TV9 ASSAM
অহা ৯ ছেপ্টেম্বৰৰ পৰা সংযুক্ত আৰব আমিৰশ্বাহী (ইউ এ ই)ত আৰম্ভ হ’ব এছিয়া কাপ ২০২৫, আগন্তুক এই প্ৰতিযোগিতাত ৮টা দলে অংশগ্ৰহণ কৰিব।
এই প্ৰতিযোগিতাত পাকিস্তান, ইউ এ ই আৰু ওমানৰ সৈতে ভাৰতে গ্ৰুপ-এত স্থান লাভ কৰিছে। অহা ১০ ছেপ্টেম্বৰৰ পৰা ভাৰতীয় দলে অভিযান আৰম্ভ কৰিব।
ইতিমধ্যে BCCI- এ এছিয়া কাপৰ বাবে ১৫ জনীয়া ভাৰতীয় দল ঘোষণা কৰিছে। লগতে ৫ জন খেলুৱৈৰ নাম ষ্টেণ্ডবাই হিচাপে ঘোষণা কৰিছিল BCCI- এ।
বিচিচিআইয়ে ষ্টেণ্ডবাই হিচাপে ঘোষণা কৰা এই ৫গৰাকী খেলুৱৈ হৈছে ক্ৰমে ৰিয়ান পৰাগ, প্ৰসিদ্ধ কৃষ্ণ, ৱাশ্বিংটন সুন্দৰ, ধ্ৰুৱ জুৰেল আৰু যশস্বী জয়ছোৱাল।
এতিয়া BCCI- এ প্ৰতিযোগিতাৰ বাবে মূল ভাৰতীয় দলৰ সৈতে ষ্টেণ্ডবাই খেলুৱৈসকলক ইউ এ ইলৈ প্ৰেৰণ নকৰে বুলি জানিবলৈ দিছে।
অৱশ্যে যদি মূল দলত সালসলনিৰ প্ৰয়োজন হয়, তেতিয়া ষ্টেণ্ডবাই খেলুৱৈসকলক ডুবাইলৈ প্ৰেৰণ কৰা হ’ব আৰু তেতিয়া মূল একাদশৰো অংশ হ’ব পাৰে।
প্ৰতিযোগিতাত ভাৰতে ১০ ছেপ্টেম্বৰত ইউ এ ইৰ বিৰুদ্ধে প্ৰথমখন মেচ, ১৪ ছেপ্টেম্বৰত পাকিস্তানৰ বিৰুদ্ধে আৰু ১৯ ছেপ্টেম্বৰত ওমানৰ বিৰুদ্ধে অন্তিমখন গ্ৰুপ মেচ খেলিব।
পঢ়িবলৈ ক্লিক কৰক
ৰিয়ানৰ দলৰ বিৰুদ্ধে ‘অখ্যাত’ খেলুৱৈৰ চমক