ATM PF Withdrawal: ATMৰ পৰা কিদৰে উলিয়াব পাৰিব PFৰ ধন? জানক সবিশেষ

ATMৰ পৰা কিদৰে উলিয়াব পাৰিব PFৰ ধন?

যদি আপুনিও এজন চাকৰীয়াল ব্যক্তি আৰু আপোনাৰ দৰমহাৰ পৰা PF কৰ্তন কৰা হয়, তেনেহ’লে এই খবৰ আপোনাৰ বাবে উপকাৰী হিচাপে প্ৰমাণিত হ’ব পাৰে। বৰ্তমান, লোকসকলে PFৰ ধন উলিওৱাৰ ক্ষেত্ৰত বহুতো অসুবিধাৰ সন্মুখীন হ’ব লাগে। বহুসময়ত, তেওঁলোকৰ দাবীও নাকচ কৰা হয়। এনে পৰিস্থিতিত EPFOয়ে য়ে এক নতুন প্ৰণালী আৰম্ভ কৰিছে।

চাকৰীয়াল লোকসকলে এতিয়া বেংক একাউণ্টত থকা কৰা ধনৰ দৰে ATMৰ পৰা তেওঁলোকৰ PFৰ ধনো উলিয়াবলৈ সক্ষম হ’ব। কিন্তু এয়া কেনেকৈ হ’ব আৰু কোনে ইয়াৰ সুবিধা ল’ব পাৰিব জানো আহক..

ATMৰ পৰা কোনে পিএফৰ ধন উলিয়াব পাৰে?

EPFOৰ সদস্য আৰু নমিনীসকলে এটিএম ব্যৱহাৰ কৰি তেওঁলোকৰ ধন পোনপটীয়াকৈ উলিয়াব পাৰে। EPFOয়ে বেংক একাউণ্টবোৰক PF একাউণ্টৰ সৈতে সংযোগ কৰাৰ অনুমতি দিয়ে। কিন্তু এইটো স্পষ্ট নহয় যে তেওঁলোকে এটিএমৰ পৰা ধন উলিওৱাৰ বাবে এই লিংকেজটো ব্যৱহাৰ কৰিব নে এক পৃথক প্ৰণালী প্ৰৱৰ্তন কৰিব লাগিব?

ইফালে EPFOৰ সদস্যজনৰ মৃত্যু হ’লে, হিতাধিকাৰীয়ে এটিএমৰ পৰা ধন উলিওৱা সুবিধা ব্যৱহাৰ কৰিবলৈ যোগ্য হ’ব পাৰে। ইয়াক সহজ কৰি তুলিবলৈ, হিতাধিকাৰীসকলে তেওঁলোকৰ বেংক একাউণ্টবোৰ মৃত সদস্যৰ ইপিএফ একাউণ্টৰ সৈতে সংযোগ কৰিব লাগিব পাৰে। অৱশ্যে, আপুনি এই বিষয়ে আনুষ্ঠানিক নিশ্চিতিৰ বাবে অপেক্ষা কৰিব লাগিব। আৰম্ভণিতে, মুঠ PF বেলেন্সৰ মাত্ৰ ৫০% ধন উলিওৱাৰ অনুমতি দিয়া হ’ব। মৃত সদস্যজনৰ নমিনী ব্যক্তিয়েও এটিএমৰ পৰা ধন উলিয়াবলৈ সক্ষম হ’ব। EDLI আঁচনিৰ অধীনত, মৃত সদস্যসকলৰ পৰিয়ালেও ৭ লাখ টকালৈকে বীমা লাভ কৰিব। এই বীমাৰ ধন এটিএমৰ পৰা উলিয়াব পাৰিব।

কিদৰে উলিয়াব পাৰিব PFৰ ধন?

EPFO নিয়মৰ অধীনত, বেংক একাউণ্ট লিংক কৰাটো প্ৰয়োজনীয়। গ্ৰাহকৰ বেংক একাউণ্ট PF একাউণ্টৰ সৈতে সংযুক্ত। কিন্তু এইটো স্পষ্ট নহয় যে ভৱিষ্যত নিধিত জমা কৰা ধন উলিয়াবলৈ বেংকৰ এটিএম বা ডেবিট কাৰ্ড ব্যৱহাৰ কৰা হ’ব নে আন এখন কাৰ্ড জাৰী কৰা হ’ব।

কেতিয়া ধন উলিয়াব পাৰিব?

নৱেম্বৰৰ শেষ সপ্তাহত, খবৰ পোৱা গৈছিল যে চৰকাৰে PF গ্ৰাহকসকলক এটিএমৰ পৰা ভৱিষ্যত নিধিত জমা কৰা ধন উলিয়াবলৈ অনুমতি দিয়াৰ প্ৰস্তুতি চলাই আছে। ইয়াত, গ্ৰাহকসকলক ভৱিষ্যত নিধিত জমা কৰা পৰিমাণৰ ৫০% উলিওৱাৰ বিকল্প থাকিব পাৰে। ইপিএফঅ’ৰ এই নতুন নীতি সন্দৰ্ভত চৰকাৰে নতুন বছৰত ঘোষণা কৰিব পাৰে আৰু EPFO 3.0 মে’-জুন ২০২৫ত কাৰ্যকৰী কৰাৰ সম্ভাৱনা আছে।