Anant-Radhika Wedding Guest List: আজি বিবাহপাশত আৱদ্ধ হ’ব অনন্ত-ৰাধিকাই, কোন কোন থাকিব অতিথি?

আজি বিবাহপাশত আৱদ্ধ হ'ব অনন্ত-ৰাধিকাই

এছিয়াৰ আটাইতকৈ ধনী ব্যক্তি তথা ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানীৰ কনিষ্ঠ পুত্ৰ অনন্ত আম্বানীয়ে আজি ৭ জনমৰ বাবে ৰাধিকা মাৰ্চেণ্টৰ সৈতে বিবাহপাশত আবদ্ধ হ’বলৈ ওলাইছে। মুম্বাইৰ জিঅ’ ৱৰ্ল্ড চেণ্টাৰত তেওঁলোকৰ বিয়াৰ প্ৰস্তুতি প্ৰায় সম্পূৰ্ণ হৈছে। ইয়াৰ লগতে বলীউড-হলিউডৰ তাৰকা, বিশ্বৰ বহু ব্যৱসায়ী আৰু ৰাজনীতিবিদে মুম্বাইত উপস্থিত হৈছে। চাওঁ আহক অনন্ত-ৰাধিকাক আশীৰ্বাদ দিয়া সকলৰ অতিথি তালিকাত কোন কোন আছে?

মুকেশ আম্বানীয়ে প্ৰধানমন্ত্ৰী নৰেন্দ্ৰ মোদী আৰু কংগ্ৰেছ সভানেত্ৰী ছোনিয়া গান্ধীকো পুত্ৰৰ বিয়ালৈ নিমন্ত্ৰণ জনাইছে। অৱশ্যে দুয়োগৰাকী ডাঙৰ নেতাই মুম্বাইত উপস্থিত হৈছে নে নাই সেয়া এতিয়াও স্পষ্ট হোৱা নাই। আনহাতে ব্ৰিটিছৰ প্ৰাক্তন প্ৰধানমন্ত্ৰী বৰিছ জনছন আৰু বিখ্যাত চেলিব্ৰিটি কিম কাৰ্দাছিয়ানে মুম্বাইত উপস্থিত হৈছে। আনহাতে এই লোকসকলৰ নামো অতিথি তালিকাত অন্তৰ্ভুক্ত কৰা হৈছে।

অনন্ত আম্বানীৰ বিয়াৰ আলহী তালিকা

ছেমছাং ইলেক্ট্ৰনিকছৰ চিইঅ’ হান জং-হী আৰু বলীউডৰ বাদশ্বাহ শ্বাহৰুখ খানেও অনন্ত আম্বানী আৰু ৰাধিকা মাৰ্চেণ্টৰ বিয়াত অংশগ্ৰহণ কৰিবলৈ মুম্বাইত উপস্থিত হৈছে। তেওঁৰ অতিথি তালিকাত আছে ব্ৰিটিছৰ প্ৰাক্তন প্ৰধানমন্ত্ৰী টনি ব্লেয়াৰ, আমেৰিকাৰ প্ৰাক্তন বিদেশ মন্ত্ৰী হিলাৰী ক্লিণ্টন, অন্ধ্ৰপ্ৰদেশৰ মুখ্যমন্ত্ৰী চন্দ্ৰবাবু নাইডু, কৃষি মন্ত্ৰী শিৱৰাজ সিং চৌহান, উদ্ধৱ থাকৰে, আদিত্য থাকৰে, উত্তৰ প্ৰদেশৰ মুখ্যমন্ত্ৰী যোগী আদিত্যনাথ, তামিলনাডুৰ মুখ্যমন্ত্ৰী এম . ষ্টেলিন আৰু পশ্চিম বংগৰ মুখ্যমন্ত্ৰী মমতা বেনাৰ্জী।

যদি আমি বলীউডৰ তাৰকাৰ কথা কওঁ তেন্তে অনন্ত আৰু ৰাধিকাৰ বিয়াত শ্বাহৰুখ খান, আমিৰ খান, ছলমান খান, অমিতাভ বচ্চন, অক্ষয় কুমাৰ, ৰণবীৰ সিং, কেটৰিনা কাইফ, বিকি কৌশল, শ্বাহিদ কাপুৰ, আলিয়া ভাট আৰু ৰণবীৰ কাপুৰো উপস্থিত থাকিব ৷ ক্ৰীড়া জগতৰ ডেভিদ বেকহাম আৰু অধিনায়ক কুল মহেন্দ্ৰ সিং ধোনিয়েও এই বিবাহত অংশগ্ৰহণ কৰিবলৈ ওলাইছে।

বিবাহৰ সময় ৯:৩০ বজাত

অনন্ত আম্বানীৰ বিয়াৰ সম্পূৰ্ণ সময়সূচীও প্ৰকাশ পাইছে। বিয়লি ৩ বজাত বৰযাত্ৰী জিঅ’ ৱৰ্ল্ড চেণ্টাৰত উপস্থিত হ’ব। ইয়াৰ পিছত অতিথিৰ বাবে চফা বন্ধাই অনুষ্ঠান সম্পূৰ্ণ হ’ব। আনহাতে অনন্ত আৰু ৰাধিকাৰ বৰমালাৰ সময় ৮ বজাত আৰু সাতজনমৰ বাবে প্ৰদক্ষিণৰ শুভ সময় নিশা ৯:৩০ বজাত নিৰ্ধাৰণ কৰা হৈছে।