ওজন কমোৱাৰ চেষ্টাত কৰা এনে ভুলে কৰে দেহৰ ক্ষতি

শৰীৰৰ বাবে ওজন বৃদ্ধি হৈ পৰে এক ডাঙৰ ভাবুকি। ওজন কমাবলৈ যথেষ্ট কষ্টৰ প্ৰয়োজন। কিছু লোকে সোনকালে ওজন কমোৱাৰ চেষ্টাত বহু ভুল কৰে, যাৰ ফলত লাভৰ পৰিৱৰ্তে ক্ষতি হয়।

কমকৈ খাদ্য খালে ওজন সোনকালে হ্ৰাস পায় বুলি মানুহৰ মাজত এক ভুল ধাৰণা আছে। কিন্তু ইয়াৰ ফলত বিপাকীয় ক্ৰিয়া লেহেমীয়া হয়, ফলত ওজন কমাৰ পৰিৱৰ্তে বৃদ্ধিহে হ’ব পাৰে।

চৰ্বি বা কাৰ্ব সেৱন কৰিলে ওজন কমোৱাত সমস্যা হয় বুলি বিশ্বাস কৰা হয় যদিও এয়া সম্পূৰ্ণ সঁচা নহয়। সম্পূৰ্ণৰূপে এনে উপাদান এৰি দিলে শক্তি কমিব আৰু ভাগৰুৱা অনুভৱ হ’ব পাৰে।

বৰ্তমান সময়ত বহুলোকে কেৱল জুচ বা ডায়েট ড্ৰিংকছ খোৱাৰ নিয়ম মানি চলে। কিন্তু এইবোৰত কৃত্ৰিম ৰং মিহলি হৈ থাকিব পাৰে। ফলত ওজন কমোৱাৰ পৰিৱৰ্তে ওজন বৃদ্ধি হ’ব পাৰে।

টোপনিৰ সঠিক নিয়ম মানি নচলিলে হৰম’নৰ ভাৰসাম্য বিঘ্নিত হয়। ইয়াৰ ফলত ভোক বৃদ্ধি পায় আৰু ওজন কমোৱাত সমস্যা হয়। ওজন কমোৱাৰ ক্ষেত্ৰত টোপনিৰ অভাৱ এক সাধাৰণ ভুল হৈ পৰে।

অত্যধিক ব্যায়ামৰ বাবে অধিক ঘাম ওলায় আৰু চৰ্বি হ্ৰাস কৰাত সহায়ক হয় বুলি এক ধাৰণা প্ৰচলিত। কিন্তু অত্যধিক ৱৰ্কআউট কৰিলে ভাগৰুৱা অনুভৱ হয় আৰু আঘাতৰ সম্ভাৱনা বৃদ্ধি পায়।