চাউলৰ পৰা পোক আঁতৰ কৰাৰ ৫টা সহজ আৰু ঘৰুৱা উপায়, জানক…

চাউল

বিভিন্ন সময়ত চাউলত পোক-পৰুৱা ধৰা দেখা যায়। সাধাৰণতে চাউল বহু দিনলৈ জমা কৰি ৰখা হয়। এনে অৱস্থাত পৰিৱৰ্তিত বতৰত চাউলত পোকে ধৰে। ই চাউলৰ গুণগত মান হ্ৰাস কৰাৰ লগতে ইয়াৰ সোৱাদ কম হৈ যায়। ইয়াৰোপৰি চাউলৰ পৰা পোকবোৰ বিচাৰি বিচাৰি উলিয়াবলগীয়া হয়। কিন্তু কিছুমান ঘৰুৱা উপায়ৰ দ্বাৰা এই সমস্যাৰ পৰা পৰিত্ৰাণ পাব পাৰে।

চাউলৰ পৰা পোক আঁতৰ কৰাৰ উপায়

ৰ’দত ৰাখিবঃ একেবাৰে সহজ পদ্ধতি হ’ল চাউলখিনি ৰ’দত ৰাখিব। ৰ’দৰ ৰশ্মিয়ে পোকবোৰ আঁতৰি যোৱাত সহায় কৰে। এটা ডাঙৰ পাত্ৰত চাউলখিনি থৈ সেয়া ৰ’দত ২-৩ ঘন্টা ৰাখিব পাৰে। ইয়াৰ উত্তাপৰ ফলত পোকবোৰ আঁতৰি যাব।

নিম পাতঃ নিম পাতে পোক আঁতৰ কৰাত সহায় কৰে। নিমৰ প্ৰাকৃতিক বীজাণুনাশক গুণ আছে, যিয়ে পোকবোৰ আঁতৰাই পঠিয়ায়। ইয়াৰ গোন্ধ পোকবোৰে সহ্য কৰিব নোৱাৰে। এনে অৱস্থাত কেইটামান নিমপাত চাউল থোৱা পাত্ৰত থৈ দিব পাৰে।এনে কৰিলে পোকবোৰ আঁতৰি যাব।

তেজপাতঃ তেজপাতৰ গোন্ধ পোকে সহ্য কৰিব নোৱাৰে। গতিকে ২-৩ টা তেজপাত আপুনি চাউলৰ পাত্ৰত থৈ দিব পাৰে। ইয়াৰ ফলত চাউলৰ পৰা পোক আঁতৰিব। আটা, দাইল আদিতো ৰাখিব পাৰে।

নিমখঃ পোক-পৰুৱা আঁতৰ কৰিবলৈ নিমখেও সহায় কৰে। চাউলৰ পাত্ৰটোৰ তলত বা ওপৰত কেইটামান নিমখৰ টুকুৰা ৰাখিব। ইয়াৰ ফলত আৰ্দ্ৰতা কমি যায় আৰু পোক-পৰুৱাৰ আক্ৰমণৰ পৰা ৰক্ষা পৰে।

ভিনেগাৰঃ ভিনেগাৰৰ লগত হিং মিহলাই ইয়াক ব্যৱহাৰ কৰিব পাৰে। ইয়াৰ বাবে চাউল এটা পাত্ৰত উলিয়াই লওক। পাছত এটা সৰু বাটিত হিং আৰু ভিনেগাৰ মিহলাই চাউলৰ পাত্ৰটোৰ মাজত ৰাখক। ইয়াৰ গোন্ধ পালে পোকবোৰ আঁতৰি যায়।

অন্য খবৰ পঢ়কঃ পোক-পৰুৱাই সমস্যা দিছে নেকি? এই ঘৰুৱা উপায়ৰ দ্বাৰা লাভ কৰক সমাধান…