ইতিহাসৰ পাতত লিপিবদ্ধ আজিৰ দিনটোৰ ঘটনা পৰিঘটনা…
আজি বিশ্ব প্ৰেছ স্বাধীনতা দিৱস । এই দিনটোত সংবাদ মাধ্যমৰ স্বাধীনতাৰ গুৰুত্বৰ বিষয়ে সজাগতা সৃষ্টিৰ ওপৰত গুৰুত্ব আৰোপ কৰা হয় । ইতিহাসৰ পাত লুটিয়াই চাওঁ আহক আজিৰ দিনটোত ঘটা কেইটামান ঘটনা পৰিঘটনা ।
৩ মে’ৰ দিনটোক ৰাষ্ট্ৰসংঘৰ সাধাৰণ পৰিষদে বিশ্ব প্ৰেছ স্বাধীনতা দিৱস হিচাপে ঘোষণা কৰে । এই দিনটোত সংবাদ মাধ্যমৰ স্বাধীনতাৰ গুৰুত্বৰ বিষয়ে সজাগতা সৃষ্টিৰ ওপৰত গুৰুত্ব আৰোপ কৰা হয় । লগতে এই দিনটোৱে ১৯৪৮ চনৰ মানৱ অধিকাৰৰ সাৰ্বজনীন ঘোষণাৰ ১৯ নং অনুচ্ছেদৰ অধীনত সন্নিৱিষ্ট মত প্ৰকাশৰ স্বাধীনতাৰ অধিকাৰক সন্মান আৰু ৰক্ষা কৰাৰ কৰ্তব্যৰ বিষয়ে সোঁৱৰাই দিয়ে ।
চাওঁ আহক ইতিহাসৰ আজিৰ দিনটোত ঘটা কেইটামান পৰিঘটনা
- ১৬৬০ চনৰ আজিৰ দিনটোতে ছুইডেন, পোলেণ্ড আৰু অষ্ট্ৰিয়াই অলিভাৰ শান্তি চুক্তিত স্বাক্ষৰ কৰে।
- ১৭৬৪ চনৰ আজিৰ দিনটোতে বংগৰ নবাব মিৰ কাছিম ইংৰাজৰ হাতত পৰাস্ত হয়।
- ১৭৬৫ চনৰ আজিৰ দিনটোতে ফিলাডেলফিয়াত প্ৰথমখন আমেৰিকান মেডিকেল কলেজ মুকলি হয়।
- ১৯৬১ চনৰ আজিৰ দিনটোতে কমাণ্ডাৰ এলান শ্বেপাৰ্ড মহাকাশলৈ যোৱা প্ৰথমজন আমেৰিকান মহাকাশচাৰী হিচাপে পৰিগণিত হয়।
- ১৯৬৫ চনৰ আজিৰ দিনটোতে কম্বোডিয়াই আমেৰিকাৰ সৈতে কূটনৈতিক সম্পৰ্কৰ অন্ত পেলায়।
- ১৯৬৯ চনৰ আজিৰ দিনটোতে ভাৰতৰ তৃতীয় ৰাষ্ট্ৰপতি জাকিৰ হুছেইনৰ মৃত্যু।
- ১৯৯৩ চনত ৰাষ্ট্ৰসংঘই আজিৰ দিনটোক বিশ্ব সংবাদ স্বাধীনতা দিৱস হিচাপে ঘোষণা কৰে।
- ১৯৯৮ চনৰ আজিৰ দিনটোতে ইউৰোক ইউৰোপীয় মুদ্ৰা হিচাপে গ্ৰহণ কৰা হয়।
লগতে পঢ়ক : আজি শনিবাৰৰ দিনটো আপোনাৰ কেনে যাব ? চাওক ৰাশিফল