আপোনাৰ ৰে’লৰ টিকটৰ ৪৬% খৰচ বহন কৰে চৰকাৰেঃ ৰে’ল মন্ত্ৰী অশ্বিনী বৈষ্ণৱ

আপোনাৰ ৰে'লৰ টিকটৰ ৪৬% খৰচ বহন কৰে চৰকাৰেঃ ৰে'ল মন্ত্ৰী অশ্বিনী বৈষ্ণৱ

কেন্দ্ৰীয় ৰে’ল মন্ত্ৰী অশ্বিনী বৈষ্ণৱে ৰে’ল টিকটৰ ৰাজসাহায্য সন্দৰ্ভত ডাঙৰ বিবৃতি দিছে বুলি মন্তব্য কৰে। বুধবাৰে লোকসভাত কেন্দ্ৰীয় মন্ত্ৰীগৰাকীয়ে কয় যে প্ৰতি বছৰে ভাৰতীয় ৰে’লৱেই সকলো শ্ৰেণীৰ যাত্ৰীক ৫৬,৯৯৩ কোটি টকাৰ ৰাজসাহায্য প্ৰদান কৰে, য’ত প্ৰতিটো টিকটত ৪৬ শতাংশ ৰেহাইও অন্তৰ্ভুক্ত কৰা হয়। বুধবাৰে ৰে’লৱে টিকটৰ ৰেহাইৰ সৈতে জড়িত প্ৰশ্নৰ উত্তৰ দিওঁতে ৰে’ল মন্ত্ৰীগৰাকীয়ে কয়, ৫৪ টকাত যি টিকট পায়, তাৰ দাম আচলতে ১০০ টকা, কিন্তু প্ৰতিটো টিকটৰ খৰচৰ ৪৬ শতাংশ চৰকাৰে বহন কৰে। গতিকে সেই টিকট ৫৪ টকাত পোৱা যায়। কেন্দ্ৰীয় মন্ত্ৰী অশ্বিনী বৈষ্ণৱে প্ৰশ্নকালত কয়, চৰকাৰে সকলো শ্ৰেণীৰ যাত্ৰীক প্ৰতিটো ৰে’লৱেৰ টিকটত মুঠ বাৰ্ষিক ৫৬,৯৯৩ কোটি টকাৰ ৰাজসাহায্য দিয়ে।

ৰেপিড ৰে’লৰ ক্ষেত্ৰতো দিছে উত্তৰ

সদনত ৰেপিড ৰে’ল সেৱাৰ ওপৰতো এটা প্ৰশ্ন কৰা হয়, যাৰ উত্তৰত ৰে’ল মন্ত্ৰী অশ্বিনী বৈষ্ণৱে কয় যে ভাৰতীয় ৰে’লৱেই ইতিমধ্যে ভূজ আৰু আহমেদাবাদৰ মাজত এনে সেৱা নমো ভাৰত ৰেপিড ৰে’ল আৰম্ভ কৰিছে আৰু যাত্ৰীসকল ইয়াৰ ওপৰত অত্যন্ত সুখী। এই সন্দৰ্ভত বিষয়াসকলৰ মতে, নমো ভাৰত ৰেপিড ৰে’লে ভূজ আৰু আহমেদাবাদৰ মাজৰ দূৰত্ব কেইবাটাও ষ্টেচনত ৰৈ ৫ ঘণ্টা ৪৫ মিনিটত অতিক্ৰম কৰে।

জেনেৰেল ডবা সংযোজন হ’ব- ৰে’ল মন্ত্ৰী

ৰে’ল মন্ত্ৰীগৰাকীয়ে প্ৰশ্নোত্তৰ সময়ত কয় যে, মোদী চৰকাৰ দুখীয়াৰ প্ৰতি উৎসৰ্গিত। ৰে’লৱেই 1AC, 2AC বা 3AC ৰ পৰিৱৰ্তে সাধাৰণ কম্পাৰ্টমেণ্টৰ ডবা বৃদ্ধিৰ কাম কৰি আছে আৰু ডিচেম্বৰৰ শেষৰ ফালে ১০০০ সাধাৰণ ডবা সংযোজন কৰিব।