰু নিৰ্দলীয় প্ৰাৰ্থীয়ে ৩ খন লাভ কৰিছে।

Manas Borah | Published: 14 Oct 2025 18:54 PM

প্ৰকাশ পালে গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ একতা সভাৰ নিৰ্বাচনৰ ফলাফল। এইবাৰ ABVP ৰ সমৰ্থিত প্ৰাৰ্থীৰ দখলৰ গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ একতা সভাৰ সভাপতি আৰু সাধাৰণ সম্পাদকৰ পদ। সাধাৰণ সম্পাদকৰ পদত ABVP ৰ সমৰ্থিত প্ৰাৰ্থী প্ৰবালজ্যোতি শৰ্মাই জয় লাভ কৰাৰ বিপৰীতে সভাপতিৰ পদত জয়ী হৈছে গুঞ্জন ডেকা।

ইফালে উপ-সভাপতিৰ পদত জয়ী হৈছে আছুৰ সমৰ্থিত প্ৰাৰ্থী সিদ্ধাৰ্থ শংকৰ হাজৰিকা। একেদৰে সহঃ সাধাৰণ সম্পাদকৰ পদত জয়ী হৈছে আছুৰ সমৰ্থিত প্ৰাৰ্থী বাৰ্বী গগৈ। ১৮ টা পদৰ বাবে গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ একতা সভাৰ সাধাৰণ নিৰ্বাচন অনুষ্ঠিত হয় আৰু এই নিৰ্বাচনত ৪৮ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়ায়।

দেখা গৈছে যে, সাধাৰণ নিৰ্বাচনটোত আছু সমৰ্থিত প্ৰাৰ্থীয়ে মুঠ ৮ খন আসন লাভ কৰাৰ বিপৰীতে ABVP সমৰ্থিত প্ৰাৰ্থীয়ে ৫ খন, অসম ছাত্ৰ পৰিষদে ২ খন আৰু নিৰ্দলীয় প্ৰাৰ্থীয়ে ৩ খন লাভ কৰিছে।