বেয়া চিন্তা, স্মৃতিশক্তি দুৰ্বল…হ’ব পাৰে শৰীৰৰ এই সমস্যাৰ লক্ষণ, জানক সকলো…
আজিকালি মানুহে বিভিন্ন মানসিক সমস্যাত ভোগে। কেতিয়াবা মানুহৰ স্মৃতিশক্তি দুৰ্বল হোৱা দেখা যায়, ইয়াৰ বিপৰীতে কিছুমানৰ মনলৈ বেয়া চিন্তা আহি থাকে। অৱশ্যে ইয়াৰ থাকে কাৰণ।
স্মৃতিশক্তি দুৰ্বল
সুস্থ শৰীৰৰ বাবে মন সুস্থ হৈ থকাও প্ৰয়োজন। কিন্তু আজিকালি কামৰ বোজা বা বিভিন্ন কাৰণত মানুহে মানসিক সমস্যাৰ সন্মুখীন হয়। কিন্তু কেতিয়াবা অন্য কাৰণতো মানসিক সমস্যা হোৱা দেখা যায়। এক বিশেষ প্ৰকাৰৰ ভিটামিনৰ অভাৱৰ ফলত মানুহৰ মনত বেয়া চিন্তা, মুড পৰিবৰ্তন, দুৰ্বল স্মৃতিশক্তি আদিৰ সমস্যা হ’ব পাৰে।
শৰীৰক পুষ্টিকৰ উপাদানৰ প্ৰয়োজন। শৰীৰে পৰ্যাপ্ত পৰিমাণৰ প্ৰটিন, ভিটামিন, খনিজ আদি লাভ কৰিলেহে সুস্থ হৈ আছে। শৰীৰৰ বাবে বিভিন্ন প্ৰকাৰৰ ভিটামিন গুৰুত্বপূৰ্ণ। তাৰ ভিতৰত বি১২ (Vitamin B12) অন্যতম। ই শৰীৰৰ বহু দিশ নিয়ন্ত্ৰণ কৰে। ই শৰীৰত ৰক্তকণিকা আৰু ডি এন এ উৎপন্ন কৰে। ইয়াৰ লগতে ই ছাল,হাড় আৰু নখ মজবুত কৰি ৰাখে।
ইমানেই নহয়, মানসিক স্বাস্থ্য ভালে ৰাখিবলৈ ভিটামিন বি১২ প্ৰয়োজনীয়। ইয়াৰ অভাৱত স্মৃতিশক্তি দুৰ্বল হোৱাৰ লগতে ডিপ্ৰেশ্যন বা উদ্বেগ হ’ব পাৰে। এই ভিটামিনৰ অভাৱৰ ফলতেই মানুহৰ মনত বেয়া চিন্তা আহিব পাৰে। গতিকে ইয়াৰ অভাৱ শৰীৰত হ’বলৈ দিব নালাগে।
বেয়া চিন্তা
বহু গৱেষণাত পোহৰলৈ অহা তথ্য অনুসৰি ভিটামিন বি১২ আৰু বি গ্ৰুপৰ ভিটামিনসমূহে মগজুত কেমিকেল তৈয়াৰ কৰাত সহায় কৰে। এনে ক্ষেত্ৰত ইয়াৰ অভাৱত মুড চুইং, ডিপ্ৰেশ্যন বা হতাশা আদি হ’ব পাৰে। বিশেষকৈ ইয়াৰ অভাৱত মগজু দুৰ্বল, বেয়া চিন্তা, অশান্তিৰ সৃষ্টি কৰিব পাৰে। ই স্মৃতিশক্তি দুৰ্বল কৰে।
লক্ষণ
- স্মৃতিশক্তি দুৰ্বল
- মানসিক অশান্তি
- ভাগৰুৱা
- উশাহ লোৱাত অসুবিধা
- শক্তি কমি অহা
- পেশী বিষ
- ডিঙি বিষ
- ছাল শেতা
- স্নায়ুৰ ক্ষতি
- অজ্ঞানতা
- ভৰি-হাতত টিং টিং
- ভাৰসাম্যৰ সমস্যা
- জিভাৰ বিষ আদি।
অভাৱ দূৰ কৰিবলৈ কি কৰিব
ভিটামিন বি১২ ৰ অভাৱ দূৰ কৰিবলৈ মাংস, মাছ, কণী আৰু দুগ্ধজাত সামগ্ৰী খাব পাৰে। ইয়াৰ বিপৰীতে নিৰামিষভোজীসকলে ড্ৰাইফ্ৰুট , বিভিন্ন ফল আদি খাব পাৰে। কুকুৰা, মাছ, কণী আৰু অন্যান্য মাংস ভিটামিন বি ১২ৰ ভাল উৎস। দুগ্ধজাত সামগ্ৰীৰ ভিতৰত গাখীৰ, পনিৰ আৰু দৈ আদি। আলমণ্ড, ৰঙালাউ গুটি আদিও খাব পাৰে।
কি কি কৰে
এই ভিটামিনে শৰীৰত বহু গুৰুত্বপূৰ্ণ ভূমিকা পালন কৰে। ই ৰক্তকনিকা তৈয়াৰ কৰে। ইয়াৰোপৰি ভিটামিন বি ১২ য়ে স্নায়ুকোষক সুস্থ কৰি ৰখাত সহায় কৰে, ডি এন এ গঠন কৰে। গতিকে শৰীৰে পৰ্যাপ্ত পৰিমাণে ভিটামিন বি১২ লাভ কৰা আৱশ্যক। যদি আপোনাৰো এনে লক্ষণে দেখা দিছে তেন্তে বিশেষজ্ঞৰ পৰামৰ্শ গ্ৰহণ কৰা দৰকাৰ।
অন্য খবৰ পঢ়কঃ সকলো সময়তে হাত-ভৰি ঠাণ্ডা হৈ থাকে নেকি? ই কি ৰোগৰ লক্ষণ, জানক বিশেষজ্ঞৰ পৰা…