যুৱক-যুৱতীসকলৰ মাজত কিয় বৃদ্ধি পাইছে হৃদৰোগৰ সম্ভাৱনা?

বৰ্তমান সময়ত যুৱক-যুৱতীসকলৰ মাজত কৰ্মৰ চাপ বাঢ়িছে। এফালে ব্যক্তিগত সমস্যা, আনফালে সামাজিক চাপ বৃদ্ধি। ফলত উদ্বিগ্নতা, হতাশাৰ লগতে হৃদৰোগে দেখা দিয়ে।

বহু ল’ৰা-ছোৱালী কম বয়সতে বেয়া অভ্যাসৰ প্ৰতি আসক্ত হৈ পৰে। ধূমপান আৰু অত্যধিক মদ্যপানে ৰক্তচাপ বৃদ্ধি কৰে। হৃদযন্ত্ৰৰ পেশী দুৰ্বল হৈ পৰে। ফলত হৃদৰোগৰ সম্ভাৱনা বাঢ়ি যায়।

নিয়মিতভাৱে কোকেইন আৰু এম্ফেটামাইনৰ দৰে ড্ৰাগছ সেৱন কৰিলে প্ৰত্যক্ষভাৱে হাৰ্ট এটেক হ’ব পাৰে। এইবোৰে হৃদস্পন্দনৰ ছন্দত ব্যাঘাত জন্মায়।

যদি পৰিয়ালটোৰ কোনোবাই কম বয়সতে হৃদৰোগত আক্ৰান্ত হৈছে, তেন্তে পৰিয়ালৰ বাকী সদস্যসকলো হৃদৰোগত আক্ৰান্ত হোৱাৰ সম্ভাৱনা অধিক।