IPL 2025: তৰুণ ক্ৰিকেটাৰে দেখুৱাব পাৰিবনে নিজৰ কৌশলী প্ৰদৰ্শন?

প্ৰতীকী ছবি

মনোৰঞ্জনৰ বাবে ক্ৰিকেট । ক্ৰিকেটৰ মনোৰঞ্জন । মুঠতে এতিয়া সকলো ব্যস্ত ইণ্ডিয়ান প্ৰিমিয়াৰ লীগ উপভোগত । অজিংক্য ৰাহানে, বিৰাট কোহলী, নিকোলাছ পুৰাণ, মিচেল মাৰ্শ্বৰ দৰে খেলুৱৈয়ে বেটেৰে ধুমুহাৰ সৃষ্টি কৰিছে । এফালে তেওঁলোকৰ দৰে অভিজ্ঞ খেলুৱৈয়ে পৰিবেশন কৰি আছে । আনফালে এজাক তৰুণ ক্ৰিকেটাৰ জিলিকিছে । বেটিঙতেই হওক বা বলিংতেই হওক । উদাহৰণ স্বৰূপে আমি বিগনেশ পুথুৰ, আশুতোষ শৰ্মা, বিপৰাজ নিগম আৰু দিগৱেশৰ কথাও উল্লেখ কৰিব পাৰোঁ । এইসকল তৰুণ ক্ৰিকেটাৰে কেনেদৰে ভাল প্ৰদৰ্শন কৰিছে ?

আই পি এলত যিমানেই মনোৰঞ্জনৰ ক্ৰিকেট নহও,, খেলখনতো নতুন নহয় । যদি মূল কথাবোৰ ক্ৰমত থাকে, তেন্তে প্ৰদৰ্শন কৰাত কোনো সমস্যা হ’ব নালাগে । অৱশ্যে যুৱ ক্ৰিকেটাৰসকলৰ ভাল প্ৰদৰ্শনৰ বিষয়ে ক’বলৈ হ’লে দল পৰিচালনাৰ কথাও পৃথককৈ উল্লেখ কৰাটো প্ৰয়োজন । এই যুৱ ক্ৰিকেটাৰসকলক বিশ্বাস দেখুৱাই সুযোগ দিয়াৰ বাবেই প্ৰদৰ্শন কৰিবলৈ সক্ষম হৈছে । ঠিক কালিৰ মেচখনৰ দৰেই এজন যুৱকে উজ্জ্বল প্ৰদৰ্শন আগবঢ়াইছিল । আজিৰ খেলখনত কেকেআৰে এনে সুযোগ দিবনে ?

ইণ্ডিয়ান প্ৰিমিয়াৰ লীগৰ ডিফেণ্ডিং চেম্পিয়ন কলকাতা নাইট ৰাইডাৰ্ছ । যোৱা ছিজনত জয়লাভত মূল ভূমিকা পালন কৰিছিল উদ্বোধনী যুটিটোৱে । ফিল ছল্ট আৰু সুনীল নাৰিনে ধাৰাবাহিকভাৱে ভাল প্ৰদৰ্শন আগবঢ়ায় । এইবাৰ কেকেআৰে ছল্টক ধৰি ৰাখিব নোৱাৰিলে । যোৱা ছিজনৰ আন এটা উল্লেখযোগ্য কথা আছিল । দুৰ্বল দল থকাৰ পিছতো গম্ভীৰে ছল্টৰ ওপৰত আত্মবিশ্বাস প্ৰদৰ্শন কৰে । অনুশীলন মেচখনত ছল্টে ভাল খেলিছিল । তেওঁ অডিচনত উত্তীৰ্ণ হ’ল । ডিজে ব্ৰাভো সেই পথত আগবাঢ়িবনে ?

ডুৱাইন ব্ৰাভো এতিয়া কেকেআৰৰ মেন্টৰ । টি-২০ত তেওঁ আছিল বিশ্বৰ অন্যতম শ্ৰেষ্ঠ অল-ৰাউণ্ডাৰ । ছিজন আৰম্ভ হোৱাৰ পূৰ্বে তেওঁ গম্ভীৰৰ বিজয়ী ফৰ্মূলাক বিশ্বাস কৰিব বুলি কয় । ইয়াৰ পৰা প্ৰশ্ন উত্থাপন হৈছে যে অনুশীলন মেচত উজ্জ্বল প্ৰদৰ্শন দেখুওৱা লাভনীত চিছ’ডিয়াক প্ৰথমখন মেচত সুযোগ দিয়া হ’লহেঁতেননে ? নাইটছৰ পৰিচালনা সমিতিয়ে সুনীল নাৰিনৰ লগতে অভিজ্ঞ কুইণ্টন ডি ককৰ ওপৰত নিৰ্ভৰশীল । লাভনীত এজন কীপাৰ বেটছমেনো । একাদশত ৰাখি কেকেআৰে সুনীল নাৰিন, ৰাছেল, স্পেন্সৰ জনছনৰ সৈতে বিদেশী পেচাৰ নৰ্টজেকো খেলাব পাৰে ।

ৰাজস্থান ৰয়েলছৰ হৈ খেলিছে ধ্ৰুৱ জুৰেলে । তেওঁ নিজৰ দেশৰ হৈও খেলিছিল । কিন্তু ৰাজস্থানে দীৰ্ঘদিন ধৰি তেওঁৰ ওপৰত আস্থা প্ৰকাশ কৰি আহিছে । ক্ৰমান্বয়ে ৰাষ্ট্ৰীয় দলৰ মানচিত্ৰত প্ৰৱেশ কৰিলে এইজন যুৱ ক্ৰিকেটাৰে । তেওঁ টেষ্ট মেচো খেলিছিল । একেদৰে ৰিয়ান পৰাগে লাভ কৰিছে অধিনায়কত্বৰ সুবিধা । যোৱা ছিজনত সুন্দৰ প্ৰদৰ্শনৰ পাছত ভাৰতীয় দলত অন্তৰ্ভুক্ত হৈছিল ৰিয়ান । ভাৰতৰ হৈ টি-২০ মেচ খেলিছে ।

ভাৰতীয় ক্ৰিকেটে তেওঁলোকক পাইছিল কাৰণ কেকেআৰে হৰ্ষিত ৰাণা আৰু ৰিংকু সিঙৰ ওপৰত বিশ্বাস দেখুৱাইছিল । ডিজে ব্ৰাভোৱে নতুন তাৰকা সৃষ্টি কৰিব পাৰিবনে নাই সেইটোৱেই গুৰুত্ব দিয়া হৈছে । যদি মেণ্টৰ ব্ৰাভোৱে কামবেক মেচত যুৱ ৰক্ষক বেটছমেন লাভনীত চিছ’ডিয়াৰ ওপৰত নিজৰ আস্থা ৰাখে তেন্তে কি হ’ব ? একেবাৰে আচৰিত নহয় । বৰঞ্চ এই সিদ্ধান্তই হয়তো পাৰ্থক্য আনিব পাৰে ।