আপোনাৰ বিদ্যুতৰ বিল হ্ৰাস কৰিব বিচাৰেনে? কেনেকৈ কৰিব পাৰি জানক…

প্ৰতীকী ফটো

বিশেষকৈ গৰমৰ দিনত বিদ্যুতৰ বিল প্ৰায় বৃদ্ধি পায়। কিন্তু আপুনি কিছুমান উপায় তথা সাৱধানতা অৱলম্বন কৰি আপোনাৰ বিদ্যুতৰ বিল হ্ৰাস কৰিব পাৰে। এই কাম সম্পূৰ্ণ আপোনাৰ হাতত। কেইটামান সাধাৰণ কথাৰ ওপৰত গুৰুত্ব দিলেই হ্ৰাস পাব আপোনাৰ বিদ্যুতৰ বিল। মাহিলী ১০০ ইউনিটতকৈ অধিক ইউনিট ৰাহি কৰি ১০০০ টকা বা তাতকৈ অধিক ধন ৰাহি কৰিব পাৰে।

বিদ্যুতৰ বিল হ্ৰাস কৰাৰ উপায়

দৈনিক ২০ ঘণ্টা চলি থকা পৰম্পৰাগত ৮০ W চিলিং ফেনে মাহে প্ৰায় ৪৮ ইউনিট খৰচ কৰে। ইয়াৰ ঠাইত যদি আপুনি BLDC মডেল ব্যৱহাৰ কৰে, তেন্তে আপোনাৰ বিদ্যুতৰ বিলত বহু পৰিৱৰ্তন দেখা পাব।

একেদৰে যদি ৪০W টিউব লাইটৰ ঠাইত ১৮ W ৰ LED টিউব ব্যৱহাৰ কৰে, তেন্তে আপোনাৰ বিদ্যুতৰ খৰচ বহু পৰিমাণে হ্ৰাস পাব।

সময়ে সময়ে যদি আপুনি আপোনাৰ পানীৰ মটৰ পৰিষ্কাৰ কৰে বা মেইণ্টেনেন্স কৰে, তেন্তে আপোনাৰ অতিৰিক্ত বিদ্যুতৰ খৰচ ৰাহি হ’ব। লিক-ফ্ৰী প্লাম্বিঙে পানী মটৰৰ ব্যৱহাৰ হ্ৰাস কৰাৰ লগতে বিদ্যুতৰ খৰচ হ্ৰাস কৰে।

গৰম দিনত প্ৰায়ে AC ব্যৱহাৰ কৰা হয়। গতিকে নিয়মীয়াকৈ এচি কণ্ডেন্সাৰ কইল পৰিষ্কাৰ কৰিলে কাৰ্যক্ষমতা বৃদ্ধি পায়। ফলত অতিৰিক্ত বিদ্যুতৰ খৰচ ৰাহি হয়।

ব্যৱহাৰ নোহোৱা সময়ত যদি চাৰ্জাৰ, ছেট-টপ বক্স আৰু টিভিৰ প্লাগ ব’ৰ্ডত লাগি থাকে তেতিয়াও বিদ্যুতৰ বিল বৃদ্ধি পায়। গতিকে বিদ্যুতৰ বিল ৰাহি কৰিবলৈ ব’ৰ্ডত অপ্ৰয়োজনীয়ভাৱে প্লাগ লগাই নাৰাখিব।