মহাকাশলৈ প্ৰেৰণ ISROৰ নতুন উপগ্ৰহ! দুৰ্যোগৰ পূৰ্বে দিব সতৰ্কবাণী
এটাৰ পিছত এটা কৈ মহাকাশত নতুন ইতিহাস সৃষ্টি কৰিছে ইছৰোৱে। দেশৰ প্ৰগতিৰ বাবে কাম কৰিছে। এইবাৰ দুৰ্যোগ সতৰ্কতা প্ৰদানৰ বাবে বিশেষ উপগ্ৰহ উৎক্ষেপণ কৰা হৈছে। এই উপগ্ৰহটো বিশেষভাৱে জুই আৰু আগ্নেয়গিৰিৰ বিষয়ে তথ্য সংগ্ৰহ কৰিবলৈ তৈয়াৰ কৰা হৈছে।
ইছৰোৱে আকৌ এবাৰ নতুন ইতিহাস সৃষ্টি বাবে সাজু হৈছে। আজিৰ তাৰিখটো ইছৰোৰ ইতিহাসতো লিপিবদ্ধ কৰা হ’ব। কিয়নো ইছৰোৱে ১৬ আগষ্টৰ পুৱা ৯.১৭ বজাত মহাকাশলৈ এটা বিশেষ উপগ্ৰহ উৎক্ষেপণ কৰিছে। যিয়ে কোনো দুৰ্যোগ সংঘটিত হোৱাৰ আগতে সতৰ্কতা প্ৰদান কৰিব।
ইছৰোৱে অন্ধ্ৰপ্ৰদেশৰ শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা এই নতুন ৰকেট SSLV-D3 উৎক্ষেপণ কৰে। লগতে EOS-08ৰ অভিযান হিচাপে এটা নতুন পৃথিৱী পৰ্যৱেক্ষণ উপগ্ৰহ উৎক্ষেপণ কৰা হৈছে। এই উপগ্ৰহটোৱে দুৰ্যোগৰ বিষয়ে সতৰ্কবাণী প্ৰদান কৰিব। এইটো SSLVৰ অন্তিম প্ৰদৰ্শন উৰণ হ’ব। ২০২৪ত বেংগালুৰুৰ মুখ্য কাৰ্যালয়ৰ মহাকাশ সংস্থাটোৱে ১ জানুৱাৰীত PSLV-C58/XPoSat মিছন আৰু ১৭ ফেব্ৰুৱাৰীত GSLV-F14/INSAT-3DS মিছনৰ সফল পৰীক্ষা কৰিছিল।
উপগ্ৰহটোৰ বিশেষত্ব
পৃথিৱী পৰ্যৱেক্ষণ উপগ্ৰহ (EOS-08) হৈছে এনে এক উপগ্ৰহ যিয়ে পৃথিৱী নিৰীক্ষণ কৰিব আৰু লগতে যিকোনো ধৰণৰ দুৰ্যোগৰ বিষয়ে আগতীয়াকৈ সতৰ্ক কৰিব। যিয়ে যিকোনো দুৰ্যোগৰ সন্মুখীন হোৱাত সহায় কৰিব। তথ্য অনুসৰি এই উপগ্ৰহৰ ওজন প্ৰায় ১৭৫.৫ কিলোগ্ৰাম। ইয়াত তিনিটা পেলোড আছে। এটা হৈছে ইলেক্ট্ৰ অপ্টিকেল ইনফ্ৰাৰেড পেলোড (ইঅ’আইআৰ), দ্বিতীয়টো হৈছে গ্লোবেল নেভিগেচন চেটেলাইট চিষ্টেম-ৰিফ্লেক্টোমেট্ৰি পেলোড (জিএনএছএছ-আৰ) আৰু তৃতীয়টো হৈছে এছআইচি ইউভি ডেচিমিটাৰ।
ইছৰোৱে এটাৰ পিছত এটা কৈ মহাকাশত নতুন ইতিহাস সৃষ্টি কৰাৰ লগতে দেশৰ প্ৰগতিৰ বাবে কাম কৰিছে। এটাৰ পিছত এটা কৈ মহাকাশত নতুন ইতিহাস সৃষ্টি কৰিছে। এই ইলেক্ট্ৰ অপ্টিকেল ইনফ্ৰাৰেড পেলোডটো মধ্য তৰংগ আইআৰ আৰু লং ৱেভ আইআৰ বেণ্ডত দিন আৰু নিশা দুয়োটাৰে ফটো উঠাবলৈ ডিজাইন কৰা হৈছে। ইয়াৰ বাবে এই উপগ্ৰহটো বিশেষভাৱে জুই আৰু আগ্নেয়গিৰিৰ বিষয়ে তথ্য সংগ্ৰহ কৰাৰ বাবে তৈয়াৰ কৰা হৈছে। একে সময়তে এই উপগ্ৰহ প্ৰণালীৰ সাগৰৰ পৃষ্ঠৰ বায়ু, মাটিৰ আৰ্দ্ৰতা পৰীক্ষা কৰা আৰু বানপানী চিনাক্ত কৰাৰ ৰিম’ট চেঞ্চিঙৰ ক্ষমতাও আছে।
