ভাৰত-পাকিস্তানৰ মাজত পাৰমাণৱিক যুদ্ধৰ ভাবুকি! কাৰ পক্ষত আছে বিশ্বৰ পাৰমাণৱিক অস্ত্ৰধাৰী দেশসমূহ?
ভাৰত আৰু পাকিস্তানৰ মাজত ক্ৰমবৰ্ধমান উত্তেজনাই বিশ্বজুৰি উদ্বেগৰ সৃষ্টি কৰিছে। পহলগাম আক্ৰমণৰ পিছত পাৰমাণৱিক অস্ত্ৰ ব্যৱহাৰ কৰাৰ ভাবুকি প্ৰদান কৰিছে পাকিস্তানে। ইফালে ভাৰতক সমৰ্থন কৰিছে আমেৰিকা আৰু ইজৰাইলে, আনহাতে চীনে পাকিস্তানৰ সৈতে থিয় দিছে। এতিয়া এই সংঘাত কেৱল ভাৰত আৰু পাকিস্তানত সীমাবদ্ধ নহয়, ই সমগ্ৰ বিশ্বকে প্ৰভাৱিত কৰিছে।
ভাৰত-পাকিস্তানৰ মাজত পাৰমাণৱিক যুদ্ধৰ ভাবুকি!
পাকিস্তান আৰু ভাৰতৰ মাজৰ উত্তেজনা এতিয়া কেৱল পাকিস্তান আৰু ভাৰতৰ মাজতে সীমাবদ্ধ নহয়। ভাৰত-পাকিস্তানৰ মাজত যুদ্ধৰ সম্ভাৱনা বৃদ্ধি পোৱাৰ লগে লগে সমগ্ৰ বিশ্ব দুটা ভাগত বিভক্ত হৈ পৰিছে। পহলগাম আক্ৰমণৰ প্ৰতি প্ৰত্যুত্তৰ জনাই কঠোৰ ব্যৱস্থা গ্ৰহণ কৰিবলৈ সাজু হৈছে ভাৰতীয় সেনাই, যাৰ বাবে সতৰ্কবাণী জাৰি কৰিছে পাকিস্তানে।
পহলগাম সন্ত্ৰাসবাদী আক্ৰমণৰ পিছত নতুন দিল্লী আৰু ইছলামবাদৰ মাজত উত্তেজনাৰ মাজতে পাকিস্তানৰ ৰাষ্ট্ৰদূতে সকীয়াই দিছে যে, যদি ভাৰতে পাকিস্তান আক্ৰমণ কৰে বা ইয়াৰ গুৰুত্বপূৰ্ণ পানীৰ প্ৰবাহত বাধা দিয়ে তেন্তে পাৰমাণৱিক শক্তিসহ “পূৰ্ণ শক্তিৰে” প্ৰত্যুত্তৰ দিয়া হ’ব। এতিয়া এই যুদ্ধক পাৰমাণৱিক যুদ্ধলৈ ৰূপান্তৰিত কৰিবলৈ সকীয়াই দিছে পাকিস্তানে। এনে পৰিস্থিতিত প্ৰশ্ন উত্থাপন হয় যে পাৰমাণৱিক দেশবোৰ কাৰ পক্ষত থাকিব?
বৰ্তমান সমগ্ৰ বিশ্বত ৯ খন পাৰমাণৱিক দেশ আছে। য’ত আমেৰিকা, ইজৰাইল, চীন, ফ্ৰান্স, ব্ৰিটেইন, ৰাছিয়া, ভাৰত, পাকিস্তান আৰু উত্তৰ কোৰিয়া আদি অন্তৰ্ভুক্ত। চীন, উত্তৰ কোৰিয়া আৰু পাকিস্তানৰ বাহিৰে সকলো দেশৰ সৈতে ভাৰতৰ ভাল সম্পৰ্ক আছে। এই দেশসমূহৰ প্ৰতিক্ৰিয়াৰ পৰা স্পষ্ট হৈ পৰিছে যে যদি যুদ্ধ হয় তেন্তে তেওঁলোক কোনখন দেশৰ পক্ষত থিয় হ’ব।
এই দেশবোৰ ভাৰতৰ লগত থাকিব
মঙলবাৰে আমেৰিকাৰ সদনৰ অধ্যক্ষ মাইক জনছনে কাশ্মীৰৰ পহলগামত সংঘটিত সন্ত্ৰাসবাদী আক্ৰমণক গৰিহণা দি ট্ৰাম্প প্ৰশাসনে ভাৰতক অস্ত্ৰৰ সৈতে সহায় কৰিব বুলি ঘোষণা কৰে। ইয়াৰ পিছত আমেৰিকাই ভাৰতক পোনপটীয়াকৈ সমৰ্থন কৰাৰ ইংগিত পোৱা গৈছে। একে সময়তে ইজৰাইলৰ পৰাও ভাৰতে মুকলি সমৰ্থন লাভ কৰিছে। একাংশ প্ৰতিবেদনত দাবী কৰা হৈছে যে পহলগাম আক্ৰমণৰ পিছত ইজৰাইলৰ পৰা এটা দল কাশ্মীৰত উপস্থিত হৈছে। ইয়াৰ পিছত জল্পনা-কল্পনা চলিছে যে ইজৰাইল আৰু আমেৰিকা ভাৰতৰ লগত আছে।
পাকিস্তানৰ সৈতে থকা দেশসমূহ
চীনে পাকিস্তানক সম্পূৰ্ণ সমৰ্থনৰ আশ্বাস প্ৰদান কৰিছে। চীনে সদায় পাকিস্তানক সুৰক্ষা দি আহিছে। উত্তৰ কোৰিয়াইও যুদ্ধৰ সময়ত পাকিস্তানক সহায় কৰিবলৈ আগবাঢ়ি আহিব পাৰে।
কোনবোৰ নিৰপেক্ষ শক্তি?
একে সময়তে এনে বহু পাৰমাণৱিক দেশ আছে যিয়ে দুয়োখন দেশকে সংযম হ’বলৈ আহ্বান জনাইছে। এই দেশসমূহৰ ভিতৰত ফ্ৰান্স, ব্ৰিটেইন আৰু ৰাছিয়া আদি। এইবোৰ দেশ যিবোৰৰ ভাৰত আৰু পাকিস্তান উভয়ৰে সৈতে ভাল সম্পৰ্ক আছে।
লগতে পঢ়ক: ভাৰত-পাক যুদ্ধৰ তাৰিখ চূড়ান্ত! দুয়োখন দেশে দিলে ডাঙৰ সংকেত…