NPS নে UPS ! কোনখন পেঞ্চন আঁচনিত আপুনি বেছি ৰিটাৰ্ণ লাভ কৰিব?

প্ৰতীকী ফটো

NPS আৰু UPS আচলতে আমাৰ দেশত বৰ্তমান চলি থকা দুখন পেঞ্চন আঁচনি। NPS বা ৰাষ্ট্ৰীয় পেঞ্চন আঁচনি ২০০৪ চনত আৰম্ভ হৈছিল। এন পি এছ আচলতে বজাৰ সংযুক্ত পেঞ্চন আঁচনি। ২০০৪ চনৰ পিছত চৰকাৰী কৰ্মচাৰী, কৰ্পৰেট কৰ্মচাৰী আৰু ২০০৯ চনৰ পিছত দেশৰ সকলো নাগৰিকে NPS ত বিনিয়োগ কৰিব পাৰে।

আনহাতে, এন পি এছৰ বিকল্প হিচাপে UPS বা ইউনিফাইড পেঞ্চন আঁচনি অনা হয়। কাৰণ, য’ত এন পি এছে বজাৰত বিনিয়োগ কৰে। ফলত এন পি এছৰ ৰিটাৰ্ণৰ নিশ্চয়তা নাথাকে। আনহাতে ইউ পি এছে নিশ্চিত ৰিটাৰ্ণ দিয়ে।

এজন কৰ্মচাৰীয়ে নিজৰ মৌলিক দৰমহা আৰু ডি এৰ ১০ শতাংশ UPSৰ অধীনত জমা দিব লাগে। চৰকাৰেও একে পৰিমাণৰ বৰঙণি আগবঢ়ায়। ইয়াৰ লগতে চৰকাৰে এটা সাধাৰণ পুঁজিলৈ অতিৰিক্ত ৮.৫ শতাংশ বৰঙণি দিয়ে। যাৰ পৰা নিশ্চিত পেঞ্চন পোৱা যায়। এই চৰকাৰী অৱদান এন পি এছৰ ১৪ শতাংশৰ তুলনাত কাৰ্যত বেছি।

ইয়াৰ পাছতো ইউ পি এছ প্ৰতি নাগৰিকৰ অনিচ্ছা বেছি কিয়? আৰ টি আইৰ মতে ২০২৫ চনৰ ২০ জুলাইলৈকে ৩১ হাজাৰ কৰ্মচাৰীয়ে ইউ পি এছত যোগদান কৰিছে। এন পি এছত প্ৰায় ২৩ লাখ কৰ্মচাৰী আছে। কিন্তু ইয়াৰ কাৰণ কি? এই প্ৰসংগত বিশেষজ্ঞসকলে কয় যে, এন পি এছৰ বজাৰত বিনিয়োগ কৰাৰ সুবিধা আছে। অনিশ্চয়তাৰ মাজতো এন পি এছে দীৰ্ঘম্যাদীভাৱে বহু বেছি ৰিটাৰ্ণ প্ৰদান কৰে।