পাকিস্তানক মোক্ষম আঘাত…পাঠানকোটত পাকিস্তানী জেট ধ্বংস কৰিলে ভাৰতে, সীমান্তত হাই এলাৰ্ট

প্ৰতীকী ছবি

ভাৰত আৰু পাকিস্তানৰ মাজত ক্ৰমবৰ্ধমান উত্তেজনাৰ মাজতে পাকিস্তানৰ জেট বিমানেৰে পাঠানকোট ছেক্টৰত আক্ৰমণৰ ব্যৰ্থ প্ৰচেষ্টা চলাইছিল পাকিস্তানী বায়ুসেনাই । পাকিস্তানে ড্ৰোন আৰু মিছাইলেৰে জম্মুতো আক্ৰমণ কৰিবলৈ চেষ্টা কৰিছিল । কিন্তু ভাৰতে নিজৰ সতৰ্কতা আৰু ফলপ্ৰসূ বায়ু প্ৰতিৰক্ষা ব্যৱস্থা ব্যৱহাৰ কৰি পাকিস্তানী জেট বিমানখন ধ্বংস কৰি পুনৰবাৰ নিজৰ বায়ু প্ৰতিৰক্ষাৰ প্ৰমাণ কৰিলে ।

সূত্ৰ অনুসৰি পাকিস্তানী জেট বিমানখনে পাকিস্তান বায়ুসেনাৰ মূল বিমান ঘাটি সৰগোথাৰ পৰা উৰা মাৰি ভাৰত সীমান্তৰ সমীপৰ পাঠানকোট ছেক্টৰত উপস্থিত হয় । ভাৰতীয় ছাৰ্ফেচ টু এয়াৰ মিছাইল চিষ্টেমে (SAM) এই জেটখন মাজ আকাশতে ধ্বংস কৰে । আন্তঃৰাষ্ট্ৰীয় সীমান্তৰ ওচৰত অৱস্থিত পাঠানকোট খণ্ড ভাৰতৰ বাবে কৌশলগতভাৱে গুৰুত্বপূৰ্ণ অঞ্চল আৰু জম্মুলৈ যোৱা এক গুৰুত্বপূৰ্ণ পথ ।

কু-অভিপ্ৰায় বিফল
এই ঘটনাৰ লগে লগে ভাৰতে পাকিস্তানৰ কু-অভিপ্ৰায় বিফল কৰি এক বৃহৎ সামৰিক আঘাত দিলে । পাঠানকোটৰ পিছত পাকিস্তানৰ ড্ৰোন আৰু মিছাইলসমূহো ভাৰতীয় বায়ু প্ৰতিৰক্ষা ব্যৱস্থাই ধ্বংস কৰি পাকিস্তানক দুগুণ আঘাত কৰে । পাঠানকোটত এই ঘটনাৰ পিছত সমগ্ৰ সীমান্ত অঞ্চলত সজাগতা বৃদ্ধি কৰা হৈছে । জম্মু, চাম্বা, আৰ এছ পুৰা, আখনূৰ আদি অঞ্চলত প্ৰচণ্ড গোলাবৰ্ষণ আৰু ক্ষেপণাস্ত্ৰ আক্ৰমণৰ চেষ্টা চলোৱা হৈছে। ইফালে চণ্ডীগড় আৰু ইয়াৰ আশে-পাশে থকা অঞ্চলত ব্লেকআউটৰ ব্যৱস্থা কৰি নাগৰিকসকলক ঘৰৰ ভিতৰতে থাকিবলৈ পৰামৰ্শ দিয়া হৈছে ।

পাকিস্তানক উপযুক্ত উত্তৰ দিলে ভাৰতে
কাশ্মীৰৰ কুপৱাৰা, চাম্বা, পাঠানকোট আদি অঞ্চলক লক্ষ্য কৰি পাকিস্তানে এই আক্ৰমণ সংঘটিত কৰিছিল যদিও ভাৰতৰ প্ৰতিৰক্ষা ব্যৱস্থাই এই আক্ৰমণ সম্পূৰ্ণৰূপে বিফল কৰি পেলালে ।

ভাৰতে পাকিস্তানৰ এই আক্ৰমণ বিফল কৰাই নহয়, বিমান নিৰাপত্তা আৰু অধিক শক্তিশালী কৰি তুলিলে । পাঠানকোটত পাকিস্তানী জেট বিমানখন ধ্বংস কৰি ভাৰতৰ সামৰিক শক্তি আৰু ইয়াৰ বায়ু প্ৰতিৰক্ষা ব্যৱস্থাৰ সঠিকতাৰ প্ৰমাণ দিয়ে । ভাৰতীয় বিষয়াসকলৰ মতে, এই কাৰ্যই এটা স্পষ্ট বাৰ্তা প্ৰেৰণ কৰিছে যে পাকিস্তানৰ যিকোনো আগ্ৰাসনৰ প্ৰতি ভাৰতে কঠোৰ প্ৰতিক্ৰিয়া প্ৰকাশ কৰিব ।