যকৃত সংক্ৰমণ কাৰণ কি? ইয়াৰ লক্ষণ আৰু পৰিত্ৰাণৰ উপায় জানেনে? জানক চিকিৎসকৰ পৰা…

যকৃত

যকৃত আমাৰ শৰীৰৰ এক গুৰুত্বপূৰ্ণ অংগ। ই তেজ পৰিষ্কাৰ কৰি পাচনত সহায় কৰে, লগতে পুষ্টিকৰ উপাদান জমা কৰি শৰীৰৰ পৰা বিষাক্ত পদাৰ্থ আঁতৰাই পেলায়। কিন্তু যেতিয়া যকৃতত সংক্ৰমণ হয় তেতিয়া ইয়াৰ কাম-কাজ প্ৰভাৱিত হয়। এনে অৱস্থাত শৰীৰ বিভিন্ন স্থানজনিত সমস্যাৰ সন্মুখীন হ’ব পাৰে। লিভাৰৰ সংক্ৰমণ কিয় হয়, ইয়াৰ লক্ষণ কি আৰু ইয়াৰ পৰা কেনেকৈ হাত সাৰিব পাৰি সেই বিষয়ে বিশেষজ্ঞই কি কয়, এই লেখাটোত উল্লেখ কৰা হ’ল।

দিল্লীৰ সফদাৰজং হাস্পতালৰ কমিউনিটি মেডিচিন বিভাগৰ এইচ অ’ ডি অধ্যাপক ডাঃ যুগল কিশোৰে কয় যে, যকৃতৰ সংক্ৰমণক চিকিৎসা ভাষাত হেপাটাইটিছ বুলি কোৱা হয়। এই অৱস্থাত যকৃত ফুলি উঠাৰ দৰে হয়। ভাইৰাছ, বেক্টেৰিয়া, ভেঁকুৰ বা পৰজীৱী কাৰণত এই সংক্ৰমণ হ’ব পাৰে। যকৃতত সংক্ৰমণ হ’লে ই নিজৰ কাম সঠিকভাবে কৰিব নোৱাৰে। যদি সময়মতে চিকিৎসা কৰা নহয়, তেন্তে সমস্যা গুৰুতৰ হ’ব পাৰে।

• ভাইৰাছৰ সংক্ৰমণ: যকৃতৰ সংক্ৰমণৰ আটাইতকৈ ডাঙৰ কাৰণ হৈছে ভাইৰেল হেপাটাইটিছ। ইয়াৰ প্ৰধান প্ৰকাৰ হ’ল – হেপাটাইটিছ এ, বি, চি, ডি আৰু ই।এই ভাইৰাছবোৰ দূষিত খাদ্য, সংক্ৰমিত তেজ, যৌন সংস্পৰ্শ বা সংক্ৰমিত বেজীৰ জৰিয়তে বিয়পিব পাৰে।
• দূষিত পানী আৰু খাদ্য: দূষিত পানী আৰু খাদ্য গ্ৰহণ কৰাৰ ফলতো যকৃতৰ সংক্ৰমণ হ’ব পাৰে। ইয়াৰ ফলত হেপাটাইটিছ এ আৰু ইৰ সংক্ৰমণ বিয়পে।
• মদ আৰু ধূমপান: মদ্যপান আৰু অধিক পৰিমাণে ধূমপান কৰিলে যকৃতৰ কোষৰ ক্ষতি হয়, যাৰ ফলত যকৃত দুৰ্বল হৈ পৰে আৰু সংক্ৰমণৰ সম্ভাৱনা বৃদ্ধি পায়।
• ঔষধৰ পাৰ্শ্বক্ৰিয়া: চিকিৎসকৰ পৰামৰ্শ গ্ৰহণ নকৰাকৈ দীৰ্ঘদিন ধৰি ঔষধ সেৱন কৰিলে যকৃতৰ সংক্ৰমণ বৃদ্ধি হ’ব পাৰে।
• ৰোগ প্ৰতিৰোধ ক্ষমতা দুৰ্বল: ৰোগ প্ৰতিৰোধ ক্ষমতা কম থকা লোকসকলো সোনকালে যকৃতৰ সংক্ৰমণৰ বলি হ’ব পাৰে।

লক্ষণ

যকৃতৰ সংক্ৰমণৰ লক্ষণসমূহ প্ৰাৰম্ভিক পৰ্যায়ত মৃদু হ’ব পাৰে, কিন্তু ৰোগ বৃদ্ধিৰ লগে লগে ৰোগীৰ অৱস্থা গুৰুতৰ হ’ব পাৰে। এনে পৰিস্থিতিত প্ৰাৰম্ভিক লক্ষণসমূহ জনা দৰকাৰ। এনে কেইটামান লক্ষণ তলত উল্লেখ কৰা হ’ল-

• ভোক কমি যোৱা
•  ভাগৰুৱা
•  বমি
• পেটৰ সোঁফালৰ বিষ বা গধুৰতা
• চকু আৰু ছাল হালধীয়া হোৱা (জণ্ডিচ)
• গাঢ় ৰঙৰ প্ৰস্ৰাৱ আৰু পাতল ৰঙৰ শৌচ
• জ্বৰ
• গাঁঠিৰ বিষ

পৰিত্ৰাণৰ উপায়

• পৰিষ্কাৰ-পৰিচ্ছন্নতা
• পৰিষ্কাৰ পানী খাব লাগে
• নিৰাপদ যৌন সম্পৰ্ক বজাই ৰাখক
• টিকাকৰণ কৰক
• মদ আৰু ধূমপানৰ পৰা আঁতৰি থাকক
• ঔষধ সাৱধানে সেৱন কৰক
• নিয়মীয়াকৈ পৰীক্ষা কৰক

অন্য খবৰ পঢ়কঃ বৃক্ক বিকল হ’লে চকুত কি কি লক্ষণে দেখা দিয়ে, জানক চিকিৎসকৰ পৰা…