আজি সুভাষ চন্দ্ৰ বসুৰ জন্মজয়ন্তী, চাওঁ আহক দিনটোৰ ইতিহাস…
বহু ঘটনা পৰিঘটনাৰ বাবে আজিৰ দিনটো ইতিহাসৰ পাতত লিপিবদ্ধ হৈ আছে। এই দিনটোত ক'ত কি ঘটিছিল ? ইতিহাসৰ পাত লুটিয়াই চাওঁ আহক।
তেজৰ বিনিময়ত স্বাধীনতাৰ প্ৰতিশ্ৰুতি দিয়া নেতাজী সুভাষ চন্দ্ৰ বসুৰ জন্ম হৈছিল আজিৰ দিনটোতে। ১৮৯৭ চনৰ ২৩ জানুৱাৰীত উৰিষ্যাৰ (বৰ্তমান ওড়িশা) কটকত এটা ধনী বাঙালী পৰিয়ালত জন্মগ্ৰহণ কৰিছিল বসুৱে। তেখেতে যিকোনো মূল্যৰ বিনিময়ত নিজৰ দেশৰ বাবে স্বাধীনতা কামনা কৰিছিল। তেওঁ নিজৰ সমগ্ৰ জীৱন জাতিৰ বাবে উৎসৰ্গা কৰি শেষ নিশ্বাস পৰ্যন্ত ইয়াৰ স্বাধীনতাৰ বাবে যুঁজিছিল। তেওঁ কংগ্ৰেছ দলৰ সভাপতি হিচাপেও কাৰ্যনিৰ্বাহ কৰিছিল।
ইয়াৰ লগতে বহু ঘটনা পৰিঘটনাৰ বাবে আজিৰ দিনটো ইতিহাসৰ পাতত লিপিবদ্ধ হৈ আছে। এই দিনটোত ক’ত কি ঘটিছিল ? ইতিহাসৰ পাত লুটিয়াই চাওঁ আহক।
দিনটোৰ ইতিহাস
- ১৮৯৭ চনত ভাৰতৰ স্বাধীনতা সংগ্ৰামী সুভাষ চন্দ্ৰ বসুৰ জন্ম। উৰিষ্যাৰ (বৰ্তমান ওড়িশা) কটকত এটা ধনী বাঙালী পৰিয়ালত জন্মগ্ৰহণ কৰিছিল বসুৱে।
- ১৯২০ চনত বিমান পৰিবহণ আৰু বিমান মেইল সেৱা আৰম্ভ।
- ১৯২৬ চনত মহাৰাষ্ট্ৰৰ ৰাজনীতিক বাল থাকৰেৰ জন্ম। তেওঁ আঞ্চলিক দল শিৱসেনা গঠন কৰি ক্ষমতাৰ কৰিড’ৰলৈ খোজ দিলে।
- ১৯৭৩ চনত আমেৰিকাৰ ৰাষ্ট্ৰপতি ৰিচাৰ্ড নিক্সনে ভিয়েটনাম শান্তি চুক্তিৰ কথা ঘোষণা কৰি আমেৰিকাৰ আটাইতকৈ দীঘলীয়া যুদ্ধৰ অন্ত পেলায়। ২৭ জানুৱাৰীৰ পৰা কাৰ্যকৰী হৈছিল এই যুদ্ধবিৰতি।
- ১৯৭৭ চনত ইন্দিৰা গান্ধী নেতৃত্বাধীন কংগ্ৰেছৰ বিৰুদ্ধে সাধাৰণ নিৰ্বাচনত প্ৰতিদ্বন্দ্বিতা কৰিবলৈ কেইবাটাও ৰাজনৈতিক দল একত্ৰিত কৰি জনতা পাৰ্টি গঠন কৰা হয়।
- ১৯৮৯ চনত তাজিকিস্তানত এক প্ৰবল ভূমিকম্পত শ শ লোকৰ মৃত্যু হয়।
- ১৯৯৭ চনত ৰাষ্ট্ৰপতি বিল ক্লিণ্টনৰ প্ৰশাসনত মেডেলিন অলব্ৰাইটে বিদেশ সচিবৰ পদ গ্ৰহণ কৰে। তেওঁ আছিল আমেৰিকাৰ প্ৰথম মহিলা বিদেশ সচিব।
- ২০০২ চনত পাকিস্তানৰ কৰাচীত আমেৰিকাৰ সাংবাদিক ডেনিয়েল পাৰ্লক অপহৰণ কৰা হয় আৰু পিছত হত্যা কৰা হয়।
- ২০০৯ চনত চিনেমা আৰু টেলিভিছনৰ অনুষ্ঠানত ধূমপানৰ দৃশ্যৰ ওপৰত থকা নিষেধাজ্ঞা প্ৰত্যাহাৰ কৰা হয়।