কৰ্তব্যৰত অৱস্থাত আৰক্ষীয়ে ব্যৱহাৰ কৰিব নোৱাৰিব ছ’চিয়েল মিডিয়া, এই নিৰ্দেশ অমান্য কৰা ১৮ জন আৰক্ষী জোৱানক বৰ্খাস্ত
Pakistan : ছ’চিয়েল মিডিয়া ব্যৱহাৰ কৰাৰ বাবে পাকিস্তানৰ সিন্ধ প্ৰদেশৰ ১৮ জন আৰক্ষী জোৱানক বৰ্খাস্ত কৰাৰ খবৰে ব্যাপক চৰ্চা লাভ কৰিছে । পাকিস্তানৰ সংবাদ মাধ্য়মত প্ৰকাশিত খবৰ অনুসৰি, কাৰাচী আৰক্ষীয়ে আৰক্ষী বিভাগৰ নিৰ্দেশনা অমান্য কৰাৰ বাবে ১৮ জন আৰক্ষী জোৱানক বৰ্খাস্ত কৰিছে ।
কৰ্তব্যৰত অৱস্থাত কোনো আৰক্ষী জোৱানে ব্যৱহাৰ কৰিব নোৱাৰিব ছ’চিয়েল মিডিয়া । সম্পূৰ্ণ নিৰীক্ষণত থাকে প্ৰতিগৰাকী আৰক্ষী জোৱান । পিছে এই ব্যৱস্থা ভাৰতৰ হয়, এই ব্যৱস্থা আছে চুবুৰীয়া দেশ পাকিস্তানত । ছ’চিয়েল মিডিয়া ব্যৱহাৰ কৰাৰ বাবে পাকিস্তানৰ সিন্ধ প্ৰদেশৰ ১৮ জন আৰক্ষী জোৱানক বৰ্খাস্ত কৰাৰ খবৰে ব্যাপক চৰ্চা লাভ কৰিছে । পাকিস্তানৰ সংবাদ মাধ্য়মত প্ৰকাশিত খবৰ অনুসৰি, কাৰাচী আৰক্ষীয়ে আৰক্ষী বিভাগৰ নিৰ্দেশনা অমান্য কৰাৰ বাবে ১৮ জন আৰক্ষী জোৱানক বৰ্খাস্ত কৰিছে ।
প্ৰকাশিত খবৰ অনুসৰি, পাকিস্তানৰ সিন্ধ প্ৰদেশৰ আই জিয়ে এক নিৰ্দেশনাত কৈছিল যে, কৰ্তব্যৰ সময়ত কোনো আৰক্ষীৰ জোৱানে ইউনিফৰ্ম পিন্ধি ছ’চিয়েল মিডিয়াত ভিডিঅ’ আপলোড কৰিব নোৱাৰিব আৰু নিৰ্দেশনা অমান্য কৰা সকলৰ বিৰুদ্ধে বিভাগীয় ব্যৱস্থা গ্ৰহণ কৰা হ’ব । এই নিৰ্দেশত আৰক্ষী বিষয়াসকলে যিকোনো ছ’চিয়েল মিডিয়া প্লেটফৰ্মত ইউনিফৰ্ম পিন্ধি ভিডিঅ’ আপলোড কৰাত নিষেধাজ্ঞা আৰোপ কৰা হয় ।
কাৰাচী আৰক্ষীয়ে এই নিৰ্দেশ মানি নচলাৰ বাবে ইতিমধ্যে ১৮ জন আৰক্ষীৰ জোৱানক নিলম্বন কৰে । শুকুৰবাৰে ৯ জন পুৰুষ আৰু ৩ জন মহিলা আৰক্ষী জোৱানক নিলম্বিত কৰা বিপৰীতে বৃহস্পতিবাৰে কাৰাচীৰ আৰক্ষী অধীক্ষক জাভেদ আলমে ইউনিফৰ্ম পৰিহিত ভিডিঅ’ আপলোড কৰাৰ বাবে ৬ জন আৰক্ষী জোৱানক নিলম্বন কৰে। নিলম্বিত হোৱা ৬ জন আৰক্ষীৰ ভিতৰত দুগৰাকী মহিলা আৰক্ষীও আছে।
সিন্ধ আৰক্ষীৰ আই জি গুলাম নবী মেমনৰ নিৰ্দেশত এই ব্যৱস্থা গ্ৰহণ কৰা হৈছে। তেওঁ কাৰাচীৰ এআইজি, জ’নেল ডিআইজি আৰু এছএছপিক সামাজিক মাধ্যমত ভিডিঅ’ আপলোড কৰা আৰক্ষী জোৱানক বিৰুদ্ধে ব্যৱস্থা ল’বলৈ নিৰ্দেশ দিছিল। তেওঁ কৈছিল যে, কৰ্তব্যৰ সময়ত ছ’চিয়েল মিডিয়া প্লেটফৰ্মত ভিডিঅ’ আপলোড কৰা আৰক্ষীৰ বিৰুদ্ধে ব্যৱস্থা গ্ৰহণ কৰিব লাগে।
