পুনৰ হ্ৰাস পাইছে সোণৰ মূল্য! গুৱাহাটীত আজি সোণ-ৰূপৰ মূল্য কিমান হৈছে জানো আহক

Gold And Silver Price Today In India: ভাৰতত সোণ আৰু ৰূপৰ মূল্য ক্ৰমাগতভাৱে বৃদ্ধি পোৱাৰ পিছত এতিয়া দুয়োটাৰে মূল্য ক্ৰমাগতভাৱে হ্ৰাস পাইছে। ইণ্ডিয়ান বুলিয়ন এণ্ড জুৱেলাৰছ এছ’চিয়েশ্যনৰ ৱেবছাইট অনুসৰি শুকুৰবাৰে বজাৰ বন্ধ হোৱাৰ সময়লৈকে ২৪ কেৰেট সোণৰ মূল্য প্ৰতি ১০ গ্ৰামত ১,২১,৫১৮ টকালৈ হ্ৰাস পাইছে। ৰূপৰ মূল্যও হ্ৰাস পাই প্ৰতি কিলোগ্ৰাম ১,৪৭,০৩৩ টকালৈ। যিহেতু শনিবাৰ আৰু দেওবাৰে বজাৰ বন্ধ হৈ থাকে গতিকে দুয়োটা দিনতে একে মূল্যৰ বৈধতা থাকিব। অল ইণ্ডিয়া চাৰাফা এছ’চিয়েশ্যনৰ তথ্য অনুসৰি দিল্লীত সোণৰ মূল্য প্ৰতি ১০ গ্ৰামত ১,২৫,৬০০ টকালৈ হ্ৰাস পাইছে। ৰূপৰ মূল্যও হ্ৰাস পাই ১,৫২,৬০০ টকা প্ৰতি কিলোগ্ৰামলৈ। আন্তঃৰাষ্ট্ৰীয় বজাৰত সোণৰ মূল্য হ্ৰাস পাই প্ৰতি আউন্সত ৪০৮৭.৫৫ ডলাৰ হয়। ৰূপৰ মূল্য হ্ৰাস পাই প্ৰতি আউন্সত ৪৮.১২ ডলাৰ হয়। ইফালে, মাল্টি ক’ম’ডিটি এক্সচেঞ্জ (এমচিএক্স)ত সোণৰ ফ্যুচাৰৰ মূল্য হ্ৰাস পাই প্ৰতি ১০ গ্ৰামত ১,২২,৯৯৫ টকা হয়। ৰূপৰ মূল্যও হ্ৰাস পাই প্ৰতি কিলোগ্ৰামত ১,৪৫,৮২৯ টকা হয়।

আগদিনা সোণৰ দাম কিমান আছিল?

অল ইণ্ডিয়া চাৰাফা এছ’চিয়েশ্যনে জনোৱা মতে, দিল্লীৰ বুলিয়ন বজাৰত দীপাৱলীৰ উৎসৱৰ বাবে চাৰিদিন বন্ধ হৈ থকাৰ পাছত শুকুৰবাৰৰ পৰা পুনৰ ব্যৱসায়িক কাৰ্যকলাপ আৰম্ভ হয়। ছাৰাফা এছ’চিয়েশ্যনৰ তথ্য অনুসৰি আন্তঃৰাষ্ট্ৰীয় বজাৰত দুৰ্বল ধাৰাটোৰ মাজতে শুকুৰবাৰে ৰাষ্ট্ৰীয় ৰাজধানীৰ বুলিয়ন বজাৰত প্ৰতি ১০ গ্ৰাম সোণৰ মূল্য ১,২৫,৬০০ টকালৈ হ্ৰাস পাইছে। ১৮ অক্টোবৰত ৯৯.৯ শতাংশ বিশুদ্ধতা (২৪ কেৰেট) সোণৰ মূল্য ১,৩২,৪০০ টকাত বন্ধ হৈছিল। শনিবাৰে প্ৰতি ১০ গ্ৰামত ১,৩১,৮০০ টকাত বন্ধ হৈছিল।

আগদিনা ৰূপৰ দাম কিমান আছিল?

পূৰ্বৰ ব্যৱসায়িক অধিবেশনত প্ৰতি কেজি ১,৭০,০০০ টকাত বন্ধ হোৱাৰ পিছত শুকুৰবাৰে স্থানীয় বুলিয়ন বজাৰত ৰূপৰ মূল্যও ১,৫২,৬০০ টকা (সকলো কৰকে ধৰি)লৈ হ্ৰাস পায়।

আন্তঃৰাষ্ট্ৰীয় বজাৰত সোণ আৰু ৰূপৰ মূল্য

পূৰ্বৰ অধিবেশনত ০.৬৭ শতাংশ বৃদ্ধি পোৱাৰ পিছত শুকুৰবাৰে আন্তঃৰাষ্ট্ৰীয় বজাৰত ৩৮.৪৭ ডলাৰ বা ০.৯৩ শতাংশ হ্ৰাস পাই ৪,০৮৭.৫৫ ডলাৰ হয়। বহিঃৰাজ্যৰ বজাৰত স্পট ৰূপৰ মূল্য ১.৬৬ ডলাৰ হ্ৰাস পাই ৪৮.১২ ডলাৰ হয়।

গুৱাহাটীত সোণ-ৰূপৰ মূল্য

গুড ৰিটাৰ্ণছৰ তথ্যনুসৰি, শুক্ৰবাৰে গুৱাহাটীত ২৪ কেৰেট সোণৰ প্ৰতি গ্ৰামত ১২,৫০৭ টকা, ২২ কেৰেট সোণৰ প্ৰতি গ্ৰাম ১১,৪৬৪ টকা আৰু ১৮ কেৰেট সোণৰ (৯৯৯ সোণ বুলিও কোৱা হয়) প্ৰতি গ্ৰাম ৯,৩৮০ টকা আছিল। আনফালে ৰূপৰ মূল্য ১৫৮.৯০ টকা আৰু প্ৰতি কিলোগ্ৰাম ১,৫৮,৯০০ টকা হয়। আজি  পুৱা গুৱাহাটীত ২৪ কেৰেট সোণৰ প্ৰতি গ্ৰাম ১২,৫৬২ টকা, ২২ কেৰেট সোণৰ প্ৰতি গ্ৰাম ১১,৫১৫ টকা আৰু ১৮ কেৰেট সোণৰ (৯৯৯ সোণ বুলিও কোৱা হয়) প্ৰতি গ্ৰাম ৯,৪২২ টকা। আজি গুৱাহাটীত ৰূপৰ মূল্য ১৫৫ টকা আৰু প্ৰতি কিলোগ্ৰাম ১,৫৫,০০০ টকা হয়।