IPL 2025 ৰ মাজতে বিপদত BCCI! ৰবট কুকুৰৰ বাবে হাইকোৰ্টৰ জাননী

IPL 2025 ৰ মাজভাগত চিন্তিত BCCI

বিপদত পৰিছে বিশ্বৰ আটাইতকৈ ধনী ক্ৰিকেট ব’ৰ্ড । আই পি এল ২০২৫ৰ মাজতে বি চি চি আইয়ে লাভ কৰিছে ৰবট কুকুৰটোৰ বাবে জাননী। এই জাননী দিল্লী উচ্চ ন্যায়ালয়ে বিচিচিআইলৈ প্ৰেৰণ কৰিছে। আচলতে বিচিচিআইয়ে আইপিএল ২০২৫ৰ মেচত কুকুৰৰ দৰে দেখা ৰবট ব্যৱহাৰ কৰিছে। টছৰ সময়ত কুকুৰটোক দেখা যায় আৰু খেলুৱৈসকলক ৱাৰ্ম আপৰ সময়ত কভাৰ কৰে। এই কুকুৰটোৰ নাম চম্পক ৰখা হৈছিল। এতিয়া এই নামটোৱেই হৈ পৰিছে বি চি চি আইৰ ডিঙিৰ কাঁইট।

দিল্লী উচ্চ ন্যায়ালয়ৰ পৰা বিচিচিআইলৈ জাননী

দিল্লী উচ্চ ন্যায়ালয়ে বিচিচিআইলৈ প্ৰেৰণ কৰিছে জাননী। আচলতে এখন বিখ্যাত শিশু আলোচনীৰ নামো চম্পক আৰু সেইবাবেই এই কোম্পানীয়ে বিচিচিআইৰ ওচৰত অভিযোগ উত্থাপন কৰিছে। চম্পক আলোচনীৰ গোচৰত বি চি চি আইৰ পৰা উত্তৰ বিচাৰিছে দিল্লী উচ্চ ন্যায়ালয়ে। অহা চাৰি সপ্তাহত বিচিচিআইয়ে লিখিত উত্তৰ দিব লাগিব আৰু এই বিষয়ৰ পৰৱৰ্তী শুনানি অহা ৯ জুলাইত অনুষ্ঠিত হ’ব। বিচিচিআইয়ে নিজৰ ৰবট কুকুৰৰ নাম চম্পক ৰাখি পঞ্জীয়নভুক্ত ট্ৰেডমাৰ্ক উলংঘা কৰাৰ অভিযোগ উত্থাপন হৈছে।

ৰবট কুকুৰ চম্পকৰ বৈশিষ্ট্য

ৰবট কুকুৰ চম্পকৰ বিশেষত্ব হ’ল ইয়াত একাধিক কেমেৰা সজ্জিত। খেলৰ সময়ত তেওঁ অনুৰাগীক বেলেগ এংগেল দেখুৱাব পাৰে। ইয়াৰ উপৰিও এই কুকুৰটোৰ ভিতৰত বহু ধৰণৰ চেন্সৰ স্থাপন কৰা হয়। ইয়াৰ উপৰিও ই খেলুৱৈসকলৰ প্ৰদৰ্শনৰ তথ্যও ৰক্ষা কৰিব পাৰে। ৰবট কুকুৰ চম্পকৰ এটা ডাঙৰ বৈশিষ্ট্য হ’ল ইয়াক চাৰ্জ কৰাৰ প্ৰয়োজন নাই, ই স্বয়ংক্ৰিয়ভাৱে চাৰ্জ হয়। ই নিজাববীয়াকৈ থিয় হ’ব পাৰে। খেলৰ আগতে, খেলুৱৈৰ অনুশীলনৰ সময়ত আৰু হাফ টাইমৰ সময়ত ইয়াক ব্যৱহাৰ কৰা হয়। বিশেষ কথাটো হ’ল এই ৰবট কুকুৰটোৱে যি ফটো আৰু ভিডিঅ’ বন্দী কৰে, ছ’চিয়েল মিডিয়াতো আপলোড কৰিব পাৰে। কেৱল এয়াই নহয়, এই কুকুৰটোৱে খেলপথাৰত পানীয়ও আগবঢ়াই নিব পাৰে।

আই পি এল মেচ চলি থকাৰ সময়ত চিয়াৰ লীডাৰসকলেও কুকুৰটোৰ সৈতে ধেমালি কৰা দেখা যায়। কেৱল ছবি তোলা বা খেলুৱৈৰ প্ৰতিক্ৰিয়া কেপচাৰ কৰাৰ বাবেই নহয়, টছৰ সময়ত কইন কঢ়িয়াবৰ বাবেও এই ৰবট কুকুৰটো ব্যৱহাৰ কৰা হয়।