বৰাগাঁৱৰ শ্বহীদ স্মাৰক ক্ষেত্ৰত শ্বহীদসকলক শ্ৰদ্ধাঞ্জলি জনালে প্ৰধানমন্ত্ৰীয়ে

আজি প্ৰধানমন্ত্ৰী নৰেন্দ্ৰ মোদী অসম ভ্ৰমণৰ দ্বিতীয়টো দিন। শনিবাৰে সন্ধিয়া দুদিনীয়া ভ্ৰমণসূচীৰে অসমত উপস্থিত হৈছিল প্ৰধানমন্ত্ৰী মোদী।  ২১ ডিচেম্বৰ, দেওবাৰে শেহতীয়াকৈ গুৱাহাটীৰ বৰাগাঁৱত নতুনকৈ উদ্বোধন কৰা স্মাৰক ক্ষেত্ৰত অসম আন্দোলনৰ শ্বহীদসকলক শ্ৰদ্ধাঞ্জলি জনাই ৰাজ্যখনৰ ৰাজনৈতিক আৰু সামাজিক পৰিৱেশক নতুন ৰূপ দিয়া আন্দোলনৰ স্থায়ী তাৎপৰ্যৰ ওপৰত আলোকপাত কৰে।

১৯৮৫ চনত সমাপ্ত হোৱা অসম আন্দোলনৰ সময়ত প্ৰাণ হেৰুওৱা ৮৬০ জন শ্বহীদক স্মৰণত নিৰ্মাণ কৰা এই স্মৃতিসৌধ ত্যাগ আৰু স্থিতিস্থাপকতাৰ প্ৰতীক। এই সময়ত মুখ্যমন্ত্ৰী হিমন্ত বিশ্ব শৰ্মা আৰু উচ্চপদস্থ বিষয়াৰ সৈতে প্ৰধানমন্ত্ৰীয়ে শ্বহীদ গেলেৰী ভ্ৰমণ কৰে। য’ত আন্দোলনৰ সময়ত নিহতসকলৰ আৱক্ষ প্ৰতিমূৰ্তি স্থাপন কৰা হৈছে। ১৯৭৯ চনৰ ১০ ডিচেম্বৰত মৃত্যু হোৱা আন্দোলনৰ প্ৰথম শ্বহীদ হিচাপে স্বীকৃতিপ্ৰাপ্ত খৰ্গেশ্বৰ তালুকদাৰৰ প্ৰতিমূৰ্তিত মালা পিন্ধাই প্ৰধানমন্ত্ৰী মোদীয়ে।