পুৱা কিমান গিলাচ পানী খাব লাগে? জানক বিশেষজ্ঞৰ পৰা…

পানী

পুৱা উঠি পানী খোৱা এটা ভাল অভ্যাস। স্বাস্থ্য বিশেষজ্ঞৰ মতে দিনটোৰ আৰম্ভণি পানীৰে কৰিব লাগে। টোপনিৰ পৰা সাৰ পোৱাৰ লগে লগে পানী খালে বিষাক্ত পদাৰ্থ বাহিৰ হয় আৰু হজম প্ৰক্ৰিয়া ভাল হয়। যি পেট, ছাল আৰু মগজুৰ বাবে উপকাৰী।পিছে প্ৰশ্ন হয়, পুৱা উঠি কিমান গিলাচ পানী খাব লাগে? কুহুমীয়া নে ঠাণ্ডা পানী খোৱা ভাল?

কিমান গিলাচ খাব?

এই সন্দৰ্ভত সবিশেষ জনাইছে ডাঃ শিখা শৰ্মাই। পানী সন্দৰ্ভত বিশেষজ্ঞৰ এই কথা জানিলে আপোনাৰ স্বাস্থ্যৰ বাবে ভাল। ডাঃ শৰ্মাৰ মতে, পুৱা ৪-৫ গিলাচ পানী খোৱাটো ভাল। আমাৰ শৰীৰক দিনটোৰ ভিতৰত প্ৰায় ২ লিটাৰ পানীৰ প্ৰয়োজন হয়। গতিকে পুৱা সাধাৰণ পানী খাব লাগে, তাৰ পাছত ডিটক্স পানী খোৱা ভাল। ইয়াৰ বাবে পুৱা প্ৰথমে ২ গিলাচ সাধাৰণ পানী খাব আৰু পাছত ৩ গিলাচ ডিটক্স পানী খাব।

ডিটক্স পানী মানে, এই পানীত আপুনি নেমু, মৌ, দালচেনি, আজৱাইন, চিয়া চিডছ আদিৰে তৈয়াৰ কৰিব পাৰে। ইয়াৰ ফলত শৰীৰৰ পৰা বিষাক্ত পদাৰ্থ বাহিৰ হয় আৰু স্বাস্থ্যৰ উপকাৰিতা লাভ কৰা যায়।

সাৰ পোৱাৰ লগে লগে

ডাঃ শিখা শৰ্মাৰ মতে, পুৱা সাৰ পোৱাৰ লগে লগে খালী পেটত পানী খোৱা ভাল। ই স্বাস্থ্যৰ বাবে অতি ফলপ্ৰসূ। এই অভ্যাসে শৰীৰৰ স্বাভাৱিক পৰিষ্কাৰকৰণত সহায় কৰে আৰু ইয়াৰ লগতে দিনটো শক্তি বজাই ৰখাত সহায় কৰে। যেতিয়া আমি শু তেতিয়া আমাৰ শৰীৰ ডিহাইড্ৰেট হৈ যায়। এনে অৱস্থাত বিষাক্ত পদাৰ্থ বাহিৰ হ’বলৈ শৰীৰক পানীৰ প্ৰয়োজন হয়। এনে পৰিস্থিতিত পুৱা প্ৰথমে পানী খালে যকৃত আৰু বৃক্কৰ দৰে অংগ সক্ৰিয় হয় আৰু বিপাকীয় ক্ৰিয়া ক্ষিপ্ৰ হয়। লগতে ই হজম শক্তি কোষ্ঠকাঠিন্যৰ সমস্যা দূৰ কৰাৰ লগতে ছাল ধুনীয়া কৰি ৰাখে।

কি পানী খাব

ডাঃ শিখা শৰ্মাৰ মতে, বিভিন্ন সমস্যাৰ বাবে বিভিন্ন পানী ব্যৱহাৰ কৰা হয়। যেনে ওজন কমাবলৈ ৰি নেমু আৰু মৌ ব্যৱহাৰ কৰা হয় , পেটৰ সমস্যা থকাসকলে ত্ৰিফলৰ সৈতে পানী খাব পাৰে। ইয়াৰ ফলত পেট পৰিষ্কাৰ হয় আৰু কোষ্ঠকাঠিন্যৰ দৰে সমস্যাৰ পৰা সকাহ পোৱা যায়। ডায়েবেটিছ ৰোগীয়ে পুৱা মেথি পানী খাব লাগে। কলেষ্টেৰলৰ বাবে তেজপাতৰ পানী খোৱা ভাল।

অন্য খবৰ পঢ়কঃ মানুহৰ ডিপ্ৰেছন কিয় হয়? ইয়াৰ লক্ষণ কি, জানক বিশেষজ্ঞৰ পৰা…