হিন্দুৰ পৰা মুছলমানলৈ, ৩ বছৰত ২০ বাৰকৈ বিবাহ… এই কাহিনীয়ে ভাবিবলৈ বাধ্য কৰাব আপোনাক

উত্তৰ প্ৰদেশত প্ৰয়াগৰাজ আৰক্ষীৰ জালত পৰিছে এটা বিশাল গেং, যাৰ কাৰ্যকলাপে আপোনাক স্তম্ভিত কৰি পেলাব। এই গেংটোত আছে এনে এগৰাকী মহিলা, যিয়ে মাত্ৰ তিনি বছৰতে ১৫ বাৰতকৈও অধিক বিবাহ আৰু ৬ বাৰতকৈও অধিক নিকাহ সম্পন্ন কৰিছে। এই গেঙত নিকাহ কৰোৱা মৌলৱী, লগতে বিবাহ পৰিচালনা কৰা পণ্ডিত অন্তৰ্ভুক্ত হৈ আছে। কন্যাদানৰ বাবে কইনাৰ নকল পিতৃ-মাতৃও আছে এই গেঙত। এই গেঙে ইউত্তৰ প্ৰদেশ, হাৰিয়ানাৰ পৰা ৰাজস্থান আৰু মধ্যপ্ৰদেশলৈকে হিন্দু আৰু মুছলমান দৰাক নিজৰ জালত পেলাইছে।

বিবাহ সম্পন্ন পিছত কইনা বিদায়ৰ সময়ত সামগ্ৰী লৈ পলাই গৈছিল সকলো। সেই সময়ত সুযোগ নাপালে দৰাক লগত শহুৰৰ ঘৰলৈ যায় আৰু তাৰ পিছত বিয়াৰ নিশা উদযাপন কৰাৰ ঠিক আগতে গহনাবোৰ লৈ পলায়ন কৰে। কেতিয়াবা কইনাগৰাকীয়ে বিয়াৰ পিছত দুই-তিনিদিন শহুৰৰ ঘৰতে থাকিছিল। তেওঁ নিজে পলাই যোৱাৰ সুযোগ নাপালে মাক-দেউতাকৰ চৰিত্ৰত অভিনয় কৰা প্ৰৱঞ্চকে আহি ঘৰলৈ দি লৈ গৈছিল।

শেহতীয়াকৈ এনে ঘটনা দ্ৰুতগতিত বৃদ্ধি পাইছে। বিশেষকৈ হাৰিয়ানা আৰু ৰাজস্থানত বিয়া পাতিবলৈ ইচ্ছুক যুৱকৰ জালত পেলাই তাৰ পিছত বিয়া পাতি লুটপাত কৰি পলাই যোৱাৰ বহু ঘটনা সংঘটিত হৈছে৷ শেহতীয়াকৈ প্ৰয়াগৰাজতো একেধৰণৰ ঘটনা পোহৰলৈ আহিছে। ইয়াৰ মাজতে আলৱাৰ ৰাজস্থানৰ এজন যুৱকে এজাহাৰ দাখিল কৰিছিল। আৰক্ষীয়ে এই গোচৰৰ তদন্ত কৰি থকাৰ সময়তে গোপনীয় তথ্য লাভ কৰে। জানিব পৰা মতে প্ৰয়াগৰাজৰ খুলদাবাদত এই গেঙৰ লোক আছে।

এই তথ্যৰ ভিত্তিত অভিযান চলাই ঘনশ্যাম নগৰ ৰেলৱে ক্ৰছিং ফুট ব্ৰীজৰ ওচৰৰ পৰা এগৰাকী যুৱতীক গ্ৰেপ্তাৰ কৰে আৰক্ষীয়ে । এই যুৱতীগৰাকীক কাৰেলীত বাস কৰা ছাহানা বুলি চিনাক্ত কৰা হৈছে। তাৰ পাছত এই যুৱতীগৰাকীয়ে দিয়া তথ্যৰ ভিত্তিত পিপালগাঁৱৰ পৰা নিশা আৰু প্ৰীতি, ঝুন্সিৰ পৰা মমতা ভাৰতীয় আৰু আছিফ আৰু ম. শ্বাহগঞ্জৰ পৰা জৈনুলৰ উপৰিও ৰাজস্থান আলৱাৰৰ পৰা শ্ৰীৰাম গুৰ্জাৰক গ্ৰেপ্তাৰ কৰা হয়। কোৱা হৈছে যে অভিযুক্ত শ্ৰীৰাম এই গেঙৰ মাষ্টাৰমাইণ্ড। গেঙত তেওঁ ভুক্তভোগীক বিচাৰি উলিওৱাৰ পৰা আৰম্ভ কৰি অপৰাধৰ পৰিকল্পনা কৰালৈকে সকলো কাম কৰিছিল।

গেংটোৰ প্ৰৱঞ্চকসকলে তিনিওখন ৰাজ্যতে এনে যুৱকক বিচাৰিছিল, যিসকলে বিয়া পাতিবলৈ সক্ষম হোৱা নাছিল। তেনে এজন যুৱক পোৱাৰ লগে লগে অভিযুক্তই বিভিন্ন উপায়েৰে তেওঁৰ সৈতে যোগাযোগ কৰিছিল আৰু তেওঁক বিয়া পাতিবলৈ প্ৰলোভিত কৰিছিল। ইয়াৰ পিছত প্ৰৱঞ্চক যুৱতীৰ সৈতে যুৱকক চিনাকী কৰাই দিয়া হৈছিল আৰু তাৰ পিছত দৰাজন যদি হিন্দু হয় তেন্তে বিয়া আৰু যদি তেওঁ মুছলমান হয় তেন্তে নিকাহ অনুষ্ঠানৰ আয়োজন কৰা হৈছিল। ইয়াত প্ৰৱঞ্চকসকলে নিজেই পণ্ডিত বা মৌলৱীৰ অভিনয় কৰিছিল। এইদৰে এই গেঙে তিনি বছৰত ২০ খনতকৈও অধিক বিবাহ সম্পন্ন কৰিছে।

আৰক্ষীৰ জেৰাৰ সময়ত এইগৰাকী ভুৱা কইনা আৰু তেওঁৰ সহযোগীসকলে কয় যে তেওঁলোকে বিয়াৰ লগে লগে সকলো নগদ ধন আৰু গহনা লৈ পলাই যাবলৈ যৎপৰোনাস্তি চেষ্টা কৰিছিল। যদি এয়া সম্ভৱ নহয়, তেন্তে বিদায়ৰ পিছত কইনাজনীয়ে কোনো অজুহাতত মাজ বাটত গাড়ীখন ৰখাই পলাই যায়। এই সময়তো যদি তেওঁ সুযোগ নাপায়  শহুৰৰ ঘৰলৈ গৈ বিয়াৰ ৰাতিৰ পলাই যাবলৈ চেষ্টা কৰিছিল। অভিযুক্ত কইনাগৰাকীয়ে কয় যে দুটা গোচৰত পলাই যোৱাৰ সুযোগ নাপালে আৰু বাধ্যবাধকতাৰ বাবে দুই-তিনি দিন দৰাৰ ঘৰত থাকিবলগীয়া হৈছে।