শোকাৱহ! গাঁতত বাগৰি পৰিল ব’ল ব’ম যাত্ৰীৰ বাহন, ৫ জনৰ মৃত্যু, আহত…
দেওবাৰে নিশা প্ৰায় ১২:১৫ বজাত এই দুৰ্ঘটনা সংঘটিত হয়। তাৰ পিছত লগে লগে আৰক্ষীক খবৰ দিয়া হয়। আৰক্ষীয়ে আটাইকেইজন আহত যাত্ৰীক চিকিৎসালয়লৈ লৈ যায়, য’ত ৫ জন মৃত্যু হয়। আহত আন ৪ জন লোকৰ ভিতৰত দুজনৰ অৱস্থা সংকটজনক।
বিহাৰৰ ভাগলপুৰৰ শ্বাহকুণ্ডত সংঘটিত হৈছে ডাঙৰ দুৰ্ঘটনা। গাঁতত বাগৰি পৰে এখন ডিজে ভ্যান, য’ত ৫ জন ব’ল ব’ম যাত্ৰীৰ মৃত্যু হয়। একে সময়তে আহত হয় ৪ জন যাত্ৰী। জানিব পৰা মতে ডিজে ভ্যানত ৯ জন লোক আছিল। বিদ্যুতৰ তাঁৰৰ সংস্পৰ্শলৈ আহিছিল ভ্যানখন। তাৰ পিছত গাড়ীখনৰ ভাৰসাম্য বিঘ্নিত হৈ গাঁতটোত বাগৰি পৰে। ভ্যানৰ তলত সোমাই যোৱাৰ ফলত ৫ জন লোকৰ মৃত্যু হয়। ভ্যানৰ পৰা জপিয়াই জীৱন ৰক্ষা কৰিলে একাংশ লোকে।
আহত দুজনৰ অৱস্থা সংকটজনক আৰু দুজনৰ সামান্য পৰিমাণে আহত বুলি জানিব পৰা গৈছে। দুৰ্ঘটনাটোৰ পিছতে আটাইকেইজন যাত্ৰীক ততাতৈয়াকৈ শ্বাহকুণ্ড সামূহিক স্বাস্থ্য কেন্দ্ৰলৈ প্ৰেৰণ কৰা হয়। য’ত বৰ্তমানেও একাংশ লোক চিকিৎসাধীন হৈ আছে। এই ভ্যানখন কানৱৰীয়াৰ সৈতে চুলতাংগঞ্জৰ পৰা জ্যেষ্ঠ গৌৰ নাথলৈ গৈ আছিল। শ্বাহকুণ্ড থানা এলেকাৰ সমীপৰ চুলতানগঞ্জ মেইন ৰোডৰ মহতো স্থানৰ সমীপত এই দুৰ্ঘটনাটো সংঘটিত হৈছে।
দেওবাৰে নিশা প্ৰায় ১২:১৫ বজাত এই দুৰ্ঘটনা সংঘটিত হয়। তাৰ পিছত লগে লগে আৰক্ষীক খবৰ দিয়া হয়। আৰক্ষীয়ে আটাইকেইজন আহত যাত্ৰীক চিকিৎসালয়লৈ লৈ যায়, য’ত ৫ জন মৃত্যু হয়। আন আহত ৪ জন লোকৰ ভিতৰত দুজনৰ অৱস্থা সংকটজনক। আহত ব’ল ব’ম যাত্ৰীসকলে জনোৱা মতে, পিকআপ ভ্যানত এটা সৰু ডিজে চেট আছিল। চুলতানজত স্নান কৰি জ্যেষ্ঠগৌৰ নাথত সকলোৱে পানী আগবঢ়াবলৈ গৈ আছিল যদিও সেই স্থান পোৱাৰ আগতেই এই দুৰ্ঘটনাটো সংঘটিত হয়।
নিহত লোকৰ ভিতৰত আছে সন্তোষ কুমাৰ, ২৪ বছৰীয়া মনোজ কুমাৰ, ২৩ বছৰীয়া বিক্ৰম কুমাৰ, ৰবিশ কুমাৰ আৰু ১৮ বছৰীয়া মুন্না কুমাৰ। আৰক্ষীয়ে জনোৱা মতে, ভ্যানখন পানী ভৰ্তি হৈ থকা এটা গাঁতত পৰিছিল। এই দুৰ্ঘটনাত ৫ জন লোকৰ মৃত্যু হৈছে। আহতসকলক চিকিৎসালয়ত ভৰ্তি কৰোৱা হৈছে। দুৰ্ঘটনাটোৰ পৰা ৰক্ষা পোৱা পিণ্টুৱে কয় যে বৰষুণৰ বাবে পথটো পানীৰে ভৰি পৰিছিল। হঠাৎ ভ্যানখন বোকাত সোমাই পৰাৰ পিছত এফালে টানিবলৈ ধৰিলে।
পিন্টুৱে আৰু কয় যে গাড়ীখন এফালে টানিবলৈ ধৰাত চকা পিছলি যাব গৈ ভ্যানখন বিদ্যুতৰ তাঁৰৰ সংস্পৰ্শলৈ আহে, তাৰ পিছত যাত্ৰীসকল বিদ্যুৎস্পৃষ্ট হ’বলৈ ধৰিলে আৰু হুৱাদুৱা লাগে। পিণ্টুৱে কয় যে বিদ্যুৎস্পৃষ্ট হোৱাৰ ফলত তেওঁলোক গাড়ীৰ পৰা ছিটিকি দূৰত পৰি যায়। চালকজনে গাড়ীখনৰ ওপৰত ভাৰসাম্য হেৰুৱাই পোনে পোনে পানীৰে ভৰা গাঁতটোত পৰি যায়। তাৰ পিছত ওচৰ থকা লোকসকলে লগে লগে তেওঁলোকক চিকিৎসালয়লৈ লৈ যায় যদিও ৫জন লোকৰ মৃত্যু হয়।
লগতে পঢ়ক: শীঘ্ৰে বন্ধ হ’ব ডাকঘৰৰ আটাইতকৈ পুৰণি সেৱা, জাননী জাৰি…
