নকৰিব আওকান! চুলি সৰাৰ সমস্যা হ’ব পাৰে এই ৪ টা ৰোগৰ সংকেত…
আজিকালি বহু মানুহে চুলি সৰাৰ সমস্যাত ভোগা দেখা যায়। সকলো সময়তে এই সমস্যা সাধাৰণ নহ'ব পাৰে। কেতিয়াবা ই আমাৰ শৰীৰৰ সমস্যাৰ সংকেত হ'ব পাৰে।
চুলি সৰাৰ সমস্যা
চুলি সৰা সাধাৰণ কথা। আজিকালি প্ৰায়ভাগ মানুহে চুলি সৰাৰ সমস্যাত ভোগা দেখা যায়। জীৱন শৈলী, মানসিক চাপ, খাদ্য, যত্নৰ অভাৱ বা বিভিন্ন কাৰণত এনে সমস্যা হ’ব পাৰে। ইয়াৰ বাবে মানুহে বিভিন্ন ধৰণৰ সামগ্ৰী ব্যৱহাৰ কৰে। কিন্তু তাৰ পাছতো এই সমস্যা ঠিক নহয়। যদি আপোনাৰ দীৰ্ঘদিন ধৰি চুলি সৰাৰ সমস্যা হৈ আছে তেন্তে ই আপোনাৰ স্বাস্থ্যজনিত সমস্যাৰ সংকেত হ’ব পাৰে। চুলি সৰা আপোনাৰ শৰীৰৰ ভিতৰৰ কোনো সমস্যাৰ কাৰণ হ’ব পাৰে।
এই সন্দৰ্ভত স্বাস্থ্য বিশেষজ্ঞই কয় যে, চুলিৰ স্বাস্থ্যৰ বাবে পুষ্টিকৰ উপাদান, হৰম’ন আৰু অক্সিজেনৰ যোগানৰ প্ৰয়োজন। যেতিয়া শৰীৰে শাৰীৰিক আৰু মানসিক সমস্যাৰ সন্মুখীন হয় তেতিয়া চুলিৰ গুৰিবোৰ ক্ষতিগ্ৰস্ত হ’বলৈ আৰম্ভ কৰে। চুলি সৰা ডায়েবেটিছ, হৰম’নৰ সমস্যা, মানসিক চাপ, হতাশা, পুষ্টিৰ অভাৱ, ভিটামিনৰ অভাৱ, থাইৰয়ডৰ সমস্যা আদি বিভিন্ন কাৰণত হ’ব পাৰে। গতিকে দীৰ্ঘদিন এই সমস্যা হৈ থাকিলে ইয়াক সহজভাৱে ল’ব নালাগে।
সঘনাই চুলি সৰাৰ সমস্যাই ৪ টা ৰোগৰ সংকেত দিব পাৰে
আইৰণৰ অভাৱঃ আইৰণৰ অভাৱ বা ৰক্তহীনতাৰ ফলত বিশেষকৈ মহিলাসকলৰ চুলি সৰে। আইৰণ সংগ্ৰহ কৰা প্ৰটিন, ফেৰিটিনৰ অভাৱৰ ফলত এনে হ’ব পাৰে। ফেৰিটিনৰ মাত্ৰা কম হোৱাটো অধিক গুৰুতৰ টেল’জেন এফ্লুভিয়ামৰ সৈতে সম্পৰ্কিত, বিশেষকৈ ঋতুস্ৰাৱ হোৱা মহিলা আৰু মাদক দ্ৰব্য গ্ৰহণ কৰা মহিলাৰ ক্ষেত্ৰত এনে হয়।
থাইৰয়ডঃ থাইৰয়ডৰ হৰম’নে শৰীৰৰ কোষৰ বৃদ্ধি, পাৰ্থক্য, বিপাকীয় ক্ৰিয়া আদি নিয়ন্ত্ৰণ কৰে। যাৰ বাবে ইয়াৰ সংযোগ চুলিৰ সৈতে আছে। হাইপাৰথাইৰয়ডিজম হোৱা প্ৰায় ৫০% আৰু হাইপোথাইৰয়ডিজম হোৱা ৩৩% লোকৰ ক্ষেত্ৰত এলোপেচিয়া এটা লক্ষণ। যাৰ ফলত মূৰৰ চাল পাতল হয় আৰু চুলি সৰিবলৈ আৰম্ভ কৰে।
অটোইম্যুন ৰোগ: অটোইম্যুন ৰোগৰ ফলতো চুলি সৰিব পাৰে।
হৃদযন্ত্ৰৰ সমস্যা: হৃদযন্ত্ৰৰ সমস্যাৰ ফলত চুলি সৰাৰ সমস্যা হ’ব পাৰে। ২০২৫ চনত জাৰ্নেল অৱ মেডিকেল চাইন্সেছ এণ্ড হেল্থত প্ৰকাশিত এক অধ্যয়নত মতে, পুৰুষৰ ক্ষেত্ৰত আগতীয়াকৈ আৰম্ভ হোৱা এণ্ড্ৰজেনেটিক এলোপেচিয়া, মেটাবলিক চিনড্ৰম, এথেৰ’মেটাছ প্লেক, উচ্চ ৰক্তচাপ, মেদবহুলতা আৰু হাইপাৰলিপিডেমিয়াৰ আদিৰ ফলত হৃদযন্ত্ৰৰ সমস্যা হ’ব পাৰে।
যদি আপোনাপ শৰীৰত দীৰ্ঘদিন ধৰি এনে সমস্যা হৈ থাকে তেন্তে এই ক্ষেত্ৰত চিকিৎসকৰ পৰামৰ্শ গ্ৰহণ কৰিব লাগে। কাৰণ সকলো সময়তে চুলি সৰা সাধাৰণ নহ’ব পাৰে।
অন্য খবৰ পঢ়কঃ বাথৰুমলৈ মোবাইল লৈ যোৱাৰ অভ্যাস আছে নেকি? সাৱধান, হ’ব পাৰে এই ডাঙৰ সমস্যা…