কন্যা সন্তানে ২১ বছৰ বয়সত লাভ কৰিব ৭০ লাখ টকা, চৰকাৰৰ এই আঁচনিৰ সবিশেষ জানক…

প্ৰতীকী ফটো

প্ৰতিজন পিতৃ-মাতৃয়ে বিচাৰে যে, তেওঁলোকৰ সন্তানৰ ভৱিষ্যত সুৰক্ষিত হওক। যদি আপুনিও আপোনাৰ কন্যাৰ বাবে এটা নিৰ্দিষ্ট আৰু নিৰ্ভৰযোগ্য বিনিয়োগ পৰিকল্পনা বিচাৰিছে, তেন্তে ডাকঘৰৰ সুকন্যা সমৃদ্ধি যোজনা আপোনাৰ বাবে এক উত্তম বিকল্প হ’ব পাৰে। এই আঁচনিখনে কেৱল নিশ্চিত ৰিটাৰ্ণ দিয়াই নহয়, ইয়াত বিনিয়োগৰ বিপদও অতি কম।

সুকন্যা সমৃদ্ধি যোজনা কি?

সুকন্যা সমৃদ্ধি যোজনা হৈছে ভাৰত চৰকাৰৰ দ্বাৰা পৰিচালিত এক বিশেষ সঞ্চয় আঁচনি, যিখন কন্যাৰ ভৱিষ্যতৰ কথা মনত ৰাখি বিশেষভাৱে প্ৰস্তুত কৰা হৈছে। ইয়াত কন্যাৰ নামত একাউণ্ট খুলিব পাৰিব, কিন্তু চৰ্ত হ’ল কন্যাৰ বয়স ১০ বছৰৰ কম হ’ব লাগিব। এই একাউণ্টত প্ৰতি বছৰে নূন্যতম ২৫০ টকা আৰু সৰ্বাধিক ১.৫ লাখ টকা জমা কৰিব পাৰিব।

৭০ লাখ টকা কেনেকৈ লাভ কৰিব?

যদি আপুনি বিচাৰে যে, আপোনাৰ কন্যাই ২১ বছৰ বয়সত প্ৰায় ৭০ লাখ টকাৰ ধন লাভ কৰক, তেন্তে প্ৰতিমাহে ১২,৫০০ টকা সঞ্চয় কৰি এবছৰত ১.৫ লাখ টকা বিনিয়োগ কৰাটো আপোনাৰ বাবে প্ৰয়োজনীয়। ধৰি লওক, আপুনি এই একাউণ্টটো খুলিছিল যেতিয়া আপোনাৰ ছোৱালীৰ বয়স ৫ বছৰ আছিল আৰু আপুনি একেৰাহে ১৫ বছৰ প্ৰতি বছৰে ১.৫ লাখ টকা জমা কৰিছিল। এইদৰে ১৫ বছৰত আপোনাৰ মুঠ বিনিয়োগ ২২.৫ লাখ টকা হ’ব। যিহেতু এই আঁচনিখনে চক্রবৃদ্ধি সুত প্ৰদান কৰে, গতিকে ২১ বছৰৰ পাছত এই ধনৰাশি প্ৰায় ৬৯.২৭ লাখ টকালৈ বৃদ্ধি পাব। এই ক্ষেত্ৰত প্ৰায় ৪৬.৭৭ লাখ টকা উপাৰ্জন হ’ব কেৱল সুতৰ পৰা।

সুতৰ হাৰ ৮.২ শতাংশ

এই আঁচনিৰ পৰা লাভ কৰা সুত সম্পূৰ্ণ কৰমুক্ত আৰু বৰ্তমান এই সুতৰ হাৰ ৮.২ শতাংশ, যিটো আন সঞ্চয় আঁচনিৰ তুলনাত ভাল। এই আঁচনিৰ অধীনত যেতিয়া কন্যাৰ বয়স ১৮ বছৰ হ’ব, তেতিয়া আপুনি ইয়াৰ পৰা আংশিকভাৱে ধন উলিয়াব পাৰে, যিটো কন্যাৰ শিক্ষাৰ খৰচৰ বাবে অতি সহায়ক হ’ব পাৰে। একে সময়তে একাউণ্ট মেচিউৰ হ’লে অৰ্থাৎ ২১ বছৰ সম্পূৰ্ণ হ’লে সম্পূৰ্ণ ধন লাভ কৰিব।

লগতে পঢ়ক: LIC Jeevan Tarun Policy: দৈনিক ১৫০ টকা জমা কৰি পাব ২৬ লাখ টকা, জানক কেনেকৈ?