মোদীৰ চীন ভ্ৰমণৰ পৰা হামিদাৰ বিৰুদ্ধে এজাহাৰলৈ… পঢ়ক দিনটোৰ গুৰুত্বপূৰ্ণ খবৰ
২০২৭ বৰ্ষত অসমলৈ অনা হ'ব বৃন্দাবনী বস্ত্ৰ। প্ৰায় ১৮ মাহ অসমত ৰখা হ'ব মহাপুৰুষ শ্ৰীমন্ত শংকৰদেৱৰ এই অনুপম সৃষ্টিক। চাওঁ আহক ৰাজ্যৰ পৰা আন্তঃৰাষ্ট্ৰীয় পৰ্যায়লৈ, আজি দিনটোৰ কেইটামান গুৰুত্বপূৰ্ণ খবৰ।
দিনটোৰ খবৰ
ছৈয়দা হামিদৰ বিৰুদ্ধে সৰৱ হৈ পৰিছে অসম জাতীয় পৰিষদ। ১৬ খন জিলাত দলটোৰ নেতৃত্বই অভিযোগ দাখিল কৰিছে হামিদাৰ বিৰুদ্ধে। অমিত শ্বাহে অসমবাসীক দিয়া প্ৰতিশ্ৰুতি পূৰণত ব্যৰ্থ হোৱাৰ অভিযোগ প্ৰদেশ কংগ্ৰেছৰ। ২০২৭ বৰ্ষত অসমলৈ অনা হ’ব বৃন্দাবনী বস্ত্ৰ। প্ৰায় ১৮ মাহ অসমত ৰখা হ’ব মহাপুৰুষ শ্ৰীমন্ত শংকৰদেৱৰ এই অনুপম সৃষ্টিক। চাওঁ আহক ৰাজ্যৰ পৰা আন্তঃৰাষ্ট্ৰীয় পৰ্যায়লৈ, আজি দিনটোৰ কেইটামান গুৰুত্বপূৰ্ণ খবৰ।
- অসমত আহি বাংলাদেশীৰ সপক্ষে মন্তব্য কৰা ছৈয়দা হামিদৰ বিৰুদ্ধে সৰৱ হৈ পৰিছে অসম জাতীয় পৰিষদ। ১৬ খন জিলাত দলটোৰ নেতৃত্বই অভিযোগ দাখিল কৰিছে হামিদাৰ বিৰুদ্ধে। অসম বিৰোধী তথা সাম্প্ৰদায়িক মন্তব্য কৰাৰ অভিযোগত হামিদাক গ্ৰেপ্তাৰৰ দাবী অজাপৰ। মুখ্যমন্ত্ৰীৰ শ্ৰুতলিপি মতেই হামিদাই অসমীয়াক অপমান কৰা বুলি অভিযোগ দলটোৰ নেতৃত্বৰ।
- অমিত শ্বাহে অসমবাসীক দিয়া প্ৰতিশ্ৰুতি পূৰণত ব্যৰ্থ হোৱাৰ অভিযোগ প্ৰদেশ কংগ্ৰেছৰ। শুকুৰবাৰে অসমত কেবাটাও অনুষ্ঠানত কংগ্ৰেছক তীব্ৰ সমালোচনা কৰিছিল অমিত শ্বাহে। তাৰ পাছতেই কংগ্ৰেছ সাংসদ প্ৰদ্যুত বৰদলৈয়ে এক সংবাদমেলত কয় যে অমিত শ্বাহে অসমক বানমুক্ত কৰা হ’ব বুলি দিয়া প্ৰতিশ্ৰুতি ৰক্ষা কৰিব নোৱাৰিলে। অসম চুক্তি ৰূপায়নতো বিজেপি চৰকাৰ ব্যৰ্থ হোৱা বুলি দাবী কৰে সাংসদজনে।
- ২০২৭ বৰ্ষত অসমলৈ অনা হ’ব বৃন্দাবনী বস্ত্ৰ। প্ৰায় ১৮ মাহ অসমত ৰখা হ’ব মহাপুৰুষ শ্ৰীমন্ত শংকৰদেৱৰ এই অনুপম সৃষ্টিক। অসমৰ ৰাইজে স্বচক্ষে বৃন্দাবনী বস্ত্ৰ প্ৰত্যক্ষ কৰাৰ সুবিধা লাভ কৰিব। এই বস্ত্ৰ ৰখাৰ বাবে অসম চৰকাৰে এটা কলা সংগ্ৰহলায় স্থাপনৰো সিদ্ধান্ত গ্ৰহণ কৰা বুলি জানিবলৈ দিছে মুখ্যমন্ত্ৰী হিমন্ত বিশ্ব শৰ্মাই। বৰ্তমান ইউৰোপৰ বিভিন্ন সংগ্ৰহালয়ত আছে বৃন্দাবনী বস্ত্ৰৰ অংশ।
- অবৈধ অনুপ্ৰৱেশৰ সৈতে মোকাবিলা কৰিবলৈ ৰাজ্যত চলি থকা ব্যৱস্থাসমূহৰ বিষয়ে শনিবাৰে স্পষ্ট কৰি দিয়ে মুখ্যমন্ত্ৰী হিমন্ত বিশ্ব শৰ্মাই। এই সন্দৰ্ভত তেওঁ দ্বৈত কৌশলৰ ওপৰত গুৰুত্ব আৰোপ কৰে। মুখ্যমন্ত্ৰী শৰ্মাই কয় যে চৰকাৰে সক্ৰিয়ভাৱে ১৯৭১ চনৰ পিছত অসমত প্ৰৱেশ কৰা আৰু ইতিমধ্যে অসমত বাস কৰা মানুহক বিতাড়ন কৰি আছে। “পুছবেক দুটা ফ্ৰণ্টত চলি আছে। এটা হৈ অসমৰ ভিতৰত বাস কৰা আৰু অনুপ্ৰৱেশকাৰী আইনৰ অধীনত পৰা সকলৰ বিৰুদ্ধে। এই ক্ষমতা ব্যৱহাৰ কৰি বৰ্তমান অসমৰ ভিতৰত থকা আৰু নতুন অনুপ্ৰৱেশকাৰী দুয়োটাৰে বিৰুদ্ধে ব্যৱস্থা গ্ৰহণ কৰা বুলি জানিবলৈ দিয়ে মুখ্যমন্ত্ৰীয়ে।
- ৰাজ্যত চলি থকা উচ্ছেদ অভিযানক কেন্দ্ৰই “সম্পূৰ্ণ সমৰ্থন” বুলি দৃঢ়তাৰে প্ৰকাশ কৰিছে মুখ্যমন্ত্ৰীয়ে। এই সংক্ৰান্তত শুকুৰবাৰে কেন্দ্ৰীয় গৃহমন্ত্ৰী অমিত শ্বাহে গুৱাহাটীত দিয়া ভাষণক প্ৰমাণ হিচাপে আঙুলিয়াই দিয়ে ডঃ শৰ্মাই। এক সংবাদমেলত মুখ্যমন্ত্ৰীয়ে কয় শ্বাহে স্পষ্টকৈ উল্লেখ কৰিছে যে অসম আৰু সমগ্ৰ দেশ অবৈধ অনুপ্ৰৱেশকাৰীৰ পৰা মুক্ত হ’ব, আনহাতে বিজেপি নেতৃত্বাধীন ৰাজ্য চৰকাৰে বেদখল আঁতৰোৱাৰ প্ৰচেষ্টাক কংগ্ৰেছে বিৰোধিতা কৰিছে। তেওঁ লগতে কয় কেন্দ্ৰই অসম চৰকাৰৰ উচ্ছেদ অভিযানক সম্পূৰ্ণৰূপে সমৰ্থন কৰে আৰু ইয়াৰ যুক্তিসংগত সিদ্ধান্ত নিশ্চিত কৰিবলৈ সম্ভৱপৰ সকলো সহায় আগবঢ়াব।
- নলবাৰীৰৰ মোহখলিত চাঞ্চল্যকৰ ঘটনা ৷ ডকাইতে হত্যা কৰিলে এগৰাকী বৃদ্ধক। নলবাৰী জিলা আয়ুক্ত কাৰ্যলয়ৰ অৱসৰপ্ৰাপ্ত কৰ্মচাৰী প্ৰমোদ বৰ্মনক ঘৰতে হত্যা কৰে ডকাইতৰ দলটোৱে ৷ পত্নীৰ সম্মুখতে স্বামীক ৰচীৰে বান্ধি ডকাইতে হত্যা প্ৰমোদ বৰ্মনক। তাৰ পাছতেই সোণৰ আ-অলংকাৰ লুটি লৈ যায় ডকাইতৰ দলে। তিনিজনীয়া ডকাইতৰ দলে সংঘটিত কৰে এই কাণ্ড ৷ ঘটনা স্থলীত বেলশৰ আৰক্ষী উপস্থিত হৈ তদন্ত আৰম্ভ কৰিছে যদিও বৰ্তমানলৈকে ডকাইতৰ দলটোক আটক কৰিবলৈ সক্ষম হোৱা নাই বুলি জানিব পৰা গৈছে ৷
- সখী এক্সপ্ৰেছ পদক্ষেপৰ অধীনত অসম চৰকাৰে শনিবাৰে ৯,৭০০ৰো অধিক সামূহিক কেডাৰক স্কুটাৰ যোগান ধৰে। আত্মসহায়ক গোটৰ কাৰ্যকলাপ শক্তিশালী কৰাৰ লগতে গ্ৰামাঞ্চলত মহিলা সৱলীকৰণৰ প্ৰসাৰৰ লক্ষ্যৰে গ্ৰহণ কৰা হৈছে এই পদক্ষেপ। খানাপাৰাত অনুষ্ঠিত এক অনুষ্ঠানত মুখ্যমন্ত্ৰী হিমন্ত বিশ্ব শৰ্মাই এই দুচকীয়া বাহনসমূহ বিতৰণ কৰি “জীৱিকা সখী, বেংক সখী, আৰু অন্যান্য কেডাৰসকলক ৰাজ্যত এক সমৃদ্ধিশালী আত্মসহায়ক গোটৰ পৰিৱেশ তন্ত্ৰ নিশ্চিত কৰিবলৈ আহ্বান জনায়।
- সাত বছৰৰ পাছত চীনৰ মাটিত ভৰি থ’লে প্ৰধানমন্ত্ৰী নৰেন্দ্ৰ মোদীয়ে। ৩১ আগষ্ট আৰু ১ ছেপ্টেম্বৰত টিয়ানজিনত অনুষ্ঠিত হ’বলগীয়া সাংহাই সহযোগিতা সংস্থাৰ সন্মিলনত অংশ লোৱাৰ উদ্দেশ্যে চীনত উপস্থিত হৈছে প্ৰধানমন্ত্ৰী। ইয়াৰ মাজতে মোদীয়ে সাক্ষাৎ কৰিব চীনৰ ৰাষ্ট্ৰপতি জি জিনপিং আৰু ৰাছিয়াৰ ৰাষ্ট্ৰপতি ভ্লাডিমিৰ পুটিনক। দুদিনীয়া জাপান ভ্ৰমণ সামৰি পোনে পোনে চীনত উপস্থিত হৈছে মোদী।
- কেন্দ্ৰীয় গৃহমন্ত্ৰী অমিত শ্বাহৰ বিমানত কাৰিকৰী বিজুতি। গৃহমন্ত্ৰী শ্বাহে দুদিনীয়া মুম্বাই ভ্ৰমণ সম্পূৰ্ণ কৰি গুজৰাটলৈ যাত্ৰা কৰিবলৈ লোৱাৰ সময়তেই সংঘটিত হয় এই ঘটনা। সূত্ৰৰ পৰা জানিব পৰা মতে বিমানখনৰ কাৰিকৰী ক্ৰুটিৰ খবৰ পোৱাৰ লগে লগে মহাৰাষ্ট্ৰৰ উপ মুখ্যমন্ত্ৰী একনাথ শিণ্ডে ততাতৈয়াকৈ আগবাঢ়ি আহি নিজৰ বিমানখন গৃহমন্ত্ৰী আৰু তেওঁৰ পৰিয়ালক যোগান ধৰে। শ্বাহে শিণ্ডেৰ বিমানত গুজৰাটলৈ ৰাওনা হয়। শুকুৰবাৰে অসমৰ পৰা আহি মহাৰাষ্ট্ৰত উপস্থিত হৈছিল অমিত শ্বাহ।
লগতে পঢ়ক: জীৱিকা সখীসকল সকলোতে মূলাগাভৰু হ’ব লাগিব: স্কুটাৰ বিতৰণ অনুষ্ঠানত কেইবাটাও ঘোষণা মুখ্যমন্ত্রীৰ
