ক’ভিডৰ JN.1 ভেৰিয়েন্ট নতুন আৰু বিপজ্জনক নেকি? বিশেষজ্ঞই কি কয় জানক…

ক'ভিড

২০২০ চনত সমগ্ৰ বিশ্বতে কৰ’না ভাইৰাছ বিয়পি পৰিছিল আৰু সকলোতে বিধ্বংসী ৰূপ ধাৰণ কৰিছিল। সেই সময় হয়তো কোনেও পাহৰিব নোৱাৰে। ক’ৰোনা ভাইৰাছৰ সংক্রমণ ধৰা পৰা পাঁচ বছৰ হ’ল যদিও এতিয়াও শেষ হোৱা নাই৷ এতিয়া পুনৰ  ছিংগাপুৰৰ পৰা ভাৰতলৈ বৃদ্ধি পাইছে ক’ভিড আক্ৰান্তৰ ৰোগী । ভাৰতৰ বহু ৰাজ্যতো দেখা গৈছে এই ভাইৰাছৰ সংক্ৰমণ। JN.1 ভাইৰাছক ৰোগী বৃদ্ধিৰ কাৰণ হিচাপে ব্যাখ্যা কৰা হৈছে। । কোৱা হৈছে যে এইটো Covid ৰ নতুন ভেৰিয়েন্ট, কিন্তু সঁচাকৈয়ে ই নতুন ভেৰিয়েন্ট নেকি আৰু ইয়াক লৈ ভয় কৰাৰ প্ৰয়োজন আছেনে? এই বিষয়ে বিশেষজ্ঞসকলৰ পৰা জানো আহক।

দিল্লী এইমছৰ সামূহিক চিকিৎসা বিভাগৰ অধ্যাপক ডাঃ সঞ্জয় ৰায়ৰ মতে, JN.1 ভেৰিয়েণ্টত সংক্রমণৰ তথ্য পোহৰলৈ আহিছে। এই ভাইৰাছক লৈ বহু চৰ্চা চলিছে যদিও এইটো Covid ৰ নতুন ভেৰিয়েন্ট নহয়। এইটো প্ৰায় ডেৰ বছৰ পুৰণি ভেৰিয়েন্ট যিটো অমাইক্ৰনৰ এটা চাব ভেৰিয়েন্ট। এই বিষয়ে আতংকিত হোৱাৰ প্ৰয়োজন নাই যদিও হয়, মানুহে সাৱধানতা অৱলম্বন কৰাটো প্ৰয়োজনীয়। বিশেষকৈ যিসকল লোকৰ ৰোগ প্ৰতিৰোধ ক্ষমতা দুৰ্বল, তেওঁলোকে বিশেষ সাৱধানতা অৱলম্বন কৰা উচিত। কাৰণ এইসকল লোক কৰ’না ভাইৰাছৰ আশংকাত ভুগিব পাৰে।

JN.1 ভেৰিয়েণ্টৰ লক্ষণ বেলেগ বেলেগ নেকি?

ডাঃ সঞ্জয় ৰায়ে বুজাইছে যে JN.1 ভেৰিয়েন্টৰ সকলো লক্ষণ আগৰ দৰেই, কাহ, চৰ্দি, মূৰৰ বিষ আৰু মৃদু জ্বৰ আদি। এই ক্ষেতেৰত ৰোগীসকলৰ শ্বাস-প্ৰশ্বাসজনিত সমস্যা নাই। ডাঃ ৰায়ে কৈছে যে Corona এনে এটা ভাইৰাছ আৰু ভাইৰাছ কেতিয়াও সম্পূৰ্ণৰূপে নাইকিয়া হয়। আমাৰ আশে-পাশে থাকে। ভাইৰাছটোৱে নিজকে জীয়াই ৰাখিবলৈ পৰিৱৰ্তন কৰি থাকে। এই ক্ৰমত নতুন নতুন ভিন্নতাও আহি থাকে, কিন্তু JN.1 নতুন নহয়। ই এটা পুৰণি ৰোগ আৰু ইয়াৰ লক্ষণসমূহো মৃদু। Covid আক্ৰান্তৰ সংখ্যা বৃদ্ধি পালেও লক্ষণৰ বিশেষ পাৰ্থক্য দেখা পোৱা নাই।

নতুন ঢৌ অহাৰ সম্ভাৱনা আছেনে?

ডাঃ ৰায়ে কয় যে এতিয়া আগৰ দৰে Covid ৰ পৰা কোনো গুৰুতৰ বিপদ নাই। কিছুমান ৰোগী আহি থাকিব, কিন্তু Covidৰ পৰা কোনো ডাঙৰ ভাবুকি নাই। অৱশ্যে জনবহুল অঞ্চলসমূহত মানুহে সাৱধান হ’ব লাগিব আৰু নিজৰ বিশেষ যত্ন ল’ব লাগিব।