হঠাৎ বন্ধ হৈ পৰিল ১ কোটি ফেচবুক একাউণ্ট, কিয় এই পদক্ষেপ Metaৰ?

Meta Facebook

ইউটিউবৰ পিছত এতিয়া  ডাঙৰ পদক্ষেপ লৈ ১ কোটি একাউণ্ট ব্লক কৰিছে মেটাই। কোম্পানীয়ে এনে একাউণ্টৰ ওপৰত ব্যৱস্থা গ্ৰহণ কৰিছে যিবোৰে আন-অৰিজিনেল, স্পেম কন্টেন্ট বা আনৰ পৰা কপি কৰা কন্টেন্ট পোষ্ট কৰি আছিল। কেৱল এয়াই নহয়, ভুৱা এংগেজমেণ্ট, পুনৰাবৃত্তিমূলক পোষ্ট আৰু ভিউ বা ধনৰ বাবে চিষ্টেমৰ লগত খেলা কৰিবলৈ চেষ্টা কৰা ৫ লাখ এনে একাউণ্টৰ ওপৰতো জৰিমনা বিহি মেটাই ব্যৱস্থা গ্ৰহণ কৰিছে। ধন আৰু ভিউজৰ বাবে এআই ভিডিঅ’ পোষ্ট কৰিছে বহু লোকে। এই কাৰণেই ইউটিউবৰ দৰে এতিয়া মেটাও কম প্ৰচেষ্টাৰ কন্টেন্টৰ বিৰুদ্ধে অভিযান তীব্ৰতৰ কৰি তুলিছে।

মেটাই এতিয়া উন্নত সঁজুলি ব্যৱহাৰ কৰি ডুপ্লিকেট ভিডিঅ’ বিচাৰি উলিয়াই আঁতৰাইছে যাতে মূল সৃষ্টিকৰ্তাসকলে তেওঁলোকৰ প্ৰাপ্য ক্ৰেডিট আৰু পোৱাটো নিশ্চিত কৰিব পাৰে। বাৰে বাৰে কন্টেন্ট চুৰি কৰা একাউণ্টৰ প্ৰসাৰত প্ৰভাৱ পৰাই নহয়, ফেচবুকৰ মুদ্ৰাকৰণ নীতিৰ জৰিয়তে ধন উপাৰ্জন কৰাত সাময়িকভাৱে বাধা আহি পৰিব।

এইসকললৈ মেটাৰ সতৰ্কবাণী

এআই সঁজুলিৰ ওপৰত অত্যধিক নিৰ্ভৰশীলসকলক সকীয়াই দিছে মেটাই। কোম্পানীটোৱে নাম উল্লেখ নকৰাকৈ কম কষ্টৰে কন্টেন্ট তৈয়াৰ কৰা, নিম্নমানৰ অটো-কেপচন ব্যৱহাৰ কৰা, আন কাৰোবাৰ কামত ৱাটাৰমাৰ্ক লগোৱাসকলক সকীয়াই দিয়ে । মেটাই কয় যে কোম্পানীটোৱে এনে এটা বৈশিষ্ট্য পৰীক্ষা কৰি আছে যিয়ে ব্যৱহাৰকাৰীক ৰি-পোষ্ট কৰা ভিডিঅ’ৰ জৰিয়তে মূল ভিডিঅ’টোৰ সৈতে সংযোগ কৰিব। কোম্পানীটোৰ এই পদক্ষেপে সেই সৃষ্টিকৰ্তাসকলৰ চিন্তা বৃদ্ধি কৰিছে যিয়ে কন্টেন্ট স্পেম কৰে বা আনৰ কাম চুৰি কৰে।

মেটাই কয় যে এই নতুন নিয়মবোৰ ক্ৰমান্বয়ে কাৰ্যকৰী কৰা হ’ব যাতে কন্টেন্ট ক্ৰিয়েটৰসকলে নতুন নিয়মৰ লগত নিজকে খাপ খুৱাবলৈ সময় পায়। নতুন নিয়ম অনাৰ আঁৰৰ কোম্পানীটোৰ উদ্দেশ্য স্পষ্ট যে যদি আপুনি অৰিজিনেল নহয় কিবা এটা পোষ্ট কৰি আছে, তেন্তে এক কোটি একাউণ্ট যেনেকৈ নাইকিয়া হৈছে, তেনেকৈয়ে আপোনাৰ ৰিত্চ আৰু ৰেভিনিউ নাইকিয়া হ’ব পাৰে।