প্ৰদূষণৰ ফলত চুলি সৰিছে নেকি? এইদৰে যত্ন লওক, ঘূৰাই পাব হেৰুওৱা জিলিকনি…

How To Protect Your Hair From Pollution

প্ৰতিদিনে বৃদ্ধি পোৱা প্ৰদূষণৰ মাত্ৰাই আমাৰ বাহ্যিক আৰু আভ্যন্তৰীণ দুয়োটা স্বাস্থ্যৰ গুৰুতৰ ক্ষতি কৰিছে। আমিও বাহিৰৰ পৰা ঘৰলৈ উভতি আহি হাত, ভৰি, মুখ পানীৰে ধুই লওঁ। কিন্তু ঘৰলৈ উভতি অহাৰ পিছত আমাৰ চুলিখিনি পানীৰে ধুব পৰাটো সদায় সম্ভৱ নহয়। গাড়ীৰ ধোঁৱা, ধূলি আৰু অন্যান্য প্ৰদূষণৰ বাবে প্ৰতিদিনে চুলিৰ ক্ষতি হয়। প্ৰদূষণ আৰু ধূলিৰ মাত্ৰা বৃদ্ধিৰ বাবে কেৱল মূৰৰ ছালৰ ক্ষতি হোৱাই নহয়, ছালৰ ভিতৰত বিষাক্ত উপাদানৰ মাত্ৰাও বৃদ্ধি পাইছে। সেয়ে প্ৰদাহৰ মাত্ৰা বাঢ়ি যায় আৰু চুলি সৰিবলৈ আৰম্ভ কৰে।

বিশেষকৈ প্ৰদূষিত বায়ুৰ বাবে উফিৰ সমস্যা আমাৰ দৈনন্দিন সংগী হৈ পৰিছে। সেয়েহে এই পৰিস্থিতিত চুলিক প্ৰদূষণৰ পৰা ৰক্ষা কৰাৰ লগতে চুলিৰ বিশেষ যত্ন ল’বলৈ বিশেষজ্ঞসকলে পৰামৰ্শ দিয়ে। যিহেতু সকলো সময়তে চুলি ধোৱা সম্ভৱ নহয়, গতিকে দিনটোৰ যিকোনো সময়তে বা গোটেই দিনটো চুলি সুৰক্ষিত কৰাৰ বাবে কিছুমান টিপছ আগবঢ়োৱা হ’ল-

• প্ৰটিনেৰে ফটা চুলি মেৰামতি কৰক। চুলিত ব্লিচিং বা ৰং কৰিলে সঘনাই চুলিৰ বাহিৰৰ তৰপটোৰ ক্ষতি হয়। ইয়াৰ ফলত চুলি ফাটি যায়। এই ক্ষেত্ৰত প্ৰটিনযুক্ত কণ্ডিচনাৰ বাছি ল’ব লাগে।
• চুলি ফনিওৱাটো ভাল। কিন্তু আপুনি সঘনাই ফনিওৱাব নোৱাৰে। এবাৰ বা দুবাৰ ফনিওৱাক। কিন্তু তিতা চুলি কেতিয়াও ফনিওৱাব নালাগে। ইয়াৰ বাবে ব্ৰাছ নহয়, ভাল মানৰ ফনি ব্যৱহাৰ কৰক।
• চুলি ব্ল’ ড্ৰাই কৰাটো এৰক। অত্যধিক গৰমৰ বাবে ব্ল’ ড্ৰায়ে আপোনাৰ চুলিৰ ক্ষতি কৰিব পাৰে। যদি আপুনি ব্ল’-ড্ৰাই কৰিবলগীয়া হয় তেন্তে হেয়াৰ ড্ৰাইয়াৰৰ উষ্ণতা নূন্যতম কৰি ৰাখক।
• চুইমিং পুলত সাঁতুৰিলে টুপী পিন্ধিব লাগে। ওলাই অহাৰ পিছত সাধাৰণ পানীৰে চুলিখিনি তিয়াই লওক। এনে কৰিলে পুলত থকা ক্ল’ৰিনেটেড পানীয়ে আপোনাৰ চুলি শোষণ কৰিব নোৱাৰে।
• কেতিয়াও চুলিবোৰ বেছি টানকৈ বান্ধিব নালাগে। ইয়াৰ ফলত গুৰিৰ ক্ষতি হ’ব পাৰে। নিশা চুলি ঢিলাকৈ বান্ধি শুব পাৰে।
• হঠাতে চুলি সৰাটো শাৰীৰিক সমস্যাৰ লক্ষণ। কোনো ৰোগ বা ঔষধৰ পাৰ্শ্বক্ৰিয়া হ’ব পাৰে।

প্ৰদূষণৰ বাবে  বহুতে চুলি পাতল হৈ জিলিকনি নোহোৱা হৈ যোৱা বুলি অভিযোগ কৰে। কণ্ডিচনাৰে কেৱল চুলি কোমল কৰে। ইয়াতকৈ বেছি একো নাই। এনে ক্ষেত্ৰত ছিলিকন থকা কিছুমান সামগ্ৰী ব্যৱহাৰ কৰক। সেই সামগ্ৰীবোৰত ডাইমেথিকন বা চাইক্ল’মেথিকনৰ আৱৰণে চুলিখিনি চিকচিকিয়া কৰি তুলিব।

লগতে পঢ়ক: কিয় হয় মৃগীৰোগ? শিশুৰ ক্ষেত্ৰত ইয়াৰ আশংকা কিমান? কাৰণ, প্ৰতিকাৰৰ উপায় জানক…