RCB vs KKR Live Score, IPL 2025: বৰষুণৰ বাবে ৰয়েল চেলেঞ্জাৰ্ছ বাংগালুৰু বনাম কলকাতা নাইট ৰাইডাৰ্ছৰ মেচ বাতিল

বৰষুণৰ বাবে বাতিল হ’ল ৰয়েল চেলেঞ্জাৰ্ছ বাংগালুৰু বনাম কলকাতা নাইট ৰাইডাৰ্ছৰ মেচ। দুয়োটা দলে পাব ১-১ পইণ্ট।

বেংগালুৰুত পুনৰবাৰ বৰষুণ আৰম্ভ হৈছে, যাৰ ফলত স্তব্ধ হৈ পৰিছে অনুৰাগীৰ আশা । অৰ্থাৎ মেচখন আৰম্ভ হ’বলৈ আৰু অধিক সময় লাগিব।

বৰষুণ সম্পূৰ্ণৰূপে বন্ধ হোৱাৰ বাবে বেংগালুৰুৰ পৰা আহি আছে এটা ভাল খবৰ। খেলপথাৰ শুকুৱাৰ কামত ব্যস্ত হৈ পৰিছে গ্ৰাউণ্ড ষ্টাফ।

বেংগালুৰুৰ পৰা শেহতীয়া আপডেট অনুসৰি বৰষুণ পাতল হৈ পৰিছে যদিও এতিয়াও সম্পূৰ্ণৰূপে বন্ধ হোৱা নাই। এনে পৰিস্থিতিত মেচ আৰম্ভ হ’বলৈ আৰু কিছু সময় লাগিব। কিন্তু ঠিক ৮.৩০ বজাত অভাৰ কৰ্তন আৰম্ভ হ’ব। ইয়াৰ পূৰ্বেও জনোৱা হৈছিল যে নিশা ৮.৪৫ বজাৰ পৰা অভাৰ কৰ্তন কৰা হ’ব।

বেংগালুৰুত এতিয়াও বৰষুণ দি আছে, যাৰ বাবে মেচ আৰম্ভ হোৱা নাই। এনে পৰিস্থিতিত কিছুমান বিশেষ কথা জনাটো জৰুৰী-

• যদি নিশা ৮:৪৫ বজাৰ ভিতৰত মেচ আৰম্ভ নহয়, তেন্তে এটা এটাকৈ অভাৰবোৰ কম কৰা হ’ব।
• মেচৰ ফলাফল পাবলৈ হ’লে অন্ততঃ ৫-৫ অভাৰ খেল খেলিব লাগিব আৰু ইয়াৰ বাবে শেষ সময় সীমা অৰ্থাৎ কাট অফ নিশা ১০:৫৬ বজা।

এই সময়ত বেংগালুৰুত অব্যহত আছে বৰষুণ। যাৰ বাবে পলম হৈছে মেচ।