দুই সন্তানৰ মাতৃ, Oyoৰ কোঠাত বান্ধৱীৰ সৈতে দেখিলে প্ৰেমিকক, তাৰ পিছতে ভয়ংকৰ ঘটনা…

Oyoৰ কোঠাত বান্ধৱীৰ সৈতে অবৈধ প্ৰেমিক

প্ৰেম, প্ৰতাৰণা আৰু তাৰ পিছত সংঘটিত এক ভয়ংকৰ ঘটনাই জোকাৰি গৈছে কৰ্ণাটকৰ বেংগালুৰু।  প্ৰেমত প্ৰতাৰিত হৈ চৰম সিদ্ধান্ত এগৰাকী মহিলাৰ। মৃত মহিলাগৰাকীৰ এজন লোকৰ সৈতে অবৈধ সম্পৰ্ক আছিল। তেওঁ বান্ধৱীক প্ৰেমিকৰ লগত চিনাকি কৰাই দিছিল আৰু পৰৱৰ্তী সময়ত তেওঁলোকৰ মাজত প্ৰেমৰ সম্পৰ্ক আৰম্ভ হৈছিল। ইফালে মহিলাগৰাকীয়ে তেওঁৰ বান্ধৱী আৰু প্ৰেমিকক Oyo ’ৰ এখন হোটেলত থকাৰ তথ্য লাভ কৰে। মহিলাগৰাকীয়ে হোটেলখনলৈ গৈ দুয়োজনকে একেলগে প্ৰত্যক্ষ কৰে। তাৰ পিছত সেইখন হোটেলতে চীপ লৈ নিজকে শেষ কৰে।

বেংগালুৰুৰ বাসৱেশ্বৰ নগৰ অঞ্চলৰ অয়’ চেম্পিয়ন কম্ফৰ্ট লজত সংঘটিত হৈছে এই ঘটনা। ইয়াত এগৰাকী মহিলাই নিজৰ প্ৰেমিকক বান্ধৱীৰ সৈতে হাত লোটে ধৰা পেলায়। কাজিয়াৰ অন্তত মহিলাগৰাকীয়ে একেখন হোটেলতে কোঠা বুকিং কৰি ফেনত চীপ লগাই আত্মহত্যা কৰে। ইতিমধ্যে মৃত মহিলাগৰাকীক যশোদা (৩৮) বুলি চিনাক্ত কৰা হৈছে। তেওঁ ইতিমধ্যে বিবাহিত আৰু দুটা সন্তান আছিল।

সাত বছৰীয়া প্ৰেমৰ সম্পৰ্ক

দুটা সন্তান থকাৰ পিছতো যশোদাৰ বিশ্বনাথ নামৰ এজন অডিটৰৰ সৈতে অবৈধ সম্পৰ্ক আছিল। যশোদা আৰু বিশ্বনাথৰ ঘৰ ওচৰতে আছিল। গতিকে প্ৰথম দৃষ্টিতেই তেওঁলোকৰ সম্পৰ্ক গভীৰ ৰূপ লৈছিল । ৭ বছৰ ধৰি দুয়োজনে প্ৰেমত আছিল যদিও শেহতীয়াকৈ যশোদাই বান্ধৱীক নিজৰ প্ৰেমিক বিশ্বনাথৰ লগত চিনাকি কৰাই দিছিল। সাত বছৰ ধৰি যশোদাৰ সৈতে সম্পৰ্কত থকা  ব্যক্তিজনে যশোদাই বান্ধৱীৰ সৈতে গোপনে সাক্ষাৎ কৰিবলৈ আৰম্ভ কৰিছিল।

ইফালে যশোদাৰ ক্ৰমান্বয়ে দুয়োজনৰে ওপৰত সন্দেহ উপজিল। এদিন তেওঁ গম পালে যে বিশ্বনাথ আৰু তেওঁৰ প্ৰেমিক আৰু বান্ধৱীৰ মাজত প্ৰেমৰ সম্পৰ্ক আছে। নিশা তেওঁলোকে বাসৱেশ্বৰ নগৰৰ কে এইচ বি কলনীৰ অয়’ চেম্পিয়ন কম্ফৰ্ট লজত আছিল। লজত উপস্থিত হোৱাৰ লগে লগে যশোদাই সিহঁতক একেলগে দেখা পালে।

তাৰ পিছত তিনিওজনৰ মাজত তৰ্ক-বিতৰ্কৰ সৃষ্টি হয়। ইয়াৰ পিছতে যশোদাই একেখন হোটেলতে প্ৰেমিকৰ কাষতে ৰুম বুকিং কৰি ফাঁচী দি আত্মহত্যা কৰে। ঘটনা সন্দৰ্ভত তথ্য লাভ কৰাৰ লগে লগে আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। লগতে এই ঘটনাৰ সবিশেষ তদন্ত আৰম্ভ কৰিছে।