আপোনাৰ বৃক্ক সুস্থ আছে নে? এই সহজ উপায়েৰে কৰক পৰীক্ষা!

ডায়েবেটিছ, উচ্চ ৰক্তচাপ, অস্বাস্থ্যকৰ জীৱনশৈলী আৰু জিনীয় সমস্যাৰ বাবে বৃক্ক বিকল হোৱাৰ সম্ভাৱনাও বাঢ়িছে। যেতিয়া বৃক্ক সঠিকভাৱে কাম নকৰে তেতিয়া শৰীৰত অহৰহ ভাগৰুৱা, ফুলা, প্ৰস্ৰাৱত তেজ আৰু ৰাতি সঘনাই প্ৰস্ৰাৱ কৰা আদি গুৰুতৰ লক্ষণ দেখা দিবলৈ আৰম্ভ কৰে। বৃক্কৰ স্বাস্থ্যৰ বিষয়ে জানিবলৈ আটাইতকৈ সাধাৰণ আৰু গুৰুত্বপূৰ্ণ পৰীক্ষাটো হ’ল কিডনী ফাংচন টেষ্ট (KFT)। এই পৰীক্ষাত তেজ আৰু প্ৰস্ৰাৱৰ নমুনা লোৱা হয়, ইয়াৰ কেইবাটাও পৰিমাপত পৰীক্ষা কৰা হয়। এই পেৰামিটাৰবোৰৰ বিষয়ে জানক।

ব্লাড ইউৰিয়া নাইট্ৰজেন (BUN) পৰীক্ষা

এই পৰীক্ষাত দেখা যায় যে তেজত ইউৰিয়াৰ পৰিমাণ কিমান হ’ব লাগে। বৃক্কৰ মাজেৰে ইউৰিয়া ফিল্টাৰ কৰা হয়। ইউৰিয়াৰ পৰিমাণ বেছি হ’লে ই বৃক্ক বিকল হোৱাৰ লক্ষণ হ’ব পাৰে। ইয়াৰ স্বাভাৱিক সীমা হ’ব লাগে: 720 mg/dL।

প্ৰস্ৰাৱৰ নিয়মীয়া পৰীক্ষা (Urine Routine Test)

প্ৰস্ৰাৱত প্ৰটিন, তেজ, চেনি বা অন্যান্য বিসংগতি দেখা যায়। প্ৰস্ৰাৱত প্ৰটিন (Proteinuria) থকাটো বৃক্ক বিকল হোৱাৰ লক্ষণ হ’ব পাৰে। এই পৰীক্ষাত প্ৰস্ৰাৱত এলবুমিন নামৰ প্ৰ’টিনৰ পৰিমাণ জুখিব পাৰি। 30 mg/g তকৈ বেছি হ’লে ই বৃক্কৰ আগতীয়াকৈ ক্ষতি হোৱাৰ লক্ষণ হ’ব পাৰে।

ছিৰাম ক্ৰিয়েটিনিন পৰীক্ষা (Serum Creatinine Test)

এই পৰীক্ষাত তেজত ক্ৰিয়েটিনিনৰ পৰিমাণ ধৰা পৰে। ক্ৰিয়েটিনিন হৈছে পেশীৰ পৰা ওলাই আহি বৃক্কৰ জৰিয়তে নিৰ্গত হোৱা পেলনীয়া পদাৰ্থ। যদি ইয়াৰ মাত্ৰা বেছি হয় তেন্তে ই বৃক্কৰ দুৰ্বলতাৰ লক্ষণ হ’ব পাৰে। তেজত ক্ৰিয়েটিনিনৰ পৰিমাণ পুৰুষৰ বাবে 0.61.2 mg/dL (Milligrams per Deciliter) আৰু মহিলাৰ বাবে 0.51.1 mg/dL ৰ বুলি ধৰা হয়।

KFT পৰীক্ষা

বিভিন্ন চহৰ, লেবত সুবিধা অনুসৰি KFT পৰীক্ষা Kidney Function Test) ৰ খৰচ ভিন্ন হ’ব পাৰে। কিন্তু সাধাৰণতে ৩৫০ টকাৰ পৰা ১২০০ টকাৰ ভিতৰত থাকে। চৰকাৰী চিকিৎসালয়ত কম খৰচত বা বিনামূলীয়াকৈ এই পৰীক্ষা কৰিব পাৰি। যদি আপুনি ইতিমধ্যে ডায়েবেটিছ, হাইপাৰটেনচিভ বা পাৰিবাৰিক ইতিহাসত বৃক্কৰ ৰোগ আছে তেন্তে প্ৰতি ৬ মাহৰ মূৰে মূৰে কে এফ টি পৰীক্ষা কৰাটো উপকাৰী।